Tag: 和牛

唔知大家諗好母親節去邊食飯未呢？小編今次推介日式居酒屋，現推出期間限定嘅菜式，前菜丶鍋物丶海鮮丶和牛及壽司等等包羅萬有。有幾款菜式都推介俾大家，即睇內文詳情！ 呢個玩味「壽司蛋糕」好啱同屋企人共渡母親節，層次豐富嘅壽司蛋糕，以櫻花蝦粉色壽司飯置底，加上角切吞拿魚丶海蝦丶鯛魚同埋鰤魚，仲有一層紫菜綠色壽司飯丶吞拿魚及、三文魚，呢個蛋糕絕對係母親節嘅打卡首選。 仲有呢個「櫻花明太子三文魚卷」以粉嫩嘅櫻花蝦粉打造淡粉色壽司飯。 「海蝦沙律卷」菜粉混入壽司飯，搭配海蝦丶青瓜及蛋絲，每一口都洋溢清新嘅春日氣息。 口感鮮甜嘅「磯煮鮑魚」以昆布丶味醂、日本醬油慢煮四至五小時，放置過夜後讓鮑魚完美吸附湯汁嘅精華，最後再以魚子醬點綴提鮮。 「櫻花蝦土佐豆腐」更以炸至脆香嘅時令櫻花蝦同埋鰹魚乾，包住嫩滑豆腐，鮮味十足。 地道的日式一品鍋「寄世鍋」，有鯛魚丶生蠔丶帶子丶白蜆，令全個高湯滿溢海洋鮮味。 「和牛壽喜燒」，特意選用油花細膩嘅日本宮崎縣A4和牛，仲有豆腐丶冬菇及日本椰菜，滋味無比。   本店（IZAKAYA BY K） 地址：將軍澳唐俊街18號地下G07號舖The Parkside 第1座 母親節菜單供應時間：2021年4月30日至5月9日 營業時間：12:00-15:00｜18:00-22:00 電話：3618 8211

By Kelly Kwok

April 30, 2021August 5, 2022

新派日式燒肉店「和牛燒肉一郎」已經喺佐敦正式開業，各位燒肉迷有福啦！ 新店全港首創「燒肉新幹線」新體驗，提供「和牛食べ 放題」，智能化嘅送餐模式令用餐體驗更方便 「和牛燒肉一郎」主打和牛，提供六款「和牛食べ放題」菜單，定價為由港幣$ 298起$938，可以滿足唔同食客嘅需要 店內更有全港獨家供應嘅「小田 A4 和牛」 （Odagyu），食肉獸一定鍾意 小田和牛來自日本鹿兒島縣薩摩半島南部嘅牛舍， 至今已有逾五十年歷史，好好食！ 除咗獨家供應嘅小田和牛之外， 餐廳更引入唔同種類嘅和牛， 當中包括「美國和牛」同埋「澳洲和牛」，選擇都幾多！ 小編推薦必試 「薄炙蔥花牛舌」丶「牛肋條」同埋「大判壽喜燒牛里脊肉」等等，肉味香濃勁好食 另外亦有豚肉同雞肉推介，好似 「日本產豚肋肉」丶「日本產雞腿肉」同埋「薩摩豚香腸」等等 菜單更設有多款盛合系列美饌，方便大家試到唔同嘅肉類！ 鍾意食海鮮嘅你亦可以試下每日新鮮空運到港嘅海鮮，包括「海老」丶「帆立貝」丶「帝王蟹」同埋「伊勢海老」等等 廚藝團隊更精心設計和牛刺身同埋炙燒和牛壽司，食客更可另外加配 海膽丶三文魚子同埋魚子醬，食材高級又好味 另有一系列蔬菜丶前菜丶飯麵類主食同埋湯品，食品種類多元化！ 食客用放題嘅時候，可以喺自助區域自由挑選心水美食同埋飲品 同時，品牌製作人暨清酒侍酒師釜谷將史先生更親自搜羅多款稀有日嘅本清酒 咁吸引，大家記得去試下啦！    「和牛燒肉一郎」 地址︰香港九龍佐敦佐敦道 31-37 號百誠大廈 3 樓 營業時間︰每日中午 12 時至下午 3 時及下午 6 時至晚上 11 時。

By staff5

April 8, 2021August 5, 2022

小編最近發現位於荃灣嘅「麻辣風雲」推出平價午市一人鍋，最平只需$48起就食到 ！ 而午市一人鍋分別有3個款式！ 鍾意食肉嘅你可以試下$48「肉老大一人鍋」，分別有牛肉/豬肉/雞肉畀你揀～ 可以滿足一眾食肉獸！ 揀任何一款肉類，都會送上4件！一個人食就啱啱好～ 想食海鮮嘅話，亦有$68嘅「珍寶海鮮一人鍋」供應～ 咁嘅價錢就可以食到飽魚、蝦同埋扇貝，真係好抵食！ 牛肉控一定唔可以錯過呢款$98嘅「極上和牛一人鍋」，特級和牛入口即溶！ 除咗肉類主食，套餐亦包2/3款火鍋配料！（肉老大、海鮮包2款；和牛包3款） 有成接近40種選擇，幾唔錯㗎～ 亦可以追加海鮮～ 蠔、生魚片等等都有！ 除咗配料豐富，湯底亦有好多選擇！ 包括︰麻辣風雲湯、招牌酸菜湯、田園南瓜湯、蕃茄元氣湯同埋清爽椰子湯！ 小編個人就最推介 麻辣湯 同埋 酸菜湯 喇～ 真‧足料兼入味啊！ 食完肉、配料，食埋麵食就夠晒飽喇～ 套餐包埋嘅薯粉，係可以無限追加！配麻辣湯勁正！ 又或者可以試佢個特色鍋底粥！吸晒湯底啲精華嚟煲粥，真心爽！ 將湯底隔渣後依個人喜好加入豬骨湯稀釋，之後將飯倒入鍋到慢慢煮，再加埋生雞蛋… 最後上碗！配埋紫菜碎、蔥花等一齊食！真係好正～～ 鮮甜又好食，一定要試下！ 麻辣風雲 午市一人鍋供應時間：11:30-16:30 地址：荃灣海壩街 114 號 1 樓

By staff5

November 9, 2020August 5, 2022

食肉獸要注意啦！ 唯港薈推出和牛主題自助早午餐「秋季和牛薈」，大家可以任食頂級M8和牛 勁吸引！！ 廚師團隊選用上等和牛為食材，創作一系列滋味料理 可以食足3個幾鍾，大胃王好易回本！ 牛肉上都有均勻分佈嘅油脂，入口多汁軟嫩，肉味香濃 真係一試難忘 除咗牛肉，你仲可以享用多款The Market東南亞風味主菜同海鮮冷盤， 仲可以無限添飲紅白餐酒、果汁同汽水！ 鍾意食牛嘅你記得唔好錯過啦 「秋季和牛薈」詳情 日期：2020年10月25、26日（週日及重陽節翌日）及11月1、15日（週日） 時間：上午11時45分至下午3時 地點：Silverbox宴會廳 價錢：成人：港幣760元* | 兒童（3至11歲）：港幣530元* 查詢： (852) 3400 1388 |[email protected] 早鳥優惠：於2020年10月31日或之前預訂並繳交全數款項的顧客可享有85折優惠 *以上價錢需另收加一服務

By staff5

October 17, 2020August 5, 2022

食漢堡包唔一定要揀外國品牌嘅餐廳～ 深水埗一間小店出品嘅都好有水準~ 特級黑松露和牛漢堡更加係必食添呀！ [instagram photo=”BgOnHsuF_1d”][/instagram] 雖然係小店~ 但係真材實料～ 和牛好大塊，咬落口好juicy！ [instagram photo=”BYt_Mb3H4mR”][/instagram] 呢度一般牛肉漢堡都會煎到七至八成熟左右～ 所以如果想食全熟就要預早講聲喇！ [instagram photo=”BWR9G2fBCZ1″][/instagram] 雖然黑松露味唔係特別強～ 但勝在煎蛋+微溶芝士帶出鹹香味，所以一個字「正」呀！ [instagram photo=”Bf_Tdh_HVyn”][/instagram] 如果跟套餐嘅話~ 仲會包埋沙律/薯條，同埋汽水～ 小編順便推介埋粗薯條，真係特別好食㗎！ [instagram photo=”BVzLPoKFZBb”][/instagram]   Burgerman 地址：深水埗欽州街65-71號地下   =============== 放假去邊 更多好介紹: 快啲like我哋Facebook 同follow我哋Instagram啦!

By Katie Lo

June 8, 2018August 5, 2022