• Mon. Jun 1st, 2026
    • '

    Tag: 嘉儀

    深圳人氣抹茶甜品! 價錢抵CP值高~ 和風環境影靚相!｜中國旅遊｜放假去邊

    聽講深圳有幾間人氣抹茶店，充滿冒險精神嘅小編，梗係要去試試佢！ 小編驚喜發現，食物價錢平過香港一大截，質素仲絕對唔差！ 重點係店內設計好日系，啱晒我呢啲妙齡少女影相打卡啦～～ 小編：嘉儀（FB page: 嘉儀 / IG: chongkkayee） [youtube youtubeurl=iz2U5x7ko38][/youtube] ==================== 初代甜品宇治抹茶 呢間甜品舖清一色賣抹茶甜品/飲品，小編就試咗店員話最受歡迎嘅三款！ 山核桃抹茶千層蛋糕 (人民幣28元) 小編無呃你！呢個千層蛋糕係一定要食！ 唔單止Cream夠滑夠香濃、班戟皮夠薄，啲份量勁多嘅核桃粒，完全係豐富咗成件蛋糕嘅口感+味道！ 抹茶大福 (人民幣22元/3粒) 第二樣小編覺得都要嗌嘅嘢：抹茶大福！CP值好高～ 糯米糍好淋，唔會食到啖啖粉！ 抹茶Cream回甘，紅豆粒粒飽滿，小編一口氣就食晒三粒了！ 宇治抹茶配雪糕 (人民幣35元) 飲品雖然係最貴，不過抹茶雪糕係吱到成個杯咁高！ 完全唔會過甜，飲落有refreshing嘅感覺～～ 重點係，呢間Cafe嘅和風設計好靚，有唔少打卡位！ 食完記得影返幾張相先好走啊～ 地址： 文心六路海岸城東座二層216號 (海岸城店) 東門街道永新街59-11號 (東門店) ==================== 無邪日式甜品 無邪十一式 (人民幣45元) 係香港食個芭菲杯，應該要貴一倍！呢到有11款嘢食，樣樣質素都唔錯～ 抹茶雪糕竟然比得上日本味道，都幾驚喜～ 小編最推薦抹茶雪糕～微苦亦唔會過甜，建議可以就咁嗌杯嚟食！ 而抹茶士多啤梨朱古力就係無印良品嘅味道！:p 鐵板冷熱二重天 (人民幣40元) 呢個甜品係小編覺得最普通～蛋糕係冬甩嘅味道… 純粹加埋抹茶雪糕，會有一冷一熱嘅特別口感～ 最欣賞係佢個牛奶醬，超香牛奶味～加埋一齊食會更好味！ 地址： 文心六路潮流廣場OKmall二樓13號 (海岸城店) 深南東路3018號祥祺商廈101號 (東門店)   ==================== 放假去邊 更多好介紹: 快啲like我哋Facebook 同follow我哋Instagram啦!

    author

    大埔美食故事 (下集) 冬天囤積脂肪之旅 | 香港美食 | 放假去邊

    大埔人傑地靈~ 美食多到一日都食唔哂~ 所以編輯部決定再戰大埔美食! 今次放任地食~ 炸髀、炸豬手 正! 啱哂冬天儲脂肪! 為食小編 : 阿My (FB page: My叔 /  IG: @ my.rilla) 嘉儀（IG: chongkkayee） [youtube youtubeurl=”UwW2iaZbTZI”][/youtube] 大埔美食上集 – 7間必試平民美食 ==================== Route 83 以歐美美食為主打嘅小店, 無論店內裝修甚至餐牌設計, 都好有外國Cafe嘅風格! 特別推介 : 熔岩芝士醬牛肉漢堡 $78 牛肉足料，又嫩又Juicy~ 芝士仲要多到”流”出嚟! 無得彈~   超正宗德國風味 : 德國脆皮咸豬手 $148 脆皮真係卜卜脆! 咬落係有聲架~  豬手好入味, 但又唔會太咸! 咁嘅價錢已經有好高嘅水準! 份量驚人… 2個人都食到好飽呀! 值得一提, 伴碟嘅酸菜都整得好好, 同小編喺德國食過嘅味道好似~ 整體都好有誠意 地址 : 大埔廣福道83號地舖 ==================== 老店 店名已經擺明車馬話你知佢係『老店』~ 而佢出名咩? 就係用杯上嘅雲吞啦! 杯仔雲吞 $17 老闆話，既然魚蛋燒賣都可以企喺度食，點解雲吞唔得呢? 所以就有杯仔雲吞嘅存在啦~ 一啖一粒~ 啱啱好~ 用新鮮手切豬肉整, 口感比一般雲吞更有口感 地址 : 大埔大元邨街市商場401號   ==================== 三多 大埔三多出名到, 唔係大埔人都會專登入去食! 三多必食係咩? 一定係 炸髀 $26 皮薄! 肉嫩! 夠入味~ 出名真係有佢嘅原因~   仲有唔可以唔試 豉油肉碎炒腸粉 $32 炒腸粉嚟講，呢個真係好香好好味…腸粉仲要好滑呀~ […]

    author

    【美食大集薈】銅鑼灣食盡中西日! 滿足正餐+甜品胃~ | 香港美食 | 放假去邊

    如果掃街已經滿足唔到你，不如一齊掃餐龐啦！ 小編發現銅鑼灣翡翠明珠廣場嘅Festiva，開咗好多餐廳～ 仲有齊中式、西式、日式，食到正餐又有甜品！ 仲唔快啲去試？ [facebook url=”https://www.facebook.com/openholidays/videos/vb.1584449505101275/1944893645723524/”][/facebook] 小編：嘉儀（IG: chongkkayee） ==================== 意粉屋 流心芝士法國春雞（伴烤新薯、香草忌廉野菜） 燒春雞好大隻啊～啲雞肉係超級嫩！ 最特別係入面有餡！ 切開有好多芝士流出嚟！芝士好香，用嚟點雞肉食，完全perfect啊！ 芝士火鍋 冬天梗係要打邊爐，香濃芝士啱唔啱？ 足足用咗4款芝士，仲要有好多嘢食！ 前菜：三文魚、巴馬火腿、鮮果 配料：刺身級帶子、香腸、粟米、車厘茄、蘑菇、肉丸、薯條、麵包粒、意粉 重點推介！紐西蘭特級肉眼！ 牛肉味好香濃～配埋芝士食，真係會食唔停啊！ 北海道帶子 日本魷魚 墨汁意大利粉 呢到啲意粉都好值得食！ 意粉有咬口～海鮮好新鮮，份量都好足夠！ 帶子好好食啊～仲大大粒！Encore啊唔該！ ==================== 丼丼亭 海產天丼定食 呢間餐廳係大阪過江龍！必試招牌：海產天丼！ 有4款天婦羅，全部都皮薄香脆，一啲油膩感都冇～ 天婦羅有兩款食法！ 關東就點天汁，關西就可以點鹽，有得自己揀！ 醬油角切魚生丼定食 另一必嗌就係魚生丼喇！又新鮮，仲要超級多料～ 吞拿魚、三文魚、油甘魚、八爪魚、甜蝦，仲有玉子！包你夠食！ 串燒（牛腹肉/牛舌厚切/煙肉年糕/海老/甜蕃薯/雞肋骨） 串燒得銅鑼灣分店有！小編我梗係要食！ 特別推介牛腹肉啊～啖啖肉，肉汁好夠～ ==================== ZAKKA Café 梳乎厘班戟 配北海道牛乳雪糕 一定一定要食！班戟好鬆軟，而且好足蛋味～ 配忌廉/雪糕食都好正～ 期間限定 黑白朱古力流心布甸 配雲呢拿雪糕 此心太軟不同彼心太軟！外皮係黑朱古力，而流心餡係白朱古力！ 一次過試晒兩款味～ 期間限定 榛子朱古力慕斯班戟 除咗Pancake係用榛子醬做之外，就連中間啲Cream都係用榛子醬整！ 再加入少少堅果碎，有口感～仲好香榛子朱古力味！ 酥脆窩夫 […]

    author

    深水埗食咩好? 抵食米芝蓮腸粉! 抹茶紫薯甜品~ | 香港美食 | 放假去邊

    西九多嘢食，兼且平靚正！ 小編今次帶大家係深水埗出發，決戰深水埗、長沙灣、荔枝角美食！ 腸粉2蚊條？仲有大家最愛嘅抹茶、紫薯甜品！ 一齊去掃食啦！ 為食小編 : 嘉儀（IG: chongkkayee） ==================== 合益泰小食 拎過米芝蓮小食獎嘅腸粉，係深水埗必食～ 腸粉 $2/條（$8起） 價錢平，腸粉滑！ 充滿米香嘅腸粉，加埋豬油花生醬，話咁快就食晒成碟喇！   地址：深水埗桂林街121號 ==================== 華 Hana Soft Cream 小店專賣雪糕，但竟然發現抹茶出沒？ 抹茶8.0盆栽 $30 表面極多抹茶粉，抹茶味香濃～ 加上牛奶雪糕係濃度8.0，一次滿足你兩個願望！ 地址：深水埗欽州街37號西九龍中心6樓628A號舖 ==================== 三姐松記糖水 紫薯大行其道，見到有紫薯甜品點可以唔試？ 紫薯撈河 $32 賣相雖然唔討好，不過竟然好好食！ 河粉用椰汁糕整成，香濃椰汁配上天然紫薯，出奇地好食～ 地址：深水埗元州街151號地下 ==================== 老鳳冰室 黑松露炒蛋多士 $38 一上枱已經好香黑松露味，炒蛋嘅份量仲好多！ 十秒食晒輕鬆啦～～～ 地址：深水埗基隆街216號地舖 ==================== 王孖記果子 聽講每日糯米糍都好快賣晒，到底有幾勁？ 款款都好大粒，新鮮水果香甜！ 珍寶芒果糯米糍 $30/2件 皮薄芒果靚，越食越滋味～ 原個芒果放入去，一件竟然已經有手板咁長！ 楊枝金露芋圓子 $20 一杯飲得到嘅甜品！芋圓比平時食到嘅細粒，不過依然好食！ 地址：荔枝角青山道475A號地下A舖 ==================== […]

    author

    韓國濟州空運! 限量橘子蜜~ 炸雞＋龍蝦超滋味!｜香港美食｜放假去邊

    韓國過江龍炸雞店NeNe Chicken，大家冇聽過都可能記得係劉在石做代言人！ 小編發現餐廳最近推出秋季限定，係用橘子做主題！ 仲推出咗二人套餐，咁就咩款都可以試少少啦～ 小編：嘉儀（FB page: 嘉儀 / IG: chongkkayee） ==================== 二人套餐($358/2人用) 三層架設計，好有high tea嘅感覺啊～～ 份量都幾多，有四款食物+兩杯飲品，兩個人食絕對夠飽！ 最頂層係限定口味嘅橘子蜜炸雞，仲有芝士龍蝦！ 熱辣辣食炸雞，皮脆得嚟、肉好嫩啊～～ 橘子蜜好好食！酸酸甜甜夠開胃！ 芝士龍蝦調味不錯，仲啖啖肉～勁快食晒！ 第2層係卡邦尼意粉，雖然有加橘子醬，不過小編就唔係好食得出～ 意粉味道不錯，不過略嫌有啲乾～ 最特別係有年糕，都幾煙韌！ 最底就係沙律喇～ 除咗有特別梨子汁之外，仲有橙、藍莓等水果，冇咁單調亦好fresh~~~~ 套餐仲包咗兩杯橘子特飲，小編就覺得沙冰的確唔錯！ 食飽之後可以解下膩！ 唔想由頭橘到尾？ 飲品可以免費轉其他無酒精飲品，賣相同味道都幾唔錯啊～ ==================== 全份橘子蜜炸雞 (有骨$168/無骨$178) 炸雞一碟起碼有15隻，真係好好好好夠食！ 小編真係好鍾意隻橘子汁啊 T_T 配炸雞真係食極唔膩！ 濟州嘅橘子出名就係人都知，用佢嚟整嘅橘子醬果然唔簡單！ 呢隻橘子秘製醬汁，韓國暫時都未有得再賣，所以今次真係終極限量喇～ *葵芳同元朗分店，仲有揀半份無骨炸雞～($85)   NeNe Chicken Hong Kong 旺角朗豪坊11樓30號舖 葵芳新都會廣場185號舖 元朗形點商場一期1026號舖   ==================== 放假去邊 更多好介紹: 快啲like我哋Facebook 同follow我哋Instagram啦!

    author

    深圳Cafe影靚相~ 西餐甜品抵食! 平香港一半~｜中國旅遊｜放假去邊

    小編最近去深圳TeamLab，發現附近都幾多Cafe！ 更加發現有間同香港甜品舖非常相似，但係價錢平超過一半！ 等小編去實試，睇下抵唔抵食啦～～ 小編：嘉儀（FB page: 嘉儀 / IG: chongkkayee） ==================== Lady 7 Cafe 呢間Cafe主打西餐+甜品，同香港款式好似！ 不過價錢就平足足一倍，仲要味道唔錯，性價比幾高～～ 抹茶千層蛋糕 同香港Lady M嘅千層蛋糕好相似，都係班戟皮夾抹茶Cream，然後撒上大量抹茶粉！ 班戟皮算薄，亦好多層！ 抹茶味好濃～同香港有9成相似！(不過平一半啊…) 就連最近香港暫停發售嘅伯爵茶口味，呢到都有得賣！味道還不錯啊～～ 歡樂熊提拉米蘇魔方吐司 同香港嘅多士盒真係好似啊～ 多士好鬆脆，粉紅色多士嘅士多啤梨味超級突出！ 食完嘢，係時候影相打卡喇～ 打卡位一：花花牆 超大幅花花牆啊～～女仔真係有排影！ 仲可以拎小道具！ 打卡位二：室外吊椅 天氣涼涼地，梗係坐室外啦～ 環境靚又可以影相喇！ 打卡位三：旋轉樓梯 Cafe有兩層，中間條旋轉樓梯都係影相位！ 咁啱撞正有太陽光仲可以扮下女神光～～～ 其實室內座位都好靚，根本每個位都已經可以影相～ 一場嚟到！梗係影返夠本！ 仲有好多靚境等你去發掘！快啲約Friend去影相啦~~~ LADY 7 Café (歡樂海岸店) 地址：深圳南山區白石路東8號歡樂海岸曲水灣7棟 LADY 7 Café (KK Mall 店) 地址：深圳羅湖區深南東路5016號KKMALL京基百納空間2層(VFCOOO旁邊) ==================== Hello Kitty Secret Path 同場加映！附近仲有間Hello Kitty主題餐廳！ 有興趣嘅朋友可以過去影下相，再食下嘢～～ 好大隻Hello […]

    author

    【龍蝦迷必食】啖啖肉! 新鮮又彈牙~ 銅鑼灣足料龍蝦大餐!｜香港美食｜放假去邊

    [facebook url=”https://www.facebook.com/openholidays/videos/1925648474314708/”][/facebook] 龍蝦！龍蝦！全部都係龍蝦呀！ 銅鑼灣呢間餐廳專食龍蝦，超新鮮彈牙，而且啖啖肉～絕對對得起個價錢㗎！ 鍾意食海鮮嘅朋友仔記得mark低喇～ 小編：嘉儀（FB page: 嘉儀 / IG: chongkkayee） ==================== 龍蝦包 $148 見到兩大隻龍蝦鉗，已經流晒口水！ 麵包係用牛油烘過，微脆得嚟又好鬆軟～～ 絕對足料，啖啖都食到龍蝦肉！ 小編覺得加埋龍蝦汁，係更加惹味！所以一定要點/直接倒落去食 😛 無呃你！呢個龍蝦包，係小編係香港食過最好食！ 果然係招牌菜啊～ ==================== 烤全隻波士頓龍蝦 $358 一上枱真係覺得好大份！ 套餐仲包埋一大兜新鮮炸薯條、沙律菜！ 龍蝦真係好大隻兼啖啖肉～仲有唔少龍蝦膏！ 就連鉗都好厚身，而且好容易就起到肉～ 好新鮮，肉質好爽口！ 龍蝦淨係用鹽輕輕調味，所以食到淡淡嘅海水味～ 但係絕對唔腥！龍蝦迷一定好鍾意！ ==================== 龍蝦意粉 $168 呢個意粉係自己倒龍蝦湯，重口味嘅小編梗係倒晒啲精華落去～～ 龍蝦肉依然好好食，無諗過就連意粉都好吸味！(又唔會因為浸得太耐而淋晒~~~) 小編覺得都幾似日式沾麵，哈哈！ 啲意粉好掛湯啊～每一粒都吸盡龍蝦汁，啖啖都好濃郁！ ==================== 法式龍蝦湯 $58 龍蝦湯會包一件蒜蓉包，用個麵包嚟點湯飲就最正！ 吸吸吸吸吸晒啲味啊～～～～～ 個湯比較杰身，未飲已經睇得出係好足料！ 飲落只能說一句：超！級！濃！郁！ 海水嗰種鮮味好重，所以一定要襯熱飲～   呢碗龍蝦湯，簡直就係藝術… 好似咖啡咁拉晒花哈哈！ ==================== 同小編一樣有選擇困難症？又想食龍蝦盛宴？ 可以直接嗌龍蝦餐 ($728)，咁就唔洗煩又咩都試到晒～～ 快啲嗌埋你個friend一齊去享受龍蝦大餐啦~~~~~~ Hungry Lobster 地址：銅鑼灣登龍街18號V Point地下3號舖 […]

    author

    【芝士迷福音】啖啖芝士+足料奶昔! 美式Cafe越肥越愛~｜香港美食｜放假去邊

    [facebook url=”https://www.facebook.com/openholidays/videos/1922302641315958/”][/facebook] 芝士迷注意！ 小編真係聽講過，越高卡路里嘅食物，係會令人越快樂～ 今次食咁多芝士，一定好快樂喇！ 餐廳環境細細，不過嘢食款式都唔少！ 主打美式食品，三文治、熱狗、薯條就基本啦，仲有招牌Milkshake～ 小編：嘉儀（FB page: 嘉儀 / IG: chongkkayee） ==================== 黐線芝士黐住芝士治 $68 第一樣必嗌，就一定係呢款枱枱都有嘅三文治！ 粉紅色嘅多士已經好吸睛，啲芝士仲要係咁流～～ 芝士份量的確唔講得笑！拉絲真係毫無難度… 不過要襯熱食啊～你知啦，硬咗實唔好食～ 熱辣辣咁食真係好正… 雖然好多但竟然唔膩，咬咬下就食晒！ ==================== 太陽蛋燒烤辣醬炸薯條 $48 小編一見到「太陽蛋」呢3個字，真係即刻衝去嗌！ 絕對冇失望啊～～～上枱已經聞到好香！ 第一時間督穿個蛋黃！之後拎薯條點蛋汁食，應該唔洗小編教啦？ 配埋啲BBQ醬，真係好好好好惹味！ (話就話辣醬，不過唔食得辣嘅小編都清晒…) ==================== 芝士肉醬熱狗 $68 肉醬意粉就食得多，配熱狗都係第一次！ 肉醬多、芝士多，仲要有埋熱狗腸，拎上手真係好有份量～～～ 熱狗接近有小編前臂咁長～ 啖啖肉，厚到一啖係咬唔晒所有餡！ ==================== 美式班戟配自家製蘋果玉桂薑醬 $48 食完正餐嗌甜品，好正常啊～～ 呢到有好多款Pancake揀，有鹹有甜，小編梗係要試新口味！ 煮咗嘅蘋果依然爽脆，配埋蜜糖、玉桂薑醬，再加淋淋的pancake仔～～ 好滿足啊～～～～～ 啲Cream都冇留手… 加埋一齊食… Yeah脂肪愛我！ ==================== 香芋奶昔 $58、雜莓奶昔 $58 最後點可以唔飲招牌Milkshake？ 小編同你講，係絕對值得飲！ 香芋味小編超級鍾意，食到粒粒芋頭之餘真係好香！ 好足料咁打杯milkshake出嚟，所以放咗勁耐都唔會溶到變水～ 你睇下小編飲得幾滋味就知啦～～ 花生醬朱古力milkshake亦係另一主打，聽個名都知係增肥恩物啦！ 增肥路上你絕不孤單～ 咁多好嘢食，快啲約朋友仔去喇喂～ No […]

    author

    【Line Friends + Hello Kitty】深圳主題Cafe~ 影相打卡喇喂!｜中國旅遊｜放假去邊

    有得影靚相，又有得食好嘢，小編就最開心㗎喇～ 深圳有兩間人氣主題Cafe: Line Friends同Hello Kitty，未去到韓國日本咪去住深圳先囉～～ 小編：嘉儀（FB page: 嘉儀 / IG: chongkkayee） 影相位超多，等小編一次過畀10張你哋睇啦，哈哈哈！ ==================== 影巨型熊大是常識吧～～ 仲有妹妹Choco啊～超級大隻！ 當然唔少得可愛嘅饅頭人啦！ 想一次過影幾隻？冇問題！ 仲有啲得意得嚟、好鬼摟打嘅搞笑pose！ 想坐低食嘢，都有Line Friends陪啊！ 就連嘢食都有佢哋個樣！ 店內仲有好多Line嘅精品畀你慢慢揀！ 呢到簡直係滿足晒女仔3個願望！食好嘢、影靚相、SHOPPING！ 溫馨提示大家～ 如果想坐上熊大到影相，最好就鋪返張紙巾，唔好整污糟佢喇 :p Line Friends Cafe & Store 地址：深圳南山區文心五路33號海岸城購物中心二層203-205舖（地鐵後海站D1出口） ==================== 之後行多幾步，就係Hello Kitty Cafe喇～ 一入門口就會見到Hello Kitty個公仔，等住同你影相㗎喇！ 成間Cafe都係以粉紅色為主，就連枱櫈都係Hello Kitty造型～ 影完相又係時候醫肚喇～ 呢到啲食物又係畀你打卡嘅！不過好好彩地竟然係好食、唔止得個樣！ BONBONS Hello Kitty Cafe 地址：深圳南山區文心五路33號海岸城購物中心一層第141-1舖（地鐵後海站D1出口）   ==================== 放假去邊 更多好介紹: 快啲like我哋Facebook 同follow我哋Instagram啦!

    author

    觀塘東廣場=聯合國? 瘋狂掃食異國美食! | 香港美食 | 放假去邊

    小編有新發現！原來觀塘東廣場有好多好嘢食！ 仲要係嚟自五湖四海，歐陸風情、港式美食、台灣夜市通通有齊～ 炸軟殼蟹漢堡原隻上？日式手卷配鵝肝？ [youtube youtubeurl=cM4ALdnpFoc][/youtube] 睇下小編食得幾滋味？想食好嘢就跟住嚟啦！ 為食小編 : 嘉儀（IG: chongkkayee） ==================== 西班牙小食坊 黑火豬火腿莎莎多士 $28 火腿質素高，多士烘得好脆口！ 配埋啲蕃茄粒、生菜絲，成件事好Fresh～～ 西班牙黑毛豬肋條串燒 $25 黑毛豬肉味香濃，而且好淋！ 不過份量就略嫌太少喇… 地址：觀塘成業街7號東廣場地下7號舖 ==================== My Burger 炸軟殼蟹漢堡 $78 ／ 抹茶奶昔 $38 小編極推！即叫即炸軟殼蟹啖啖肉，仲要一啲都唔油！ 抹茶奶昔香濃，抹茶控可以一試～ 原隻軟殼蟹，份量超級足～ 無呃你㗎！ 地址：觀塘成業街7號東廣場地下G12-13號舖 ==================== Coffee Art 鐵板焦糖香蕉雪糕班尼 $60 一上枱已經聞到好香朱古力味，記得襯熱淋埋朱古力醬！ 超～級～好～食～ 泡沬咖啡（3D拉花）$36 小編一見到有3D拉花，冇猶疑！即刻嗌！ 隻貓咁可愛，梗係相機飲先啦～ 地址：觀塘成業街7號東廣場地下G46-G48舖 ==================== 橫濱水手 加拿大海膽手卷(1格) $45 ／ 燒鵝肝手卷 $32 手卷無極限！海膽手卷周街都係，難得呢份一啲都唔腥～ 另外仲有鵝肝手卷，幾特別已經油份重，幾香！ 地址：觀塘成業街7號東廣場地下G53A號舖 ==================== […]

    author