Open Tour
地道肉餅飯？仲要係生煎？ 大圍有間茶餐廳嘅生煎肉餅飯好出名㗎！ 幾乎每一個客人入到嚟都係叫呢個飯～ [instagram photo=”BDZz2MWRbTE”][/instagram] 呢件自家醃製肉餅份量十足，真係成吋厚！ 仲要係即叫即煎，帶點焦香！ [instagram photo=”Bm-ycvCHUrb”][/instagram] 食落外酥內軟，加埋豉油，撈飯一流！ 真係做得好出色！ [instagram photo=”BaniUAIg3gS”][/instagram] 落埋辣菜甫，味道更惹味！ [instagram photo=”BCmc27Dw7ug”][/instagram] 加錢仲可以配炒飯底，好正！ 雖然只係一個簡單又平凡嘅賣相，但你千祈唔好睇小佢，真係可以好好味！ [instagram photo=”Bgar_35nKw9″][/instagram] 金城茶餐廳 地址：大圍積福街84號地下 =============== 放假去邊 更多好介紹: 快啲like我哋Facebook 同follow我哋Instagram啦!
大圍有一間日式餐廳以家庭式經營， 假日有好多街坊都會去食～～ [instagram photo=”Bhs8in0n2-k”][/instagram] 裡面有超過十款便當俾客人揀，選擇超多！！ 真係日日食一款都唔會覺得悶啊！ [instagram photo=”BmOfOzdh3O4″][/instagram] 呢度嘅便當係以日本地方命名，每款都有唔同嘅食物組合～ 其中比較受客人歡迎嘅有：沖繩便當、和歌山便當、福岡便當～～ [instagram photo=”BrtzDyrgiQf”][/instagram] 每個便當都份量十足！ 前菜、刺身、小吃、主菜同咖哩飯樣樣齊～ 好豐富！高CP值！ [instagram photo=”BdjnQPljiDC”][/instagram] 除咗高質便當之外，仲有拉麵、定食炸物、刺身壽司…… 心郁郁想食日本嘢？咁就過嚟大圍試吓啦！ [instagram photo=”BmGiGkihTEH”][/instagram] 豬屋日本料理 地址：大圍田心街20號雲疊花園4號 =============== 放假去邊 更多好介紹: 快啲like我哋Facebook 同follow我哋Instagram啦!
飯後甜品必食！ 去完元朗、大圍掃街，係咪好想食返啲甜品呢？ 呢間甜品舖好高質，依家仲有優惠，每晚有一款甜品只係$30！ 等小編話你知有咩好食啦！ ================ Baileys 扭紋軟雪糕、咖啡棉棉冰 果然係招牌呀！勁好食！ 除咗有朱古力＋雲呢拿雪糕、咖啡棉棉冰之外，仲有好多配料：紅豆、可可脆片、河粉！ 重點係：加咗Baileys朱古力酒呀！！！ 即刻令到成個甜品昇華！ 超級三兄弟（朱古力心太軟、朱古力軟雪糕、朱古力奶凍） 呢個真係朱古力迷必食！ 啖啖都係朱古力，仲要極級好食！ 奶凍超動L~~~ 重點係心太軟真係好流心！朱古力醬好濃好濃啊！ ================ 跟住落嚟… 就係幾款小編推介嘅$30甜品！ 彩虹橋、朱古力天堂 彩虹橋：3.6牛乳雪糕、新鮮水果、爆珠、椰奶忌廉、原味奶凍 朱古力天堂：朱古力軟雪糕、可可脆片、紅豆、椰奶忌廉、小丸子、朱古力奶凍 兩杯都勁足料啊～～～ 齋食呢杯甜品都飽！ 焦糖燉蛋 配扭紋軟雪糕 呢到啲雪糕真係好足料！ 杯杯都吱到勁高！ 重點係佢個焦糖燉蛋！ 面頭燒得好脆好香，入面勁滑勁Creamy啊～～～ 蛋白杏仁茶配湯丸 鍾意食中式糖水嘅朋友仔一定要試！ 呢到全部都係用石磨磨，所以好香好濃～ 出面食到嘅杏仁茶，成日都好淡味… 但係呢間係小編真心推介！ 好足料！啖啖都食到好多蛋白！ 夠晒滋補，依家秋天食真係最啱！ 大飯糖 甜品小食屋 元朗分店：元朗洪水橋大街德祥樓31號地舖 大圍分店：大圍美田路30號美林邨熟食亭5-8號舖 ================ 優惠詳情（甜品優惠價：$30） 星期一：彩虹橋（原價$47） 星期二：焦糖燉蛋 配扭紋軟雪糕（原價$45） 星期三：蛋白杏仁茶 配湯丸（原價$43） 星期四：朱古力天堂（原價$47） 星期五：3.6軟雪糕 配紅豆冰（原價$42） 優惠時間：每日下午4時 至 9時 優惠日期：即日起 […]
大圍近年越黎越多小食店~ 唔少人都會去大圍踩單車，出發前後梗係掃街填肚啦！ 至於好似小編呢啲唔鍾意做運動嘅，哈哈，掃街同去文青cafe打卡就夠啦~ 記者：Jaime （FB: Jaime Ho / IG: jaimehomusic） 1. Snapsy 一出大圍站就見到佢，位置超級方便！ 香蕉朱古力杏仁脆脆班戟 (加雪糕$10) $37 超多意大利雪糕，正呀!!! 所以食咗好耐先到香蕉朱古力餡料~ 地址：大圍村南道41號地下(大圍站A出口對面) ==================== 2. 華輝小食 手撕雞腸粉 $28 可以選擇原味至七級辣~ 小編呢個就係一級辣。手撕雞好嫩滑~舖頭堅持芝麻醬要用石磨，夠哂誠意! 腸粉仲keep到熱!! 一盒就滿足到小編兩個願望^^ 地址：大圍積福街積壽里4D號地舖 ==================== 3. 康和車仔麵茶餐廳 蜜汁龍鬚$34 一上菜已經聞到勁香!!!事關小編係個魷魚迷，呢碟真係唔可以錯過! 魷魚爽口彈牙~ 醬汁因為落咗片糖、冰糖，味道甜甜鹹鹹，煮得好香口~ 地址：大圍積富街40號 ==================== 4. Dear Coffee and Bakery 門口係俾客人等位嘅時候坐，非常貼心~ 當日下午冇咩人唔洗等位，小編即刻影返張相打卡! 主打自家手工麵包，用天然酵母發酵，食得健康人都開心啲！ 100%紫薯包 $33 Utopia (matcha+expresso) $48 Utopia係咩呢? 原來係綠茶加濃縮咖啡~ 朱古力拉花超靚呀(心心眼) d cream多到呢~~正! 地址：大圍積運街2-8號海福花園地下22號舖 ==================== 5. […]
平時去沙田除左唱K、睇戲之外，仲有咩野做好呢？ 不如跟住呢個行程嚟個一日文化遊，慢慢去感受吓傳統建築物，有時間可以去埋文化博物館~ 夜晚再去食地道美食：燒乳鴿、Wasabi蟹籽手撕雞！ 曾大屋 曾大屋係沙田嘅一條客家圍村。原稱山下圍，1848年起興建，1867年建成，係香港一級歷史建築物，公眾可以自由入村參觀。 因為依然有市民居住，所以參觀時記得保持安靜。 創建人曾貫萬，喺廣東省五華縣南下到香港，後來因開設石廠致富，就起圍村俾族人居住。全屋有99個單位。二次大戰時曾經俾逃難人士租住，所以又叫「曾大屋」。 曾大屋採用廣東五華老家嘅建築風格，主要由花崗石、青磚建造，四角都有鑊耳型的三層高角樓，有槍孔同瞭望台。 屋前嘅風水池已經被填平，以前嘅護城河、吊橋亦唔再存在。 圍村正面有三個大門，分別有「安富」門、「尊榮」門、「一貫世居」門。正門門頂石匾刻住「一貫世居」，係由中舉人曾貫萬嘅侄兒曾蘇所寫嘅。 曾大屋採用三進式設計，有上、中、下三堂，兩側各連兩排橫屋，稱為「三堂四橫」格局。 廳與廳之間由通道、天井相連。曾貫萬當年獲朝廷封為直奉大夫，所以有「大夫第」木匾、「祥徵萬福」石匾。 中堂係族人嘅議事廳。廳入面掛著曾貫萬、其母親朱氏的遺像、「文魁」木匾，又擺放咗曾貫萬71歲壽辰(1878年)獲贈嘅十二幅木刻壽屏。 再穿過另一天井，就到達上堂，即係供奉曾氏祖先的祠堂。 好多村民都已經移居海外，而家留返喺曾大屋入面住嘅曾氏子孫唔多，反而住咗唔少外姓人。 地址：沙田山下圍 前往方法：港鐵車公廟站/沙田圍站步行可到達 ——————————— 車公廟 沙田車公廟，係香港二級歷史建築物。喺1890年前已經落成。 廟內紀念嘅車公係南宋嘅將軍車大元帥，南宋末年，宋帝昺及車大元帥避難至香港，並駐守西貢。 後來車大元帥病死，人民就建廟供奉。後來民眾請車公坐陣，為沙田消除瘟疫，並興建車公廟。 車公廟主殿內的神壇上，屹立著二十七尺高嘅金色車公像。善信可以敲鼓、順時針輕力轉吓銅製風車，希望轉個好運。 天花板上更建有藻井，有麒麟、鳯凰的雕花圖案。 福祿宮，拜吓五路財神，輕輕摸吓聚寶盆，祈求財源滾滾來。 犯太歲就要喺太歲衣上寫自己個名，將檀香放在香爐。先拜斗姆、值年太歲，再拜自己的太歲，將寫咗名嘅太歲金放在其腳底，俗稱「攝太歲」 最後再向其他太歲拜一拜。年尾回廟再參拜。 車公廟內可以求籤，外面會有人即時幫你解籤。 地址：新界大圍車公廟道 前往方法：港鐵車公廟站/大圍站步行可到達 開放時間：每天上午七時至下午六時 ——————————— 龍華酒店 龍華酒店係香港僅有嘅園林酒店之一。呢度最出名就係燒乳鴿！ 地址：沙田下禾輋村22號 ——————————— 陳根記 沙田屋邨嘅大牌檔，可以食到古早味香港菜！推介：Wasabi蟹籽手撕雞、椒鹽魷魚、糯米鱔 地址：沙田禾輋邨街市大牌檔3-5號 ——————————– 放假去邊 更多好介紹: 快啲like我哋Facebook 同follow我哋Instagram啦!
