今次介紹呢間大埔餅店，必試巨型焦糖布蕾法包！大到要兩個手捧起～價錢都好抵食，咁大個都只係賣18蚊！ 每日下午兩點及三點新鮮出爐，每次出爐得50個，每個人限買2個，所以排隊可以數下人數再排。 咁大個，四個人share都冇問題～ 外脆內軟，法包係偏硬，焦糖布甸好香焦糖味，蛋都好滑，唔會太甜。 買返屋企做飯後甜點，同屋企人開心share～ 煒成麵飽餅店 地址: 大埔同秀坊11號地下 每日2pm，3pm各出50個，每人限購2個。 圖片來源：@foodjaii.hk、@fuudjai
大埔美食一向都多！有唔少餐廳除咗有街坊幫襯之外，仲有好多人特登跨區去試！ 今次就等小編帶你食住幾間先，睇下邊款啱你口味啦～ 厚切炸豬扒拼雲吞 配上海粗麵 呢間炸豬扒喺大埔出晒名！個個嚟到都係食佢！ 小編嗰日足足等咗45分鐘… 炸豬扒超超超大塊，而且炸得外脆內軟！值得等～ 雲吞都係必試之選，粒粒飽滿、皮薄餡多！重點係：雙拼唔洗加錢㗎～～ 世記上海麵 地址：大埔鄉事會街8號大埔墟街市及熟食中心2樓 售價：$38 (雙拼同價) ========== 酸忌廉芝士肉醬熱狗 呢間人氣熱狗店超受歡迎！小編喺開舖後2個鐘去到，有幾款熱狗已經賣晒！ 芝士肉醬好香口、配埋特製酸忌廉，夾得嚟又可以解膩～ 餡料勁多勁豐富，食極都仲有！加埋粟米片都幾特別～～ Bulldog Hotdog 地址：大埔廣福道60-62號地下C舖 售價：$50 (單價)；$68 (熱狗+薯角+飲品) ========== 西冷牛扒 配巨型蛋包飯 呢間茶室不得了，喺區內有超高人氣！出名份量多、價錢抵、味道好！ 小編今次就試試佢個蛋包飯～ 牛扒同蛋包飯嘅size係一樣，上枱嗰下真心嚇親！(兩個人share食絕對夠飽…) 蛋皮做得幾好～ 不過重點係塊西冷牛扒！茶記嘅牛扒竟然可以自己揀熟度？ 小編當日嗌咗7成熟… 牛扒厚身、大塊，但係依然超Juicy！肉質係好嫩滑～ 鼎天茶室 地址：大埔安慈路3號翠屏花園商場地下3號舖 售價：$88 ========== 低糖芝麻花生 手工糯米糍 小編大大大大大力推薦呢間小店！ 糯米糍係老闆娘每日親手包，啲餡料係又香又豐富！ 粒粒都漲卜卜勁多餡～～ 糯米皮做得好鬆軟，食落口係勁滋味！ 滑嘟嘟 地址：大埔鄉事會街8號大埔墟街市及熟食中心2樓CFS29號舖 售價：$7 (單個)；$18 (三粒)；$35 (六粒)
每次見到餐牌上寫著「鰻魚飯」，小編就會好想試吓！ [instagram photo=”BmcvH7UA_vU”][/instagram] 大埔呢間日式小店做開街坊生意， 唔講都唔知原來佢哋嘅鰻魚飯係咁高CP值！ [instagram photo=”YuyOZhGFZD”][/instagram] 鰻魚大大條丶熱辣辣，充滿炭燒香！ 真係好有水準！ [instagram photo=”BVhk29_nh0P”][/instagram] 白飯粒粒分明，重點係每一啖飯都吸收到鰻魚汁！！ 睇見都流哂口水啊～ [instagram photo=”BMIJa1NhKoy”][/instagram] 唔單止鰻魚飯，店內由前菜、刺身、壽司、飯麵、串燒都有供應， 大家下次經過大埔不妨過嚟試吓！ [instagram photo=”BQFCfrEA36X”][/instagram] 八鯨料理 地址：大埔安泰路1號大埔廣場地下57號舖 =============== 放假去邊 更多好介紹: 快啲like我哋Facebook 同follow我哋Instagram啦!
