Tag: 布甸

位於大圍嘅雞蛋主題吐司專門店，近日已遷至新址重新開張，店鋪位置比舊店更開揚，門口設有幾張凳可以俾有寵物人士坐，店舖最受歡迎嘅盒子吐司有多款口味選擇，有軟殼蟹、煙三文魚同芝士滑蛋，滿滿餡料，食落超滿足。 焦糖雞蛋布丁盒子吐司，中間係雞蛋布甸，外皮係麵包捲住，食落口感Q彈，仲有好香嘅焦糖味。 金沙軟殼蟹牛油果滑蛋盒子吐司，大家對個軟殼蟹唔洗咁期待，中規中矩，唔會脆口。另外，蜜糖芥末醬味道濃烈，如果鹹蛋黃醬個味道可以再突出啲就更好喇，加分位就係佢用嘅甜番薯薯條。 吉列大蝦芫荽醬珍珠堡，如果唔想食三文治之類，大家都可以揀番呢呢個飯Burger都得，鐘意食芫荽嘅你唔好錯過，芫荽醬汁味道好重，夾層有兩隻吉列大蝦，不過食起上嚟都幾狼狽，因為啲飯壓得唔夠實淨。 飲品方面，大家可以揀番招牌奶蓋咖啡（圖：前），竹碳黑芝麻鮮奶（圖：後）。 E for Egg 地址：大圍城河道19-25號E號舖位 電話：5347 0262 營業時間：09:00-18:00 圖片來源：@linggholic_、@igfoodtaste

By Kelly Kwok

May 14, 2021August 5, 2022

銅鑼燒品牌「星野銅鑼燒」來自日本， 但喺台灣嘅經營就青出於藍， 成為首屈一指人氣之選，最近仲推出「布丁銅鑼燒」，真係無得輸！ 今次嘅「焦糖布丁銅鑼燒」， 一如以往用上來自日本嘅天然麵粉、三盆糖等原材料製作綿密餅皮~ 而重點就係中間個粒Q彈Q彈嘅厚實焦糖布丁， 晶瑩剔透嘅表面令人見到都好想食！ 除咗布丁同餅皮係重點之外， 今次亦有搭配法國A.O.C認證的Isigny鮮奶油，做到真正嘅甜而不膩！ 現時開始， 大家已經可以喺全台灣星野銅鑼燒門市以及Family Mart都買到，非常方便！ 來源：星野銅鑼燒 Facebook

By Lok Lok

November 26, 2020August 5, 2022

大阪上年推出咗一款「埴輪」馬克杯裝嘅布甸大受歡迎！今年將會再限量推出！ 「埴輪」其實係日本嘅一種陶瓷，然後俾人作為靈感，產生咗呢款炙燒布甸馬克杯～ 布甸比平日用多一倍嘅蛋，所以蛋味勁濃郁！ [instagram photo=”Bzrscx_jmh1″][/instagram] 個樣O晒嘴真係好可愛～ [instagram photo=”BxH2raWJ4J6″][/instagram] 焦糖色嘅布甸真係好吸引～ [instagram photo=”BvkyOWuF-zR”][/instagram] 一盒四個！ [instagram photo=”BveZ6FMA43_”][/instagram] 食完將個杯用嚟種植物好得意啊！ [instagram photo=”BwBlVEsl1J_”][/instagram] 做筆筒都得～ [instagram photo=”Bymp584gDZ6″][/instagram] 你又會用嚟做咩呢? はにわぷりん「埴輪」炙燒布甸馬克杯 售價: 2個 1,512円(連税)、3個 2,268円(連税)、4個 2,808円(連税) 地點: 高島屋堺店 3F (2019年7月17日 – 23日) あべのハルカス近鉄本店 B1 (2019年7月24日 – 30日) 阪急うめだ本店10F 「古墳・はにわフェス」 (2019年7月31日 – 8月6日)

By Kitson Chan

July 13, 2019August 5, 2022