抹茶甜品濃郁微甘，非常受香港人歡迎！ 今次就搵嚟五款抹茶甜品食譜，喺屋企簡單就整到！大家都一齊試整喇～ 抹茶芝士蛋糕 [instagram photo=”CCa5kxOgJY8″][/instagram] 材料：抹茶粉12克、魚膠粉8克、忌廉芝士250克、牛奶50克、忌廉180克、無鹽牛油溶液25克、糖100克、希臘原味乳酪100克、消化餅6塊、熱水50毫升、水30毫升 工具：6吋蛋糕模1個 壓碎消化餅，混合無鹽牛油溶液，壓成餅底再放入雪櫃備用 魚膠粉加入30毫升水攪勻，座熱至完全溶解 綠茶粉加入50毫升熱水攪拌至冇粉粒 忌廉芝士加入糖、牛奶、乳酪，座熱攪拌至細滑，然後逐少加入綠茶糊及魚膠粉溶液 以高速打發淡忌廉至企身，再混合綠茶糊 倒入6寸蛋糕模中，冷藏8個鐘頭以上 拎出蛋糕然後脫模就完成 抹茶瑞士卷 [instagram photo=”BgsDubJh5qe”][/instagram] 一般材料：蛋黃4隻、砂糖20克、植物油30毫升、牛奶40克、低筋麵粉60克、抹茶粉2茶匙 蛋白霜材料：蛋白4隻、檸檬汁1茶匙、砂糖50克 忌廉餡材料：砂糖50克、淡忌廉200毫升 預熱焗爐至170度，將蛋白同蛋黃分開，砂糖分4次加入蛋白，打成蛋白霜備用 將蛋黃、植物油及牛奶攪勻，篩入低筋麵粉、抹茶粉及砂糖攪勻 將1/4蛋白霜加入蛋黃醬攪拌，再將麵粉團加入剩餘嘅蛋白霜入面輕手攪勻 焗盤放上牛油紙，把麵粉團平均倒入焗盤，拍打出空氣，再放入焗爐焗大約10-15分鐘 拎出之後鋪上牛油紙，並將焗盤反轉，放喺架上待涼 將淡忌廉加入糖打發 將已打發嘅忌廉均勻搽喺抹茶蛋糕上面，然後將蛋糕捲起成 切片後灑上抹茶粉即成 抹茶紅豆奶凍 [instagram photo=”CAF8a9yJqBP”][/instagram] 材料：牛奶200克、淡忌廉150毫升、砂糖40克、魚膠片2克、抹茶粉2湯匙、雲呢拿香油1湯匙、紅豆蓉適量 將魚膠片浸喺凍水入面至軟身 準備一個大碗，逐少加入牛奶及抹茶粉攪拌至抹茶粉溶化，然後倒入剩低嘅牛奶攪拌 準備一個鍋，加入淡忌廉、抹茶牛奶、砂糖及雲呢拿香油煮至微滾，熄火 然後加入魚膠片攪拌至溶化 將抹茶溶液過篩倒入玻璃杯中，放入雪櫃冷藏1-2個鐘直至凝固 最後放上紅豆蓉就搞掂 抹茶芝士撻 [instagram photo=”B6cQgv2gh-y”][/instagram] 撻皮材料：低筋麵粉70克、芝士粉5克、抹茶粉2克、無鹽牛油35克、全蛋10克、糖霜25克、鹽適量 芝士餡料：忌廉芝士80克、砂糖25克、淡忌廉45克、檸檬汁1茶匙、魚膠片2.5克、抹茶粉4克、鮮奶40克 工具：撻皮模具 忌廉芝士室溫放軟，加入砂糖攪拌至糖溶化 加入淡忌廉及檸檬汁攪勻 鮮奶同抹茶粉攪勻後過篩，魚膠片用凍水浸軟，抹茶鮮奶座熱水至完全溶化，再倒入忌廉芝士攪勻就完成芝士餡料部分 牛油、鹽及糖霜攪至幼滑，再逐少加入蛋液 然後加入已過篩粉類攪拌成團 包上保鮮紙，放入雪櫃冷藏15分鐘 拎出嚟然後分成4等份，壓成模具大小 將撻皮放入預熱170度焗爐焗4分鐘 將抹茶芝士糊倒入已放涼嘅撻皮中，放入雪櫃冷藏一個鐘以上即成 抹茶戚風蛋糕 [instagram […]
