• Mon. Jun 1st, 2026
    • '

    Tag: 放假

    【香港】五間特式午餐/下午茶餐廳介紹！快啲約埋朋友去食返餐好｜香港美食｜放假去邊

    放假緊係要訓到自然醒，再出去食好西！ 今次小編集合咗五間特式午餐/下午茶餐廳，中西日式都有 快啲約埋朋友一齊去試下！ 1.中環大館茶藝館 中環大館一向都係打卡好地方，特別係餐廳嘅露天茶座， 望到哂大館嘅靚靚建築，一邊食嘢一邊望美景，真係好CHILL 除咗室外環境靚，室內都唔錯 依家喺KKDAY買佢哋嘅二人午膳套餐只需HKD $238 就有咁多嘢食，真係好抵！ 中環大館茶藝館 用餐時段：11am – 2:30pm 最晚入場時間：2pm 訂購網址︰二人午膳套餐 地址：中環荷李活道10號(舊中區警署)大館總部大樓地下01-G07號舖 立即訂購 ========== 2.Club East洞天 : Angel & Devil 玩味西餐廳及酒吧Angel & Devil 推出人氣打卡下午茶 呢款「 留住「莓」一刻 The Berries Moment Tea Set  」以士多啤梨做主打，酸酸甜甜勁吸引 只需HK$295 就可以兩人享用多達十款酥點，而且款款都好靚 約埋好姊妹去傾計同打卡就啱啦 餐廳仲有露天室外位，環境都唔錯 Club East洞天  營業時間：星期一至日12:00nn – 22:00pm 下午茶時段: 3:00pm – 5:30pm 訂購網址︰留住「莓」一刻 The Berries Moment Tea […]

    author

    【旺角】假日好去處！蠟筆小新登陸MOKO新世紀廣場｜香港玩樂｜放假去邊

    今年係卡通人物蠟筆小新30週年！ 旺角MOKO新世紀廣場特別打造咗蠟筆小新主題市集 「蠟筆小新國際美食及精品市集」除咗有好多限定美食、精品之外，仲有6大鬼馬拍照區 市集共有18個攤位，現場仲可以買到好多蠟筆小新會場限定美食， 好似「小新彈彈Pat Pat布丁」咁，抵死又好食 而且你仲可以喺會場搵到首次於香港出售嘅小新黏土人系列， 每隻小新公仔可配上唔同嘅鬼馬表情同動作，好特別 可以同小新過一個開心假期！ 場內亦亦有發售多款小新精品，小新粉絲一定要去啦！ 蠟筆小新國際美食及精品市集 地址：MOKO新世紀廣場 MTR樓層中庭 日期：2020年10月15日‑28日 時間：上午11時‑下午9時

    author

    【生日行程】放假去邊?! 港島中環豐富行程一日遊｜香港旅遊｜放假去邊

    每逢有好姊妹/另一半生日，諗去邊度慶祝真係諗到頭都爆！ 今次小編就特意為大家提供行程豐富嘅港島區一日遊方案～ 等你唔洗再傷腦筋，照住個行程去中環又食又玩！ 第一站‧Brunch Club 地址：中環蘇豪卑利街70號地下 難得放假緊係要訓到晏一晏先起身，訓到自然醒之後就可以去中環嘆個All Day Breakfast，醫醫肚～ [instagram photo=”CBnCnqtAlw2″][/instagram] 呢間Brunch Club超出名食All Day Breakfast，好多遊客都專登去打卡 [instagram photo=”B6-44BujQZT”][/instagram] 而且環境舒服又可以慢慢坐，一邊食一邊傾吓計已經好chill！ 第二站‧大館 地址:中環荷李活道10號 食飽緊係要郁動吓～放假點可以唔影返啲靚相！ 大部份人慶祝生日時都會扮到靚一靚咁出街，當然影相留念！ [instagram photo=”CB3D18BDmAM”][/instagram] 大館作為古蹟同藝術館，有好多好靚嘅打卡位！ 當中呢條樓梯亦係網紅必影嘅位置，超呃Like～ [instagram photo=”CAuflE1j9dG”][/instagram] 大館嘅外牆充滿異國風情，好似去咗外國一樣 [instagram photo=”CBvMhWCJyRj”][/instagram] 大館不時會舉辦唔同主題嘅特色展覽，可以透過展覽認識大館嘅歷史故事， 而且仲係免費入場，好充實！ 第三站‧春芳號 地址:中環砵甸乍街6號 影到攰攰哋緊係要去買返杯冰凍飲品！ 春芳號喺香港暫時只係得中環一間分店，難得出中環緊係要試吓～ [instagram photo=”CBzVa-vjpeI”][/instagram] 佢哋嘅茶飲以台灣原材料配上香醇茶葉沖泡，超受歡迎 春芳號主打玉荷清蘆薈蜜同地瓜珍珠奶茶，兩款都好特別！ 第四站‧搭叮叮 拎住杯飲品最好就係去坐叮叮，感受下慢活人生！ 坐係叮叮上面可以影吓相同好好休息吓～ [instagram photo=”B-WvLPepuxH”][/instagram] 第五站‧Kyoto Joe 地址:中環蘭桂坊1號23樓 最後一站當然唔少得生日飯！生日當然要搵一間環境特別又好食嘅餐廳啦～ 成日食西餐已經食到悶，試吓呢間日式高級餐廳Kyoto Joe就啱哂啦 Kyoto Joe有開放式酒吧，仲有多款日本酒同下酒小食，最啱同朋友/另一半慶祝生日，飲返杯！ 餐廳更可遠眺維港海景，景色一流！ […]

    author

    澳門漁人碼頭酒店推介!!!蒙地卡羅風設計+無邊際海景|澳門旅遊|放假去邊

    澳門咁多間酒店揀,到底住邊間好呢?! 如果你想特別啲,又鍾意蒙地卡羅風格嘅設計 不妨考慮下勵宮酒店!!! 佢2017年先落成,每間房都有個大露台,仲要大部分都係對住無敵大海景㗎!!! 而且裝修好華麗好靚,成座宮殿咁~ 去澳門一定要試下住啊! 從出面望入去已經好靚好似個宮殿咁! 大堂裝潢好華麗 成間酒店都好歐式,包括大堂同走廊~~ 酒店房間 大部分酒店房都係望海!!! 坐出露台飲下野、睇吓風景,超寫意!! 酒店房牆身係糖果色!影相一流~   酒店設施/娛樂 嚟澳門酒店又點會剩係訓一晚呢! 當然要享用一下酒店嘅設施或者去附近娛樂場所玩一轉啦～   勵宮娛樂場 巴比倫娛樂場 SPA 健身室 室外游泳池 連泳池都係蒙地卡羅風設計,好有渡假感覺!! 仲有恆溫按摩池!!!   餐飲 1. 午餐 精美中式點心 — 勵皇軒 芝士千絲鱈魚卷、墨汁蝦餃皇 中間有好多芝士!!! 鮑魚燒賣、焗葡式蟹撻 玫瑰香芋包 入面好多芋泥~ 小籠包子 勵皇蜜汁叉燒 蟹粉扒豆苗 斑蘭椰汁千層糕、柚子清香凍、蛋白杏仁茶 2. 晚餐必食！！超抵食巴黎餐廳～ 有超多海鮮! 唔止有波士頓龍蝦,仲有麵包蟹、鱈場蟹、瀨尿蝦、翡翠螺、黑青口同泰國海蝦!!! 最正嘅係有即開即食嘅生蠔添啊!!!即刻回哂本!! 小編實試!! 海鮮任食~~ 龍蝦肉好厚!! 而麵包蟹都好多蟹膏啊啊啊~~~   多款壽司、新鮮刺身 西班牙火腿薄餅 椒鹽龍蝦 白酒煮蜆及青口 黃金大蝦 […]

    author

    超巨型恐龍登陸澳門新濠影滙! 影相打卡+實境體驗激鬥恐龍!?｜澳門旅遊｜放假去邊

    去澳門又有新打卡位喇！ 新濠影滙嘅「賞金尋龍」大型恐龍互動展，啲恐龍高到上天花板！ 淨係望都覺得震撼啊～跟小編嚟影相、玩AR、VR啦！ 影相位：全場最大！超高恐龍 咁大隻恐龍，要人與恐龍同時出現係張相，攝影師靠你了！ 仲識得郁㗎～～～ 小編小教室：恐龍係有分肉食、草食㗎！ 今次兩款都有齊，你又分唔分到呢？ 特暴龍（肉食） 美甲龍（草食） 腕龍（草食） 行出酒店大堂，原來仲有！ 好～大～隻～啊～～～想同佢影相，睇嚟要借位了～ 影相+拍片位：坐直升機！近距離接觸恐龍？ 你以為呢架直升機只係裝飾？坐入去有嘢睇㗎～ 可以近距離接觸恐龍！聽聞仲幾緊張刺激！ 重點係… 幫你拍埋片！咁就可以Post上Facebook啦～ 影相位：細有細影！ 唔想影巨型恐龍？大有大影，細有細影嘅姐！ 細細隻嘅速龍、恐爪龍啱唔啱心水？ 迅猛龍 恐爪龍 喂喂喂！影完相仲未完㗎，仲有好多嘢睇、好多嘢玩！ 千祈唔好錯過啊～ Hologram：一齊睇恐龍孵化！ 呢個流動科學實驗室，可以畀你近距離觀賞「伶盜龍」孵化過程！ 可以邊玩邊學嘢喎～ 嚟！一齊睇下破蛋而出嘅可愛小恐龍，慢慢變成… 可怕嘅肉食性恐龍！ 好嘢又點止咁少？二月仲有新嘢玩！ VR體驗「與恐龍飛翔」 掛你係半空？肉食恐龍嘅大佬「暴龍」一直追住你？ 聽到都覺得緊張刺激！你有冇信心逃得出佢手指罅？ AR技術「恐龍現形」 VR就聽得多，AR你玩過未？ 你可以透過AR技術，見證超霸氣嘅「特暴龍」，由巨型骸骨「復活」變返恐龍！   呢到又玩得又影得，快啲出發澳門恐龍展啦！ （仲可以順便去掃晒澳門啲美食啊… :P） 新濠影滙「賞金尋龍」大型恐龍互動展 地點：澳門新濠影滙 =============== 放假去邊 更多好介紹: 快啲like我哋Facebook 同follow我哋Instagram啦!

    author

    上郵輪嘆美食～ 隨食附送無敵大海景! | 郵輪假期 | 放假去邊

    可以勁食好嘢已經係夠爽， 再望埋無敵大海景食，簡直就係終極大享受！ 今次皇家加勒比嘅海洋贊禮號，有好多好嘢食，唔少餐廳、Cafe仲係免費！ 所以話，只要你肯行去拎嘢食，包你飽到唔知肚餓為何物！ 更加重要係！全部西餐廳都有中菜揀，就連Menu都會日日轉，食幾多次都唔怕悶啦～～ 為食小編嘉儀率先介紹幾間免費餐廳畀大家，其他美食就等你哋去發掘喇！ 特別鳴謝: 中旅社 [youtube youtubeurl=”hklIXax-gQ4″ ][/youtube] 小編：嘉儀（IG: chongkkayee） 1. 帆船自助餐廳 話到明係Buffet，梗係任揀任食㗎啦～ 有齊沙律、涼拌小食、水果！ 想食少啲？可以揀多款麵包，或者三文治。 想食飽飽？Pizza、粥粉麵飯任你拎！ 一句講晒：呢到係全球美食館！ 好彩嘅話仲可以望住個大海嘆Buffet～～ ＊早、午、晚餐時段開放時間長，自己去搵到位就有得食㗎喇！ 2. The Grande 格藍迪 呢間餐廳匯集全球經典菜式～～ 環境靚、嘢食正！主要提供西餐：烤雞、辣蕃茄鮮蝦意粉、威靈頓牛扒等等… 絕大部份主菜都係配薯蓉，超Creamy超好味㗎！ 不過都有新斗記嘅中菜揀，仲要味道幾好！ 魚柳小編最推介！魚肉又滑又香，好快就清晒～～ 食完正餐，梗係要試埋甜品先走！ 上：（左）焦糖布丁、（右）朱古力蛋糕 下：（左）紅莓拿破崙、（右）雪糕蛋糕 甜品都算唔錯，唯一美中不足嘅係紅莓拿破崙糖霜太甜。 最驚喜係雪糕蛋糕，每一啖都有冰火交融嘅感覺，好味道～～ ＊早、午餐有指定開放時間、晚餐就要根據船卡安排好的用餐時間（分別有5:30pm、8:00pm兩個時段）。只要係餐廳門口排隊，就會有職員帶你入座！ 3. American Icon Grill 美國愛肯燒烤 有早餐嘅Morning，先至係Good morning嘛！ 小編當日試咗呢間餐廳嘅早餐！有好多配料任你揀，可以自己砌個BIG Breakfast～ 另外都有唔少已經配搭好嘅早餐Set畀你揀～ 港式、台式、上海菜都有！ 最驚喜係有好多好多好多款麵包任揀任食！ 食包都夠你食飽喇～～ ＊注意：所有餐廳大約10am就會落場，冇得再order㗎喇～ ＊早、午餐有指定開放時間、晚餐就要根據船卡安排好的用餐時間（分別有5:30pm、8:00pm兩個時段）。只要係餐廳門口排隊，就會有職員帶你入座！ 4. The Cafe […]

    author

    千層蛋糕 繼續狂熱! 全港8款大比拼 | 香港美食 | 放假去邊

    是千～也是層～ 是千層～也是脂肪～～ 甜品迷Attention Please!!! 今次小編嘉儀無懼脂肪，幫大家親身試勻千層蛋糕！ 到底千層蛋糕係咪真係有一千層？ 究竟係名牌店好食？抑或平民Cafe性價比高？ 千與千層～大！比！拼！ 即刻出發！ [youtube youtubeurl=”pPDtquQn5Y0″ ][/youtube] 主持：嘉儀 (IG: @ chongkkayee)   1. 超多層 Lady M 抹茶千層蛋糕 $75 掀起香港千層蛋糕熱潮嘅，就係呢間紐約名牌Lady M～ 抹茶味加入咗京都抹茶粉，餅面嘅抹茶粉超多！ 蛋糕每層都做到好薄，而且Cream唔多唔膩！果然名不虛傳～好好食！ 不過價錢唔算平，加上堂食比較多人，唔想外賣嘅朋友仔就要等耐少少喇～ 地址： 銅鑼灣Fashion Walk食街加寧街1-3號地下C舖 尖沙咀海港城海運大廈2階OT215K號舖 中環金融街8號國際金融中心商場二樓2096A號舖 2. 特別口味 Greyhound Cafe 椰子千層蛋糕 $68 呢間Fushion Cafe主打泰國風味嘢食～ 所以有多款特別嘅泰式口味，唔係普通甜品舖食得到！ 而且真係有啖啖椰肉～好足料～ 就連忌廉有椰香、唔會過甜！ 不過略嫌餅邊太多Cream，少返啲就Perfect喇～ 地址： 中環港景街1號國際金融中心商場二期1樓1082舖 尖沙咀廣東道17號海港城海運大廈地下G01號舖 九龍塘達之路80號又一城2樓L2-42號鋪 旺角太子道西193號新世紀廣場3樓301至302號舖 太古太古城中心二期地下007號舖 3. 平民台式美食 RBTea 岩燒牛奶千層蛋糕 $28 […]

    author

    Running M&M’s 奧海城全能運動會!

    雖然里約奧運今朝已經閉咗幕, 但運動熱潮仍未過! 奧海城嘅”Running M&M’s” 可以俾大家試下韓式Running Man嘅障礙賽, 你又玩過未呢? 正所謂唔玩都可以影下相, 場內有多個影相打卡check in位! Running M&M’s總共有6項挑戰! 包括競跑、平衡木、石春路、攀石牆、滑梯等等 好多M&M’s呀~~ 仲有巨型滑梯! 仲可以玩M&M’s版劍擊!   好多人帶埋小朋友嚟玩~     注意: 全能挑戰賽只限於周一至五進行，於場內消費滿$300即可參加。 地址: 奧海城二期 日期: 至2016年8月31日止 ———————————- 放假去邊 更多好介紹: facebook Instagram  

    author

    同小丸子去意大利約會!

    咦 小丸子! 呢度咪係意大利嚟嘅?! 哦~ 原來係小丸子展! 今次嘅展覽配合電影《櫻桃小丸子：來自意大利的少年》, 係以意大利做背景~ 等小編同大家搵下邊d影相位一定要影啦! 必定要影嘅 當然係企喺許願池中間嘅小丸子啦! 你睇下小丸子條裙仔係咪好靚靚呢~ 有花輪同學為小丸子同你撐船, 係咪好想坐呢^0^ 呢個係熱門影相位! 排哂隊! 仲有永澤同學賣Gelato~ 好拍檔! 大野+杉山~ 真理之…野口! 其實野口同學都可以好靚女~ 夜晚去玩埋星空迷宮 好浪漫*v* 咁多隻小丸子! 想同佢地每一個selfie呀~~   (部份照片 轉自 The ONE facebook)   展期至 2016年8月31日 地點: 尖沙咀 The ONE ———————————- 放假去邊 更多好介紹: facebook Instagram

    author

    學做小木工! – [放假去邊 – 香港篇]

    女仔唔易做! 做一個識木工既女仔就更難! 2個90後女生, 唔怕搬搬抬抬, 唔怕操作大型機器,決意要將興趣發展成事業目的只係希望大家都能欣賞木製品和享受親力親為既過程究竟製作木製品難唔難? 初學者又可以從何入手? 「放假去邊!?」帶你 整木製品! [youtube youtubeurl=”KnDNbZ1NpI0″ ][/youtube] 石盾小木工 Saturn Wood Workshop 葵興 華星街8-10號 華達工業中心C座 7樓15B

    author