Open Tour
鐘意食Tiramisu嘅就要去試下呢間Cafe啦~ 除咗北角，土瓜灣同牛頭角都有分店~ 北角分店出面就係海景，食件cake飲杯啡，度過一個悠閒週末~ 呢間Tiramisu同坊間唔同嘅地方係使用用自家製嘅咖啡燒酎去做酒底， 唔同於其他餐廳使用普通咖啡酒，呢度嘅Tiramisu酒香味會濃郁啲~ 仲會品嚐到威士忌嘅味道~ 用九州宮崎頂級大麥燒酎去浸咖啡，需時耐，損耗高，所以製作成本都高~ 咁用心嘅小店好難得，雖然價錢都比一般餐廳貴，但都值得一試！尤其鐘意偏酒香味嘅朋友應該會好鐘意~ 店內Cheese cake係鎮店之寶~ 鹿児島蜜糖甜薯蛋糕，係北角店限定嘅甜品~ 另外咖啡都係餐廳主打，有多款精品咖啡同義式咖啡~ On The Hill Coffee Bar 地址：北角北角邨里1號北角匯二期地下G16號鋪 電話：98483050 營業時間：10:30-19:00 圖片來源：@onthehill_coffeebar
荃灣可謂係美食嘅天堂，有唔少高質美食聚首， 今次小編就嚟到荃灣一間超隱世嘅小店覓食，連招牌都無，係咪好似好神秘咁，但真係好好食!! 慢煮牛Bagel 嗌咗個Signature Dish慢煮牛Bagel，未咬開已經聞到超香牛肉味~ 輕輕打開，仲有芝士拉絲嘅效果，就咁睇都feel到濃郁嘅芝士味！ 切開見到滿瀉嘅忌廉芝士同車打芝士，牛肉食落好入味，而且Bagel韌韌地好好咬 蕉 呢到最出名嘅一定仲有佢擺盤靚爆嘅分子料理甜品，小編就嗌咗個「蕉」，蕉嘅一半係真嘅香蕉，一半就係糖霜皮與雪糕~ 最值得一提就係呢個黑朱古力流心麻糬超煙韌，而蕉嘅糖霜唔會太甜，與黑朱古力嘅苦澀相互配合，雪糕食得出唔係cheap嘢，仲有冰雪嘅口感！ Egg Benedit 除咗Bagel與分子料理外，呢到嘅Egg Benedit都非常出色，芝士味濃厚，流心蛋汁一切就洶湧流出！ 小編好欣賞呢間小店，招牌都無非常低調，但其實好食、好睇、平價，真係值得更多人認識！ 不過店鋪鋪位好細，得四張室內、三張室外枱凳，不設訂位，所以建議大家想去食就要趁早啦~ 留白 Blank Cafe 地址：荃灣西樓角路202-216號荃昌中心昌寧商場地下12號舖
新蒲崗嘅位置好似好隔涉，但其實有好多隱世高質餐廳座落喺呢到，呢間裝修復古嘅Cafe影相又靚，嘢食都有質素保證~ 髒髒意大利芝士忌廉 呢個Tiramisu Cream Cheese可謂係鎮店招牌，人人嚟到都必食，凍冰冰咁味道好特別，而且Cream一啲都唔膩，會愈食愈想繼續食~ 焦糖香蕉配蜜糖脆脆雪糕窩夫 份量超大，起碼要兩個人share先食得哂，香蕉上有凝結成硬塊嘅焦糖漿，配以雪糕同窩夫一齊食簡直係夏天時嘅最好享受，窩夫都有陣陣烘烤香味 八小時慢煮萬字醬油豬軟骨飯 雖然窩子以甜品聞名，但其實主食都好吸引，呢個豬軟骨果然係慢煮，豬軟骨好入味，而且入口即溶，萬字醬油汁做得好濃味，用嚟撈飯食係一流！ 意粉都唔差，卡邦尼意大利粉食落好Creamy，有陣好濃嘅芝士味~ 不過鋪頭好出名，好多人排隊，所以可能都要預時間等位！ 窩子 WoZi 地址：新蒲崗仁愛街36號地下
台北有唔少文青Cafe，等小編去其中一間人氣店試下！ 環境靚，有唔少打卡位～ 不過重點係，啲甜品好好食啊～～～ 仲有台灣必食嘅車輪餅，鹹/甜味都有，全部都好吸引！ =============== 珍珠奶茶Pancake 真係有滿滿嘅珍珠！ 淡淡嘅黑糖甜味，配埋奶茶味嘅Cream，真係食得到嘅珍奶！ 總共有三層班戟，每層中間都有珍珠同Cream，所以口感好豐富！ 雲石流心朱古力梳乎厘班戟 呢個梳乎厘班戟超級鬆軟，一切落已經好有空氣感！ 食落有微微蛋香～ 切開入面竟然有流心朱古力醬！ 香濃嘅朱古力，配埋鬆軟嘅Pancake，必食！ 士多啤梨梳乎厘班戟 其實Cafe仲有供應其他口味～ 新鮮嘅士多啤梨、士多啤梨Cream、士多啤梨醬，加埋一齊好滿足～ =============== 同場加映：必食嘅車輪餅！ 佢哋附近仲有間分店，係專賣車輪餅～ 大部份都係特色口味！ 甜味：香蕉流心朱古力、抹茶紅豆麻糬、珍珠奶茶 鹹味：三重芝士、芝士辣雞肉、芝士肉醬薯條、芝士肉鬆麻糬 小編超級鍾意芝士辣雞肉！ 芝士好多，配埋惹味嘅辣雞肉，越食越開胃！ 另有芝士肉鬆都有必食～ 仲要加埋麻糬，呢個組合絕對唔會失手！ 芝士控可以試下三重芝士～ 芝士味好香濃，加上車輪餅有淡淡蛋香，幾Match！ =============== Cafe嘅環境好靚，裝修係行復古風，所以有唔少打卡位～ 係到食個甜品、飲杯嘢，嘆返個下午真係好享受！ 美好年代 Belle Époque 地址：台北市大安區大安路一段52巷23號 美好年代-小美好（售賣車輪餅） 地址：台北市萬華區峨眉街52號1樓 誠品西門店1F （峨嵋街入口處） =============== 放假去邊 更多好介紹: 快啲like我哋Facebook 同follow我哋Instagram啦!
放假想扮下文青？其實唔難！ 跟著小編嚟啦！幾間環境舒服、兼極多打卡位嘅文青Cafe等緊你喇！ 快啲搵返件靚衫，約個朋友仔，去間文青Cafe，影返輯文青相啦～～ [youtube youtubeurl=”5_Zs8zD0Jig” ][/youtube] 小編：嘉儀（IG: chongkkayee） Artisan Room HK 室外露天Cafe都有家的感覺，有張大梳化兼好多Cushion～ 最啱一路飲返杯咖啡、食件Cake，一路睇書做文青！ Artisanal Homemade Tart $58 自家製Tart細細件，勝在可以試晒4隻味！ 紫薯、抹茶、朱古力、芒果，款款都好食～～ 地址：西環石塘嘴南里8-12號地舖 ==================== Teakha 茶。家 小編極度推介呢間！無論係室外定室內，都有好多靚靚打卡位～ 想影返輯寫真照？絕對無難度！ 就連飲品食物都好精緻，仲好好味！ 祁門玫瑰奶茶 $62 賣相好靚，玫瑰奶茶味濃！ 黑芝麻金桔戚風蛋糕 $56、綠茶起司蛋糕 $50 戚風蛋糕鬆軟，黑芝麻味香濃～ 綠茶Cheese Cake大推介！唔會過甜亦唔膩，小編絕對食到兩件！ 地址：上環太平山街18號B舖 ==================== 川善茶居 唔單止中國茶好飲，其實抹茶都好出名！抹茶控必到～～ Sizzling Matcha Brownie $78 甜品用鐵板上？原來都一樣好食，放上instagram仲好呃到like！ 將抹茶醬淋落Brownie，連埋凍冰冰嘅雪糕一齊食，冰火交融好好味～ Matcha Soul $40 抹茶加豆奶會唔會太甜？ 抹茶意外地甘香無死甜，仲有淡淡蜜糖味！ 地址：上環永樂街50號昌盛大廈5樓 ==================== MUM’s NOT HOME 媽不在家 […]
文青有很多種，賢良可下廚的文青，要挑戰一下嗎? 在台灣不能找到日式甜品店，而這家波屋 BORU BORU可以讓客人自己動手燒小丸子! 光看排場，都已經可以秒殺菲林 [instagram photo=BE5iClNN5Cu][/instagram] 白玉糰子（NT35） 芝麻糰子（NT40） 抹茶糰子（NT40） [instagram photo=BJVPWGyADGD][/instagram] 好治癒嘅顏色啊~ [instagram photo=BOzbiicglly][/instagram] [instagram photo=BOrZvghAvet][/instagram] 小丸子容易燒焦，記得不時翻轉~ [instagram photo=BOHp2JABxGX][/instagram] [instagram photo=BMvy0fhgCFg][/instagram] 小丸子配黃豆，簡直係絕配啊! [instagram photo=BMvyqTpAT6O][/instagram] 門外的大大雪人也是打卡熱點 波屋 Boru Boru 地址：台中市南屯區向上路三段25號 營業時間：11am – 9pm =============== 放假去邊 更多好介紹: 快啲like我哋Facebook 同follow我哋Instagram啦!
