• Mon. Jun 1st, 2026
    • '

    Tag: 日本直送

    【香港】日式超市打造全新宮崎美味之旅！多款日本直送特色產物、抽獎、優惠｜香港購物｜放假去邊

    香港人一向都熱愛日本美食，甚至連煮食用嘅食材都會優先選擇日本產物！ 最近宮崎縣香港事務就舉辦咗一個「宮崎美味之旅」美食活動 活動將於2021年3月4日至17日一連兩星期喺指定AEON店舉行 ( 康怡、黃埔、屯門、荔枝角、荃灣店 ) 到時會有逾50款宮崎產優質食材、特色產物，仲會有大抽獎同大量優惠，各位記得唔好錯過啦！ 宮崎縣於全日本農業產出量中排行第5位，其中宮崎牛更曾連續三屆喺「日本全國和牛能力共進會大賽」摘冠 而宮崎牛、日向夏、番薯等食材亦係今次活動嘅重點產品 當然亦唔少得香港人最愛嘅黑毛和牛、淡雪士多啤梨等等，包你可以買到心水食材！ 主辦單位亦會透過抽獎、攝影比賽送出旅遊禮券、頂級宮崎牛扒、購物禮券等等， 大派總值超過$30,000的豐富獎品，勁多優惠  同場仲可以參與「宮崎遊蹤逐個捉攝影比賽」，提交以宮崎縣為主題嘅相片作品參賽， 20名勝出者可獲得AEON $1,000購物禮券 另外亦設有「料理教室」，畀大家近距離觀看導師示範點樣將宮崎縣食材入饌！ 活動內容咁豐富，各位日本迷記得預留時間去行下啦！ 宮崎美味之旅︰ 日期：2021年3月4日至17日（共14日） 時間：上午8時30分至晚上10時30分 地點：AEON康怡、黃埔、屯門、荔枝角及荃灣店 宮崎美味之旅抽獎活動︰ 日期：2021年3月4日至17日（共14日） 地點：AEON 康怡、黃埔、荃灣、荔枝角及屯門店 參加方法：購買指定宮崎縣產品滿HK$50，將購物單據、姓名、聯絡電話及身份證號碼首4位數字 WhatsApp傳送至5624 7996，即可參加抽獎贏取豐富獎品 宮崎遊蹤逐個捉攝影比賽︰ 日期：2021年3月4日至17日（共14日） 地點：AEON 康怡、黃埔、荃灣、荔枝角及屯門店 參加方法：參加者需購買指定宮崎縣產品（不限金額），利用不同素材設計出獨一無二創意無限的相片，作品需要反映出宮崎縣景點、美食和宮崎犬，將購物單據、姓名、聯絡電話及參賽作品WhatsApp傳送至5624 7996即可參加 料理教室 – 每日特設兩場導師示範烹調宮崎食材︰ 日期：2021年3月4日至9日（共6日） 時間：中午12時至下午1時 / 下午5時至6時 地點：AEON 康怡及黃埔店

    author

    【香港】角落小夥伴登陸時代廣場！粉絲必去FUNNATION玩物國度主題精品店｜香港購物｜放假去邊

    召集各位鍾意角落小夥伴嘅朋友！ 日本超人氣卡通品牌Sumikkogurashi™ 角落小夥伴™登陸時代廣場主題精品店「FUNNATION 玩物國度」， 店舖以淺藍、白兩色同埋草地為主調，畀人一種治癒可愛嘅感覺 店內會發售逾百款角落小夥伴精品，更會獨家首賣一系列日式新春賀年食品、糕點 一系列傳統食品換上可愛包裝，大人小朋友都會鍾意！ 店舖率先首賣由山下菓子主理嘅角落小夥伴罐裝造型曲奇，款款都趣緻可愛 另外仲有女士最愛嘅馬卡龍禮盒裝，見到包裝都已經心心眼啦！ 小朋友一定會鍾意呢款獨家首賣嘅「角落小夥伴™糖機」 用家可以喺屋企加入喜愛嘅糖果，輕觸糖果機就會倒出糖果，兩款圖案包括「炸豬排與炸蝦尾」同埋「蜥蜴與偽蝸牛」 外型可愛又好玩，而且仲係數量有限，售完即止 另外，粉絲必試同樣係獨家首賣嘅「角落小夥伴™布丁燒」 呢款布丁燒源於札幌著名甜點，由滑溜溜嘅雞蛋布丁加上乳酪輕芝士蛋糕再配以焦糖漿， 三層滋味享受令人勁滿足，全於香港人手製造並熱壓上角落小夥伴嘅圖案， 而且仲係限量供應，記得要試啦！ 除咗主題美食同禮盒，「FUNNATION 玩物國度」更有多款日本直送到港嘅角落小夥伴精品出售 店內更主打角落小夥伴粒粒公仔隨意瓶及公仔隨意揀系列， 買家可以自選心水公仔放入產品嘅指定位置內，打造獨一無二嘅心水產品作為禮物，送畀身邊嘅人 店內亦準備咗各色各樣種類嘅精品，當中包括潮流服飾、文儀用品同埋日常小物等等 大家記得唔好錯過啦！ 「FUNNATION 玩物國度」詳情︰ 地點：時代廣場9樓904A 開放時間：中午12時至晚上8時    

    author

    【香港】特色賀年禮物集合！日本直送甜點、台灣鳳梨酥、港式傳統蝦子麵都有｜香港購物｜放假去邊

    今年新年就快到啦，各大品牌都推出咗唔同嘅特色賀禮盒 小編特意集合咗五款特色賀年禮盒集合畀大家，包有一款啱你心水！ 1/1901百頂方 養生藏紅花宮廷茶療 都市人注重健康，香港百年藥廠「1901百頂方」結合咗茶療中藥，推出一系列對抗早衰嘅養生茶 茶療所有配方以罕貴嘅補血藥膳藏紅花為引，有極高營養價值嘅藏紅花好有益 有助活血祛瘀、調理月經、養血解毒、甚至治頭痛、養神、美容等功效 呢款由藏紅花製成嘅茶包非常方便，啱哂生活繁忙嘅都市人 佢哋亦有推出「十全功效」茶療套裝，好飲之餘又健康，係唔錯嘅賀年禮物之選！ – 2/YOKU MOKU 雪茄蛋卷禮盒 日本品牌YOKU MOKU創於70年代，至今已有超過50年歷史！佢哋主打嘅「Cigare」雪茄蛋卷香甜鬆脆，大人小朋友都好鍾意食 今年更推出6款賀年禮盒，全由日本直送到港，而且包裝精緻，送禮一流！ 當中包括3款「牛年限定蛋卷禮盒」、「賀年雪茄蛋卷禮包」、「賀年朱古力夾心曲奇禮包」 包裝以大紅色同埋炫金色作主色調，配上金牛、典雅牡丹、桃花圖案，滿滿新年氣 另外亦有港日限定嘅「熊貓迷你雪茄蛋卷禮盒」，大大隻熊貓係盒上，好得意 品牌更推出專為女仔同小朋友而設嘅「賀年雪茄蛋卷禮包」同埋「賀年朱古力夾心曲奇禮包」，包裝充滿日本懷舊風格 當中嘅分別有抹茶口味同焙茶口味曲奇，再配上朱古力內餡，好味到停唔到口！ – 3/朱古力、糖果賀年禮盒 英國品牌M&S今年亦出多款賀年禮盒，當中緊係唔少得朱古力啦 小編推介呢款人氣熱賣嘅比利時朱古力什錦餅禮盒同埋精選拖肥朱古力禮盒 指定精選朱古力及餅食買兩件有半價優惠，真係好抵！ 另外亦有薄荷夾心黑朱古力條、榛子果仁軟心朱古力、愛爾蘭忌廉甜酒軟心朱古力等等 全部都用咗喜慶高雅嘅金紅色做包裝，100%英國甜蜜滋味，好吸引呀！ – 4/香港維港凱悅尚萃酒店 蝦子麵賀年禮盒 香港維港凱悅尚萃酒店今年邀請咗「雙喜粉麵廠」合作推出蝦子麵賀年禮盒 每個禮盒共有8個獨立包裝嘅蝦子麵，方便衛生，非常貼心 禮盒包括咗雙喜瑤柱蝦子麵同埋雙喜鮑魚蝦子麵兩款口味，每個都仲粗幼麵各兩包 瑤柱蝦子麵更係由原粒瑤柱同一級蝦子製造，用料高質 而鮑魚蝦子麵就充滿鮑魚鮮甜同蝦子香味，無需加調味料就入哂入味，送禮自用都OK！ 包裝由本地插畫家Kazy Chan為禮盒繪畫，懷舊畫風勁有傳統味道，加埋玩味元素，好特別！ 蝦子麵賀年禮盒 價錢︰$97 訂購網址︰ 立即訂購 – 5/微熱山丘 新年旺來禮盒 台灣微熱山丘鳳梨酥一向都係人氣手信之選，今年佢哋更推出牛年限定旺來禮盒 由台灣直接寄送香港，而且免運費，真係夠哂抵！ 微熱山丘鳳梨酥非常好味，用咗天然奶油同日本麵粉製造而成，無任何人工合成添加 綿密餅皮包住細滑奶黃， 見到都流哂口水 牛年限定旺來禮盒更配有牛皮紙盒同限定布提袋， 包裝印有牛兒前行嘅造型窗花， 盒內仲會附贈「平安旺來」小斗方，可以點綴門窗牆面，勁有新年氣氛 台灣微熱山丘 新年旺來禮盒 價錢︰$260 訂購網址︰ 立即訂購

    author

    【香港】日本甜品店Shodai Bio Nature期間限定店登場！必買情人節限定花瓣朱古力、新年招福蛋糕套裝｜香港美食｜放假去邊

    好消息！日本過江龍年輪蛋糕要登陸香港啦！ 曾經榮獲「日本2020最佳送禮佳品奬」嘅福岡有機甜品專門店Shodai Bio Nature會喺香港開設期間限定店 佢哋主打採用季節天然有機食材打造嘅年輪蛋糕、磅蛋糕等甜點，保持自然原味之餘亦非常健康 Shodai Bio Nature以有機砂糖、低精阿根廷或巴西米色糖等健康糖份取代對身體有損害嘅精砂糖， 唔加任何人工色素或化學香料，食材非常高質 Shodai Bio Nature今次首度來港，特意推出香港限定「Shodai Bio Nature新年招福蛋糕套裝」， 適逢情人節，更首創兩款情人節限定朱古力禮盒，用嚟送禮一流！ 每款都係日本新鮮製作，空運直送到港，保證大家食到日本原汁原味 今次香港限定嘅「Shodai Bio Nature新年招福蛋糕套裝」集結咗三款日本空運直送嘅人氣甜點， 當中包括Shodai Bio Nature皇牌甜品「原味年輪蛋糕（一個）」，年輪蛋糕以日本有機雞蛋、有機砂糖同全天然牛油製成， 年輪蛋糕有象徵長壽圓滿嘅意思，好好意頭 招福蛋糕套裝亦包括咗「開心果磅蛋糕（一個）」，選用天然食材嘅開心果蛋糕層次豐富 入面仲包裹着新鮮櫻桃果肉，勁足料！ 最後，套裝亦會包埋香港專屬聯乘企劃、首次引入香港嘅「新杵堂原粒香印青提大福（一盒八件）」畀大家 Shodai Bio Nature同於昭和23創業嘅菓子老店「新杵堂」特別聯乘，將他們主打嘅「原粒香印青提大福」加入套裝之中 真係好豐富！ 除咗新年招福蛋糕套裝，品牌亦準備咗情人節首創嘅兩款情人節限定朱古力 當中嘅「Shodai Bio Nature限量版花瓣巧克力」，用咗粉嫩玫瑰花瓣造型，真係好吸睛 一盒六款特別口味包括紅桑梅、芒果柚子、有機抹茶玉露、茉莉花巧克力等等，口味同外型都好有特色 另外亦有提供「門迪納乾果巧克力套裝」，入面有齊心心造型黑朱古力、牛奶朱古力、柚子味白朱古力圭埋胭脂朱古力， 而且仲加入咗無花果、榛子、士多啤梨等乾果，每款各限量100份， 大家可以喺Shodai Bio Nature BY HEALTHEE 網店預訂，售完即止 除咗可以喺網店買到，Shodai Bio Nature更首次於兩大實體新年市集《麥田捕手 x The ONE – Pop-up Collections Season 3》同《大乾爹市集》登場，開設期間限定店 現場有多款限量空運甜點，大家快啲去入貨啦！ […]

    author

    【香港】新地三大商場推出招財喵寶迎新年！招財貓主題利是封、日本直送招財貓精品福袋｜香港玩樂｜放假去邊

    新地旗下推出招財喵寶迎新年！ 新地三大商場包括：北角匯、荃錦中心同埋新領域廣場， 佢哋首次聯乘推出「招財喵寶」利是封，更由日本招財貓故鄉「常滑市」引入一系列招財貓限量版精品 多款「招財喵寶」開運福袋勁可愛，趁新年快啲去掃貨啦！ 呢款「招財喵寶」利是封一共有8款設計，當中唔同嘅顏色、圖案、花紋同祝賀語都有唔同意義 例如紅色代表吉祥、黃色代表健康、粉紅象徵幸福、紫色象徵事業同地位 而花紋上亦有唔同意思：山茶花代表生生不息、櫻花象徵堅實嘅愛、梅花寓意吉祥、牡丹代表高貴等等 每款都好有特色！ 商場同時亦為大家預備咗新年福袋，每個都有「招財喵寶」利是封同埋日本直送招財貓精品 當中包括日本手製招財貓擺件1個、招財布袋1個、開運錢包1款同埋驚喜喵精品1份，全部都好吸引！ 商場更加限量推出388個福袋，當中有5個價值較高嘅矜貴版金色招財貓擺件，每件價值$480 新一年，手氣自然會更旺！所以記得唔好錯過，隨時抽到矜貴版福袋！ 除此之外，荃錦中心更設置立體招財「喵福寺」，大家可以盡情同巨型招財貓免費打卡 為一眾商戶及市民開運招福，拎個好意頭！

    author

    【香港】日本Fueki漿糊仔首間海外概念店開幕啦！多款日本直送及香港限定精品、限量造型蛋糕｜香港購物｜放假去邊

    紅透日本嘅Fueki不易糊君「漿糊仔」實體旗艦店Fueki Shop早前喺大阪心齋橋Parco隆重開幕， 立即成為話題熱點，好多香港嘅粉絲都大嗌想去！ 雖然依家暫時仲未去到旅行，但香港粉絲唔洗擔心，因為漿糊仔首間海外概念店喺香港開幕啦！ 日本Fueki漿糊仔首間海外概念店位於香港灣仔利東街，仲會有大量日本直送同香港限定精品，大家一定唔可以錯過！ 作為首間海外概念店，店內提供多款唔同種類嘅貨品 更分為4大購物區域，方便大家選購心水貨品，當中包括︰防疫專區、護膚品及禮品區、食品區及祈願區 香港概念店亦有推出漿糊仔高機能口罩，外型可愛之餘，現場更首度推出新印花獨立裝口罩， 另外亦有香港限定除菌消毒棒、燈觸媒消毒噴霧等消毒小物，產品實用又美觀 香港概念店亦以粟米味為主題，推出粟米味造型食品，畀大家享受美食同時打卡 當中必試「Fueki漿糊仔招牌軟罐罐造型蛋糕」同埋以招牌軟罐盛載嘅「氣香濃粟米味爆谷」 玩味十足，絕對係呃like必買嘅產品！ 而且依家香港概念店更推出特別優惠，客人喺逢星期五至日購買Fueki漿糊仔衣服， 即可以以優惠價HK$60體驗專屬訂製服務1次，可以自選心水字型同埋刺繡位置，由專業裁縫師為你繡上最多繡上七至十個英文字母 可以有機會買到客製化貨品，機會難得！ 由即日開始，消費滿HK$300就可成為香港店會員，可以即時享有九折購物優惠 香港店亦推出三款「Fueki漿糊仔與朋友」可愛會員卡，款款都好精美！ 店內亦設有祈願板，畀大家寫低今年願望掛上，為新一年許願 只要消費滿HK$500可換領祈願板一塊，顧客亦可單獨購買價值HK$38嘅祈願板 而且現場更設有互動遊戲區，可以邊買邊玩，概念店咁多嘢睇，一定要去參觀吓！ Fueki漿糊仔香港概念店 地址： 香港灣仔皇后大道東200號利東街地下G14-15號 營業時間： 星期一至五早上11時至晚上8時 星期六至日早上11時至晚上9時  

    author

    【小編推介】DON DON DONKI 中環店好物推薦！必買10件$100內嘅食、用品 ｜香港購物｜放假去邊｜

    DON DON DONKI 分店愈開愈多！ 今次小編就精選咗10件$100內嘅食、用品介紹畀大家 全部都日本直送，而且仲勁平勁抵買，一定要入手！ 1.Bifesta卸妝潔膚紙套裝 $55 Bifesta卸妝潔膚紙一向都出名好用，平時一包都要$40幾蚊， 今次呢款中環店限定套裝只售 $55，除咗有一包卸妝潔膚紙，仲送咗兩枝洗面膏同埋卸妝紙旅行裝 啱哂帶Staycation用，勁抵呀！ 2.角落生物小童口罩 $32 今次呢款角落生物小童口罩有兩種顏色 用咗三層不織布防菌材質製成，仲有BFE/PFE/FFP1認可 安全又好用，而且外型咁得意，必買！ 3.出前一丁「和味拉麵之旅杯麵套裝」$66 知道大家好掛住日本嘅拉麵，出前一丁特意推出「和味拉麵之旅杯麵套裝」 參照咗日本極具特色嘅拉麵設計，每盒都有7款人氣口味嘅拉麵 加埋出前一丁招牌彈牙麵條，好似返咗去日本一樣！ 而且每盒都有一個杯碗蓋專用嘅清仔，勁得意 4.牛肩扒 $50 最近多咗喺屋企整嘢食，呢塊日本牛肩扒就啱哂你啦 250g只係賣$50蚊，啖啖肉真係好吸引 平時出去食個日本牛嘅飯都唔止呢個價 5.森林雞 $40 森林雞嘅意思係以天然飼料餵食嘅雞，以樹皮炭混合木酢液而成嘅森林酢比一般醋嘅功效多300倍， 而且森林雞有豐富維他命e，可以防止細胞老化 $40買嚟試下都唔錯，而且比一般雞更有雞味！ 6.壽司拼盤 $72 DONKI嘅壽司一向都CP值好高 呢款拼盤只需$72就有10件，而且款式好多，勁吸引 7.三分鍾深層清潔面膜 $39 日本大熱嘅去角質面膜，一包有7片，只係賣$39 CUTTING貼面之餘功效仲好好，必買！ 8.ELLIPS HAIR VITAMIN $17 超受歡迎嘅日本護髮精油膠囊， 含有豐富蘆薈油、維生素，可以滋養頭髮，同埋打造柔軟貼服嘅效果 仲可以防止紫外線對頭髮嘅傷害，絕對係好物之選 9.白岳. 球磨燒酎 (熊本熊) $78 日本酒一向都有品質保證 配埋熊本熊包裝，勁加分，送禮定收藏都好OK 10.蟹膏 $68 […]

    author

    【日本樂天】逢星期三48小時限定運費優惠！| 香港購物 | 放假去邊

    留喺屋企都買到日本樂天嘅商品！超過200間店舖任你揀！ 喺星期三朝早9點起計48小時內，單筆訂單買滿15000日元(約HK$1000)，可能運費全免直送香港及澳門！ 等小編話你知有咩靚貨好買！記得要有運費折扣標示嘅商品先係免運費活動商品～ 多款日本健康/瘦身產品 減肥可以話係女人嘅終身事業！好多人去日本旅行，行藥妝店都會買嘅保健品/瘦身酵素，依家上網都買到！ 價錢實惠，仲要直送到香港！又方便又抵買～ 仲有多款知名品牌嘅健康保健品！一次過滿足你所有需要～ 大量瘦身/健康產品：https://bit.ly/2VMK74q 精選日系女裝 去日本除咗食嘢，更重要嘅梗係Shopping！日本啲女裝又靚又高質，但係喺香港買絕對唔平！ 依家網購免運費，款式又多，唔同style嘅女仔都有大把選擇，叫埋姊妹們一齊夾單啦！ 行文青斯文系嘅，簡單休閒簡約風格就最啱！ 行成熟Look嘅，低調得嚟設計有details！ 唔行女神系但行sporty路線嘅，都有好多型格寛鬆嘅選擇，款式唔係通街都有！ 更多款女生服裝飾物：https://bit.ly/38pycw3 汽車用品/運動用品 男士們都唔洗灰心！日本樂天都有極多適合你哋嘅商品～ 要汽車配件又有，想搵運動用品都有！ 汽車用嘅無線定位器、車cam等等… 仲有唔少實用嘅塗層液、汽物保養品！ 更多汽車用品：https://bit.ly/38wbrqq 運動用品都一樣買得到！ 仲要搵到知名品牌Yonex，啱晒一眾運動粉絲～ 夏季冬季、男女老幼、衫褲鞋襪… 乜都有！總有一款啱你～ 更多運動用品：https://bit.ly/3cwXYlD 超過200間精選商舖！大量服裝、手袋、護膚品、保健品、隱形眼鏡、生活用品… 喺日本樂天等緊你啊！ 快啲睇吓有咩買：https://bit.ly/2wBK3u4 每逢星期三，仲有48小時限定運費優惠！ 只要喺日本樂天市場 (Rakuten Global Market) 超過200間指定店鋪單一訂單購物滿15,000日元* (約HK$1,080)，即可享4,500日元 (約HK$324) EMS運費優惠，相等於直送港澳首3kg費用。不限次數任你買！ 活動平台網址：https://bit.ly/2T3UwqU 活動時間 (香港時間)： 2020年3月18日 上午 09:00 至 2020年3月20日 上午08:59 2020年3月25日 上午 09:00 至 2020年3月27日 上午08:59 備註： * […]

    author

    日本築地人氣海鮮丼隱藏餐單 二人食 剛剛好 | 香港美食 | 放假去邊

    喺油麻地都有極新鮮日本築地直送嘅海鮮丼啦! 於2016年掀起海鮮丼熱潮的人氣豊洲水產海鮮丼專門店，喺油麻地開新店~ 豊洲水產採用每天由日本直送新嘅鮮材料，食材由師傅每天處理，至新鮮、至原汁原味，大概就係呢個level~ 好幸福嘅味道呀~   謹製雲丹丼三文魚籽溫泉蛋 $398 – 每日限定20客 呢個雲丹丼基本上係採用咗香港人最愛嘅北海道馬糞海膽 + 黑鮪魚腩蓉 + 三文魚子 但點解呢張相…有咁多種海鮮嘅!! 點解嘅!! 登登登凳! 呢個就係餐廳嘅隱藏餐單! 除咗以上店家所精選嘅刺身，客人仲可以額外追加刺身!! 隱藏餐單：店內各款海鮮丼都可以按個人喜好，追加刺身配料! (例如：北海道響螺、牡丹蝦、飛天黑鮪腹身、帆立貝等!) 重點是，飯係可以免費追加~ 2個人一齊食 啱啱好~ 讓客人可以點一個完完全全合你口味嘅海鮮丼!     大漁豊洲水產海鮮丼 特盛 $388 呢個海鮮丼認真不得了! 多達12種刺身，重量達800G~  完全滿足到你對刺身嘅要求啊!   招牌刀琢飛天黑鮪魚腩蓉丼 $248 飛天黑鮪系列係極上之選! 亦係店家嘅招牌丼! 刀琢魚腩蓉 味道濃郁 仲入口即溶… 忘也忘不了!!     豊洲水產海鮮丼專門店 (油麻地新分店) 地址：油麻地彌敦道558-560號譽發廣場1樓 座位：82個 電話：2869 6289 (不設訂座) 營業時間：11:00 – 0:00   =============== 放假去邊 更多好介紹: 快啲like我哋Facebook 同follow我哋Instagram啦!  

    author