今個聖誕節雖然無得去旅行，但可以去大嶼山出走一下！ 昂坪360同FILA兩大品牌再度聯手，喺昂坪市集舉行「360 Winter FILAland」冬日嘉年華 以FILA經典「紅、藍、白」三色設計呈獻十大打卡玩樂點，仲有四大打卡位，好吸引呀！ 當中仲結合纜車同冬日限定運動元素，打造六大攤位遊戲 玩家更有機會贏取超過3萬份昂坪360．FILA聖誕主題禮品，一於去又玩又拎！ 今個聖誕嘅昂坪市集彌漫濃濃冬日嘉年華嘅氣息 纜車裝置化身成滑雪、冰上曲棍球等刺激的冬日運動場景 大家可以喺飛躍滑雪板、冰曲街頭風、飄移飛雪車同聖誕滑雪場四大打卡位前影相，好似去咗外國一樣！ 而且仲有多款好玩嘅有獎攤位遊戲， 你可以盡情挑戰地壺對對碰、雪人層層疊、冰曲哥爾夫、籃球九宮格、閃電無影手同一球入洞 六大攤位遊戲憑遊戲券參與，仲有機會贏取昂坪360．FILA聖誕主題禮品，包括︰頸枕、暖手咕、薑餅人主題咕等 「360 Winter FILAland」 日期︰2020年11月27日至2021年1月3日 時間︰上午10時至下午6時 地點︰大嶼山昂平路111號昂坪市集 「360 Winter FILAland」六大競技攤位遊戲 參加方法︰ 1.凡購買小童來回纜車門票，即可免費獲贈遊戲券乙張；或 2.凡持纜車門票者，於昂坪市集商戶單一消費滿HK$100，即可於360旅遊資訊中心免費換領遊戲券乙張；或 3.於昂坪360東涌或昂坪纜車站售票處或360旅遊資訊中心以HK$20購買遊戲券乙張 「聖誕小丑大巡遊」 日期︰2020年12月25日及26日 時間︰下午1時至3時
