平時係香港，連BB size嘅鵝肝都唔捨得食？ 想買杯花花雪糕打個卡，但係要70蚊起跳？ 小編去到匈牙利嘅布達佩斯有驚喜發現！200蚊港紙竟然食到3舊巨型高質鵝肝！ 25蚊買到花花雪糕，仲要有4款味啊！ 比起歐洲其他國家，位於東歐嘅匈牙利，物價相對較低～去到土豪般消費都無有怕啦～ 想用平民嘅價錢，享受帝王級嘅美食？ 睇下嘉儀有咩好推介啦！ [youtube youtubeurl=Hz6hS83hs5A][/youtube] 小編：嘉儀（IG: chongkkayee） ==================== Comme Chez Soi 呢間餐廳好評如潮，係tripadvisor排名超級高，係布達佩斯2,527間餐廳中排第2位！小編就同你去試試佢～ 匈牙利嘅鵝肝質素僅次於法國，不過價錢就平香港一大截，點可以唔試啊？ 烤鵝肝配酒燒蘋果絲 Grilled goose liver with apple flambe 價錢：6900huf (約$200) 鵝肝鐵板上，一份有成3-4大舊！一個字：好抵食！ 侍應會先將大大份薯蓉放上你隻碟，都按照人數幫你分鵝肝＋蘋果絲～ 鵝肝新鮮，配埋蘋果解膩… 小編只係想講：超級好食啊～～～ 番茄肉醬意粉 Spaghetti Bologna style 價錢：2500huf (約$73) 意粉同樣會由侍應幫你分好上碟，超級大兜啊～ 新鮮牛肉打成嘅肉醬，配埋微酸番茄汁，多多都食得落！ 餐廳服務一流，仲送咗前菜、甜品、香檳比我哋～ 鹹香火腿配上清新番茄，加埋芝士、麵包、香草牛油，世界級前菜啊！ 小編提提你，呢間餐廳經常爆滿，想去食記得提早send email去book喇！ 地址：Aranykéz utca 2., Budapest 1052, Hungary ==================== Bors GasztroBar 小店只做外賣、仲要單賣法包，但係竟然排晒長龍？ 件件即叫即整又足料，手臂咁長爆晒餡都只賣港幣25蚊，超級抵食！ BBQ醬豬肉芝士法包 Quattro […]
