菠蘿包可以話係香港人由細食到大，但有幾多人知「第一個菠蘿包」係點出現？ 傳說中… 原來係因為香港人覺得齋食麵包唔夠喉，所以係麵包上加一層由砂糖、雞蛋、麵粉、豬油烘製而成嘅脆皮，從此平凡嘅麵包就不再平凡！ 就咁食菠蘿包已經夠滋味，但原來「菠蘿包加料」仲好食！ 文：嘉儀 ==================== 菠蘿油 熱辣辣嘅菠蘿包，夾塊凍冰冰嘅厚牛油，簡直係皇帝級享受！ 3點3整返個菠蘿油，加杯奶茶，完美示範何謂香港人的下午茶～ ==================== 菠蘿蛋 呢個，並唔係菠蘿包夾蛋咁簡單… 而係調返轉！蛋餅夾住菠蘿包！ 明記 地址：上水石湖墟市政大廈2樓10號舖 ==================== 榴槤菠蘿包 有時經過麵包舖，都會見到賣有餡菠蘿包～ 紅豆餡就見得多喇，榴槤餡你又試過未？爆漿榴槤，狂迷必試！ Baker Talent 地址：荃灣荃灣街市街142-166號坤成樓地下12號舖 翠華餐廳（部份分店） ==================== 菠蘿菠蘿包 真・菠蘿包出現了！ 原粒菠蘿，加埋啖啖鮮忌廉，又幾盞鬼幾好味喎～ 菠蘿仔食堂美食車 地址：尖沙咀梳士巴利花園，黃大仙廣場（各區流動） ==================== 蕃茄蛋菠蘿油 華嫂冰室招牌，你又點可以唔試？ 唔止遊客，就連香港人都專登走入元朗、排幾個鐘隊，就係為咗呢個邪惡菠蘿包！ 華嫂冰室 地址：觀塘敬業街55號皇廷廣場1號舖、元朗屏山坑頭村 ==================== 菠蘿包冬甩 當菠蘿包遇上冬甩時，變奏版竟然新奇地好味！ Buttery Factory 地址：銅鑼灣告士打道280號世貿中心4樓434號舖 ==================== 抹茶菠蘿包 抹茶老是常出現，唔知抹茶味菠蘿包會係咩味呢？ 夾埋雪糕食，冰火交融口感會唔會同菠蘿油一樣？ 御前上茶 地址：旺角廣華街13號地下4至5號鋪 ==================== 放假去邊 更多好介紹: 快啲like我哋Facebook 同follow我哋Instagram啦!
