無論睇韓劇定係睇綜藝，成日都見到佢哋食炸熱狗~ 唔駛去韓國，旺角就有得食~ 仲有多個口味！經過買返兩串食，邊食邊拉絲~好正~ 熱狗即叫即炸，熱辣辣好香脆~冬天食最啱~ 中間有好多芝士，好正！仲有多款醬汁，包括茄汁、蜜糖芥末醬、芝士醬及辣醬。 薯條鴛鴦芝腸 加砂糖同茄汁食味道好豐富~ 除咗多款口味嘅炸熱狗，都有多款小食，包括炒年糕、芝士球及炸薯條。 阿里郎熱狗棒 (旺角) 地址：旺角奶路臣街12-26號啟賢大廈地下7B號舖 圖片來源：@delish_hk、@heiman_blog
咁耐無得飛韓國，係咪好掛住韓國美食呢！？ 韓國No.1連鎖果汁店JUICY最近聯同韓國人氣卡通 LYCHEE & FRIENDS推出品牌首個聯乘系列， 推出一系列清新荔枝口味特調飲品同埋滋味熱狗套餐，等你喺香港都食到韓國滋味！ 今次嘅期間限定飲品同埋熱狗系列好吸引，由飲品至小食都有 飲品方面，呢款「士多啤梨荔枝雪沙」酸酸甜甜，味道開胃 而「荔枝泡沫特飲．就用咗荔枝肉打成，而且有啖啖豐富果肉口感，勁清新又飽肚！ 另外亦有「荔枝味拿鐵」，非常特別嘅口味，由濃郁荔枝香氣配搭純厚鮮奶，帶畀大家一個Good Morning 小食嘅話，呢款「墨西哥青醬牛油果熱狗」絕對係必食之選 由傳統墨西哥醬料加上牛油果、熱狗腸製作而成，營養十足！ 另外亦有「Juicy炸雞」，炸雞以5件輕量裝供應，配埋荔枝口味特調飲品一齊食，可以中和油膩感 絕對係下午茶/收工時必食嘅美食之選！ 今次聯乘系列仲會推出驚喜活動，只需惠顧系列產品滿HK$100， 就會送LYCHEE & FRIENDS荔枝熊可愛造型原子筆一枝，記得先到先得，送完即止！ JUICY中環店 地址︰香港站42號店 JUICY尖沙咀店 地址︰加拿分道8號嘉芬大廈A1號舖
講到香港放狗嘅好去處，大家一定會諗起西九藝術文化公園！ 而西九就有一間熱狗店，可以望海之餘，亦歡迎寵物內進， 可以同狗狗一邊食熱狗一邊望海，勁CHILL [instagram photo=”B0u3EgeD7Zv”][/instagram] HOOMAN By The Sea除咗有美式熱狗，仲有各種輕食、咖啡、飲品 而店內分為室內室外座位，同時亦有狗零食賣，等你同狗狗一齊大飽口福 [instagram photo=”B6z3JcEgAp6″][/instagram] 呢間鋪最特別係啲熱狗會用狗狗品種命名，例如Poodle、Husky、Chihuahua等，超級可愛，愛狗人士必去 [instagram photo=”B9WU66ngK7z”][/instagram] 下次帶狗狗去西九玩時，不妨到訪呢間小店， 同毛孩一齊望住海景、食下小食，一定係人生一大樂事！ [instagram photo=”CEGGRQppr-z”][/instagram] HOOMAN By The Sea 地址：西九文化藝術公園GF-07 營業時間：10am – 8pm 圖片來源 : HOOMAN By The Sea
台灣IKEA喺嚟個炎炎嘅夏日推出透心涼嘅「冰狗」啊！ 香滑冰凍嘅雪糕夾喺平時IKEA嘅熱狗麵包中間， 第一眼望到可能會唔適應，但食落口個種軟綿綿嘅感覺絕對令你停唔到口！ [instagram photo=”CEEYW7anhOw”][/instagram] 即做即食嘅雪糕麵包！ [instagram photo=”CDPC_TcFzOA”][/instagram] 外型好似cream一樣嘅雪糕～ [instagram photo=”CD6jCz8HiAs”][/instagram] 食完咸嘅食甜嘅～ [instagram photo=”CC1wFD0DUd-“][/instagram] 唔知香港會唔會有呢～ [instagram photo=”CCkkl2OA_lz”][/instagram] 天氣咁熱真係好想試啊！ IKEA 冰狗 地點：台中、高雄IKEA率先開賣 售價：25元(台幣)
大埔美食一向都多！有唔少餐廳除咗有街坊幫襯之外，仲有好多人特登跨區去試！ 今次就等小編帶你食住幾間先，睇下邊款啱你口味啦～ 厚切炸豬扒拼雲吞 配上海粗麵 呢間炸豬扒喺大埔出晒名！個個嚟到都係食佢！ 小編嗰日足足等咗45分鐘… 炸豬扒超超超大塊，而且炸得外脆內軟！值得等～ 雲吞都係必試之選，粒粒飽滿、皮薄餡多！重點係：雙拼唔洗加錢㗎～～ 世記上海麵 地址：大埔鄉事會街8號大埔墟街市及熟食中心2樓 售價：$38 (雙拼同價) ========== 酸忌廉芝士肉醬熱狗 呢間人氣熱狗店超受歡迎！小編喺開舖後2個鐘去到，有幾款熱狗已經賣晒！ 芝士肉醬好香口、配埋特製酸忌廉，夾得嚟又可以解膩～ 餡料勁多勁豐富，食極都仲有！加埋粟米片都幾特別～～ Bulldog Hotdog 地址：大埔廣福道60-62號地下C舖 售價：$50 (單價)；$68 (熱狗+薯角+飲品) ========== 西冷牛扒 配巨型蛋包飯 呢間茶室不得了，喺區內有超高人氣！出名份量多、價錢抵、味道好！ 小編今次就試試佢個蛋包飯～ 牛扒同蛋包飯嘅size係一樣，上枱嗰下真心嚇親！(兩個人share食絕對夠飽…) 蛋皮做得幾好～ 不過重點係塊西冷牛扒！茶記嘅牛扒竟然可以自己揀熟度？ 小編當日嗌咗7成熟… 牛扒厚身、大塊，但係依然超Juicy！肉質係好嫩滑～ 鼎天茶室 地址：大埔安慈路3號翠屏花園商場地下3號舖 售價：$88 ========== 低糖芝麻花生 手工糯米糍 小編大大大大大力推薦呢間小店！ 糯米糍係老闆娘每日親手包，啲餡料係又香又豐富！ 粒粒都漲卜卜勁多餡～～ 糯米皮做得好鬆軟，食落口係勁滋味！ 滑嘟嘟 地址：大埔鄉事會街8號大埔墟街市及熟食中心2樓CFS29號舖 售價：$7 (單個)；$18 (三粒)；$35 (六粒)
為咗吸引更多人去買，依家嘅傢俬設計愈來愈新穎奇特， 最近，義大利品牌Sletti就設計咗非常有趣嘅2款熱狗沙發，好吸睛！ 呢款熱狗沙發可以係美國知名嘅百貨公司尼曼馬庫斯(Neiman Marcus)買到～ 設計用心，除咗有埋番茄同黃瓜攬枕，腸仔上仲有芥末醬！ 除咗大沙發外，仲好貼心地設有單人漢堡包沙發嘅設計，漢堡排就係你嘅坐墊！ 未開售前，佢地係喺巴黎家飾展第一次亮相，當時已經受到唔少人嘅欣賞 2張熱狗、漢堡沙發再配上太陽蛋地墊，置身呢個家一定無時無刻都好肚餓～ 其實添置呢啲咁可愛嘅傢俬係屋企都幾好，可以為屋企添上一啲生氣！ 有興趣嘅你可以撳呢到購買㗎！熱狗沙發US$7100(~5萬5港元)，漢堡單人沙發就係US$4950(~4萬港元)
香港周圍都有唔少食店賣熱狗～ 除咗心目中嗰間之外，知唔知仲有邊好食又有特色嘅熱狗呢？ 小編為大家搜羅五間食店～ 佢地嘅熱狗真係好吸引!!! 熱狗控睇完記得一家要試哂咁多間呀! (排名不分先後~~~) =========================================== Bulldog Hotdog – 皇牌熱狗 呢間熱狗店由大埔紅到銅鑼灣！ 標榜手工麵包，款款熱狗賣相都好吸引！ 皇牌熱狗更加係不容忽視！ 除咗焦糖洋蔥、炸蒜同幾款芝士之外，仲有安格斯牛肉！正！ 仲有咩理由要拒絕放入口？ [instagram photo=”CVfLanqhSTX”][/instagram] INFO. 地址：銅鑼灣駱克道513-515號永勝大廈地下A號舖 =============== 齊柏林熱狗店 – 火灸芝士辣肉醬熱狗 近年齊柏林熱狗分店愈開愈多，你就知唔簡單！ 呢款熱狗並唔係熱溶咁簡單～ 原塊芝士鋪喺熱狗上，再用火鎗炙溶而成！ 一咬落去，尾部嘅熱溶拉絲芝士就開始湧出嚟！ 仲有大量肉醬+秘製辣汁，層次感十足！ 口感一流！ [instagram photo=”BbqY8K4g_k8″][/instagram] INFO. 地址：荃灣鱟地坊80-84號士林食街B7舖 =============== 白羊．座 Aries Cafe – 火灸芝士鰻魚滑蛋熱狗 另一間同樣sell火灸芝士嘅食店亦好出色！ 麵包好鬆軟！ 超厚身鰻魚鋪喺表面～ 三層碎芝士仲要燒到熔岩咁，勁邪惡呀！ 只能說芝士+滑蛋+鰻魚=無得輸！完美配搭！ [instagram photo=”BdIcSvyFz5a”][/instagram] INFO. 地址：大圍積信街積信樓地下59號舖 =============== 熱狗太太 呢度嘅秘製肉醬熱狗充滿驚喜！ 裡面嘅法蘭克福腸亦好脆口！ 另一款Oppa泡菜豚肉熱狗一樣夠創新～ 勁多料超豐富，下次去大西北一定要嚟試吓！ […]
「熱狗」係好多人眼中，都不外乎係茄汁、香腸，同埋麵包三種材料~ 小編最近發現葵涌有一間熱狗店供應咗接近二十款嘅熱狗餐~ 食完之後相信你會從此對熱狗刮目相看呀! [instagram photo=”BV1PGMqlamI”][/instagram] 店員會先將醬汁同食材整好放落熱狗，之後再放落電爐度烘熱~ 等咗一陣熱辣辣嘅熱狗就出爐喇! 呢款係芝士煙肉熱狗~ [instagram photo=”avSZK1AeH-“][/instagram] 份量都幾大! 賣相亦好吸引~ 加埋炒蛋味道更滋味呀! [instagram photo=”BN1ihBkgb1W”][/instagram] 跟套餐嘅話仲有薯條添~ 正呀! [instagram photo=”BQDIJFBD0I5″][/instagram] 另外熱狗店仲有漢堡、沙津同其他小食提供~ 下次經過葵涌可以試吓喎! Oh! My Dog! 地址：葵涌石籬大隴街153號怡勝花園地下2號舖 =============== 放假去邊 更多好介紹: 快啲like我哋Facebook 同follow我哋Instagram啦!