Open Tour
冬天打邊爐就最正，平時大家去食放題燒烤打邊爐，大多數都係用電池爐！今次小編介紹俾大家嘅呢個炭爐火鍋專門店，除咗打邊爐之外，仲可以燒烤！ 全香港嘅炭爐邊爐店已經碩果僅存，為數只得番兩間，今次介紹呢間位於土瓜灣！而另外一間就喺深水埗。 連電影《無間道2》都嚟過呢度取景啊~即刻睇有咩食先！ 花竹蝦。 食物非常新鮮，仲有連殼嘅生蠔可以燒~ 足料豬骨湯底配上手切肥牛。 嚟梗土瓜灣就嚟舊區重建，大家如果想試就記住把握時間去試喇！ 鴻福海鮮四季火鍋 地址：土瓜灣落山道86號地下巷內 電話：2365 0112 時間：18:30-02:00 圖片來源：@natfoodiary_、@nomnomtgt、@hk_foodblog、@kalok_ng
呢排天時開始轉涼，食啲熱辣辣嘅嘢就最啱啦！今次小編推介呢間烤魚，主打碳火風味烤魚！ 必試鳳梨香辣豆花烤凌波魚，菠蘿酸酸甜甜可以中和辣味，有解膩嘅作用。 配料都有幾多，包括凌波魚，豆花，青瓜，菠蘿等等。湯底夠辣，惹味鮮香！ 配料兩個人食啱啱好，如果唔夠可以另外單點多款配料，好似打邊爐咁。 推介食法：可以倒入少量醋，即時魚肉食落更加鮮美！ 另外都可以試下店內串燒和小食，推介燒蠔和燒龍蝦！用料新鮮，調味適中，唔會太鹹。 整體而言，烤魚和串燒用料都幾新鮮，魚肉食落爽彈又嫩滑，調味惹味得嚟又唔會好鹹。 環境雖然冇特色裝潢，但都簡約舒適。地點唔算方便，但離地鐵站都係大概5-10分鐘路程，都可以接受。 鐘意食辣嘅可以一試呀！天氣凍返啲可以約班朋友去食下新嘢！ 小魚兒 地址：將軍澳毓雅里7號富麗花園地下03-05號舖
近年電子支付愈嚟愈流行， 好多時輕輕鬆鬆幾張卡都解決晒日常需要，錢都唔使攞出嚟~ 最近就有位日本網民喺Twitter上傳咗佢自己設計嘅「生肉卡片」， 卡片逼真得嚟好有創意、好可愛！ 網友カナイガ設計嘅卡片一整張都係生肉嘅肉紋與雪花， 望落都令人流口水~ 最特別嘅係佢仲設計埋卡片嘅感應器， 感應器以烤肉鐵盤為造型， 當你將「生肉」放上上面感應時， 佢就會發出紅光同埋「ジュ」 ( Ju ) 嘅聲音， 模仿真實烤肉嘅過程~ 除此之外，推主仲貼心地設計埋卡片包裝，上面有晒肉名、價錢等，非常有創意 焼き肉電子マネーを考えました。カードをタッチすると「ジュ」と肉の焼ける音がします。 pic.twitter.com/EFClxAasf5 — カナイガ (@shiragaigarashi) January 16, 2021 相信如果「生肉卡片」真係能夠推出， 一定好幸福，就好似可以隨時隨地都聞到肉香，仲有得係咁拍卡燒肉XD
踏入秋天，天氣開始無咁熱，係非常適合露營嘅好時機！ 流浮山呢個露營體驗，一個價錢包哂廚房＋燒烤＋帳營 啱哂同朋友/屋企人去玩返日 天氣好嘅時候去露營真係人生一大樂事 可以同朋友一齊睇日落！ 營地有3種帳營供選擇，呢款帆船營內設有兩張床 可以好好感受一下大自然 仲有梳化可以同屋企人/朋友閒聊 而部落營就有簡約民宿特色風格，佔地約400呎，可以容納2至4人 營內配備有雙人床、桌椅同基本洗漱用品，啱哂一家人一齊住 蒙古包主題嘅營好受歡迎！ 可以2成人/ 2成人+2小孩入住 營內仲提供唔同娛樂，包括︰紙牌、投影器、彈彈床、空中兵乓球、羽毛球、桌球同埋麻雀供租用 仲有開放式廚房俾你煮食，真係好方便呀 流浮山白泥豪華露營體驗 訂購網址 立即訂購
想足不出戶都可以BBQ？同時又想食材新鮮兼且食得健康？ 咁kkday嘅外賣無激素健康燒烤套餐就啱晒你心水！ 「Home燒」 燒烤套餐主打健康無添加激素食材， 加上衛生保溫袋包裝，以及嚴選健康食材，保證大家食得滋味又過癮～ 仲可以加配Recolte日式電熱鍋（限量櫻花粉色），隨附燒烤盤、蒸盤同陶瓷深鍋， 就算係零煮食經驗，都可以輕鬆做出各式各樣美食！ 而BBQ套餐包括無添加激素雞中翼、豬腩、日式蒲燒鰻魚、煙鴨胸等； 海鮮方面就有青口、蝦、泰式魚方塊，更配有自家製沾醬等等，超豐富！ 「Home燒」 燒烤套餐（2-3人），價錢只需$498起；燒烤套餐（4-5人）$848起； 燒烤套餐（2-3人）加配Recolte日式電熱鍋$1,488起；燒烤套餐（4-5人）加配Recolte日式電熱鍋，只需$1,828起～ 心思思想食嘅話，就快啲去以下網址訂購喇！ 「Home燒」 燒烤套餐 訂購網址：「Home燒」 燒烤套餐 立即訂購
小編發現高質串燒，食咁多款都無中伏～ 好多款仲幾有特色，出面未必食到！ 快啲睇下有咩必食推介吧！ =============== 法式青蘋果鵝肝多士 $78 有小編手掌咁大份，鵝肝仲要超級厚！ $78絕對物有所值～ 麵包好脆、仲要加咗粒粒芝士，口感、味道都勁豐富！ 中間夾一塊焦糖蘋果、甜甜酸酸，食晒都唔覺膩～ 鵝肝充滿油份，所以真係好香口啊～～ =============== 韓式燒牛仔骨 $98 邊個話串燒一定熱氣？呢個又好食又健康！ 一塊生菜，包住燒牛仔骨、泡菜、蒜片、青瓜、紅蘿蔔絲… 一啖放入口，超滿足！ 一份有20幾30塊㗎，份量勁足！ =============== 泰式鹽燒馬友魚 $148 必食！真係好好好好食！ 呢間餐廳全部都用海魚，同樣地用鹽燒烹調！ 泰式醬汁微辣，配埋滑滑的魚肉，超級夾！ 一夾起塊魚皮就食得，好方便～ =============== 鹽燒原塊鮮雞皮 $22 燒到脆卜卜，冇咗雞皮嗰種油膩感！ 加埋調味粉，好似食緊薯片咁～ =============== 海苔黑豚肉鵪鶉蛋 $26 鵪鶉蛋唔係好多串燒店有得食，呢款仲有黑豚肉包住！ 仲配埋海苔絲、沙律醬，呢個配搭… 會唔好食嘅咩？ =============== 墨魚仔釀無骨雞翼 $38 釀肉嘅無骨雞翼就食得多，呢款釀埋墨魚仔！ 除咗有肉味、仲有海鮮香，再加埋Wasabi… 多重滋味啦～ =============== 黑胡椒枝豆 $22 就咁淥熟啲枝豆，邊夠好食？ 呢到全部都用黑胡椒、麻油醃過，食落超香、超惹味！ 燒烤堂 地址：筲箕灣筲箕灣廟東街11號地下 紅磡德民街29號德民大廈地下J2號舖 =============== 放假去邊 更多好介紹: 快啲like我哋Facebook 同follow我哋Instagram啦!
