Open Tour
食肉獸注意！Porterhouse Seafood & Steak新出Let’s Meat套餐，主打無限量任食四款肉類，優質肉食刺激味蕾滿足食肉嘅願望！ 套餐包括湯品、自選一款前菜、主菜無限量任食靚肉、手工寬扁麵、最後當然有埋甜品~ 前菜可以揀凱撒沙律、三文魚他他或生牛肉他他。 無限量肉食，包括澳洲安格斯西冷牛扒或澳洲安格斯側膜橫肌牛扒，烤新西蘭羊架、烤加拿大豬扒。 燉牛面頰意大利寬扁麵都係任食。 自家製雪糕及雪葩作結~ a la carte都有新菜式，呢個係全新嘅龍蝦沙律 龍蝦配上Datterino番茄、醃紅洋蔥、歐芹、羅勒及紅莓，最後綴上芹菜雪葩。 油甘魚刺身薄片 麵包蟹肉海膽 蟶子二食 全新菜單，為一眾海鮮肉類愛好者帶來驚喜的滋味組合，有興趣就去試下喇~ Let’s Meat套餐逢星期日至星期二的晚上推出，兩位起計，每位HK$598，另加一服務費。 Porterhouse Seafood & Steak 地址 ：香港中環德己立街30-36號加州大廈7樓 電話：（852）2522 6366 電郵：[email protected]
中環出名多好嘢食，近日新開咗間西班牙餐廳，呢度出名食靚牛扒，佢地常用牛品種係來自西班牙，而Rubia係隻牛嘅名，因為喺西班牙，大部分農夫都鐘意幫啲牛改呢個名。餐廳為咗保留牛肉嘅鮮味，只係用鹽簡單調味，仲會於室溫降溫兩次先拎出嚟煮~呢度嘅牛扒啱晒高要求嘅牛魔王！ 平時西班牙餐廳都係食普通海鮮焗飯，呢度嘅main course 都係建議大家食紅蝦墨汁意粉，黑色一粒粒果啲Fideos意粉。 配上墨汁味道又真係比較鹹甜，缺點就係食嘅時候要注意儀態。 生牛肉片，其實好似火腿嘅口感，呢個係高質嘅牛裡脊肉（最嫩部分），入口即溶，再配埋啲芝士一齊食，味道超夾~ 八爪魚肉，呢仲八爪魚最有咬口，大大粒先食出鹹鮮嘅味道。 大家嚟到餐廳，除咗食出名嘅Rubia 牛扒之外，仲要試埋呢個流心芝士蛋糕。 呢個蛋糕需要熱食，仲係用咗藍芝士整出嚟。 餐廳室內都幾好feel，如果大家想Chill啲可以揀番Bar檯坐~ Rubia 地址：中環荷李活道35-37號泉威中心UG樓-1樓 電話：2889 1199 營業時間：12:00-22:00 圖片來源：@majorinfood
大埔美食一向都多！有唔少餐廳除咗有街坊幫襯之外，仲有好多人特登跨區去試！ 今次就等小編帶你食住幾間先，睇下邊款啱你口味啦～ 厚切炸豬扒拼雲吞 配上海粗麵 呢間炸豬扒喺大埔出晒名！個個嚟到都係食佢！ 小編嗰日足足等咗45分鐘… 炸豬扒超超超大塊，而且炸得外脆內軟！值得等～ 雲吞都係必試之選，粒粒飽滿、皮薄餡多！重點係：雙拼唔洗加錢㗎～～ 世記上海麵 地址：大埔鄉事會街8號大埔墟街市及熟食中心2樓 售價：$38 (雙拼同價) ========== 酸忌廉芝士肉醬熱狗 呢間人氣熱狗店超受歡迎！小編喺開舖後2個鐘去到，有幾款熱狗已經賣晒！ 芝士肉醬好香口、配埋特製酸忌廉，夾得嚟又可以解膩～ 餡料勁多勁豐富，食極都仲有！加埋粟米片都幾特別～～ Bulldog Hotdog 地址：大埔廣福道60-62號地下C舖 售價：$50 (單價)；$68 (熱狗+薯角+飲品) ========== 西冷牛扒 配巨型蛋包飯 呢間茶室不得了，喺區內有超高人氣！出名份量多、價錢抵、味道好！ 小編今次就試試佢個蛋包飯～ 牛扒同蛋包飯嘅size係一樣，上枱嗰下真心嚇親！(兩個人share食絕對夠飽…) 蛋皮做得幾好～ 不過重點係塊西冷牛扒！茶記嘅牛扒竟然可以自己揀熟度？ 小編當日嗌咗7成熟… 牛扒厚身、大塊，但係依然超Juicy！肉質係好嫩滑～ 鼎天茶室 地址：大埔安慈路3號翠屏花園商場地下3號舖 售價：$88 ========== 低糖芝麻花生 手工糯米糍 小編大大大大大力推薦呢間小店！ 糯米糍係老闆娘每日親手包，啲餡料係又香又豐富！ 粒粒都漲卜卜勁多餡～～ 糯米皮做得好鬆軟，食落口係勁滋味！ 滑嘟嘟 地址：大埔鄉事會街8號大埔墟街市及熟食中心2樓CFS29號舖 售價：$7 (單個)；$18 (三粒)；$35 (六粒)
喺香港仔有間新西餐廳！ 專門食生蠔，仲要係又平又高質！ 每日都會有一款生蠔，只係$10一隻，可以無上限任嗌～ 依家仲要有優惠！ 只要堂食惠顧12隻$10生蠔，可以免費升級其中一隻為「愛爾蘭Carlingford手板大蠔 (N.000)」！ 原價一隻要$98，依家免費upgrade啊～～～ $10生蠔質素已經好好，隻隻都肥美飽滿！ Carlingford手板大蠔仲正啊～ 真．超級大隻！生蠔迷必定滿足～～ *優惠期：即日起 至 2019年1月18號 *每日數量有限，送完即止 =============== 必食嘅仲有呢個… 澳洲牛柳配龍蝦！ 龍蝦啖啖肉、勁多膏，不過好戲在後頭啊～ 餐廳職員會喺你面前，將勁勁勁多熱溶芝士淋喺龍蝦上面！ 芝士控不能錯過！芝士鹹香味勁夠，配埋龍蝦肉真係perfect～～ 除咗牛柳+龍蝦之外，就連All Day Breakfast都可以配熱溶芝士！ 芝士＋流心溫泉蛋＋多士，簡直就係All Day Breakfast嘅極致～ =============== 餐廳仲有好多唔同款式嘅串燒、燒物！ 小編比較推介嘅係以下呢幾款～ 厚切蒲燒鰻魚、煙肉焗生蠔、照燒汁雞肉串 豬仔脾、燒雞翼、牛仔骨 全部肉類都燒得幾Juicy～～ 唔錯！ 燒汁魷魚、大蝦、墨魚仔 海鮮選擇都幾多，呢幾款入味得嚟又爽口！ =============== 其他主菜都好高CP值，仲幾有特色！ 墨汁意大利飯好高級啊～～～ 放咗好多三文魚子、海膽，配埋Creamy嘅risotto食真係好開心！！！ 脆炸德國豬手 唔單止皮脆肉厚、啖啖肉… 而且份量十足、好多件！ 北京填鴨芝士Pizza 呢個好特別！完全就係北京填鴨嘅味道！ 芝士味好濃郁、配埋秘製醬汁，必試呀～～～ 西班牙肉腸拼火腿 配芝士花 芝士配肉腸/火腿一齊食，好夠鹹香、超級好食！ 重點係：有得食仲有得玩！你可以自己整芝士花！ 捲大啲朵花，咪可以食多啲芝士囉！好過癮～～～ 全部生蠔都係每日新鮮空運，仲要只係$10隻！ 抵到爛啦～～～ 快啲去香港仔試下呢間新店！ OysTime 地址：香港香港仔中心1期1樓2號舖 (近恆生銀行) […]
喺首爾梨泰院洞附近有一個超人氣美食， 平時只有當地人先會識得去搵食～ 佢就係芝士瀑布牛扒！ [instagram photo=”BZ-wia4gZU9″][/instagram] [instagram photo=”BjE4MhOna8F”][/instagram] 呢個炒牛扒（부채살소고기）＋ 起司瀑布（치즈폭포）絕對唔簡單！ [instagram photo=”BXcrXt2nqZy”][/instagram] 牛扒炒到超香～ 食落肉質軟嫩，勁juicy！ [instagram photo=”Bj1XkvpgPD5″][/instagram] 配埋酸辣醬、黃瓜、蝦、炒洋蔥同埋粟米～～ 超豐富!! [instagram photo=”BYUdzKhFLtQ”][/instagram] 點可以少得芝士瀑布啊！！ 絕對係精髓!! 睇見都流口水～～ [instagram photo=”BeLMQR6HpCW”][/instagram] 隔著嗰mon都覺得好好食！ 如果有機會，小編都想試吓啊～～ [instagram photo=”BlKrbfBgT4o”][/instagram] Cheese Pangya (지즈빵야) 地址：龍山區綠莎坪大路46街13 (서울특별시 용산구 녹사평대로46길 13) 營業時間：早上11:00至晚上11:30 交通：地鐵由綠莎坪站2號出口步行約6分鐘就到 [map url=”https://www.google.com/maps/embed?pb=!1m18!1m12!1m3!1d3163.761107880514!2d126.98545911531077!3d37.53712827980336!2m3!1f0!2f0!3f0!3m2!1i1024!2i768!4f13.1!3m3!1m2!1s0x357ca248677a21ed%3A0x74bb96f582d5e9b8!2zMzM2LTEgSXRhZXdvbi1kb25nLCBZb25nc2FuLWd1LCBTZW91bCwg6Z-T5ZyL!5e0!3m2!1szh-TW!2shk!4v1544091827494″][/map] =============== 放假去邊 更多好介紹: 快啲like我哋Facebook 同follow我哋Instagram啦!
旺角高CP值嘅西餐啊！真．超抵食！ 只係$198蚊就食到 餐湯餐包、前菜、頭盤、主菜、甜品、飲品！ 如果9pm之後入座，仲會全單75折～ =============== (餐湯) 黃金海鮮蜆肉忌廉湯、蒜蓉包 超超超多蜆肉！忌廉湯都幾Creamy～ 以西餐餐湯嚟講，算唔錯！ 重點係：可以加$18轉酥皮湯！加埋酥皮好歡欣啊～～～ =============== 【前菜三選一：芝士焗扇貝 / 香煎法國鵝肝 / 生蠔海鮮拼盤】 香煎法國鵝肝 小編重點推介！識揀一定揀鵝肝！ 超級厚、油脂好豐富，$198套餐食到呢個質素真係超值～ 生蠔海鮮拼盤 (精選生蠔、松葉蟹棒3件、鮮蝦3隻) 鍾意食生蠔嘅朋友仔，可以揀海鮮拼盤！ 食齊3款海鮮，都唔需要另加錢！ 生蠔夠鮮甜～ 仲有真．有手掌咁大！超級無敵抵食～～ =============== 【頭盤三選一：巴黎汁田螺焗薯蓉 / 吞拿魚沙律脆盒 / 凱撒沙律】 小編當晚試咗田螺焗薯蓉、吞拿魚沙律脆盒！ 田螺好大隻，薯蓉都算Creamy～ 小編比較鍾意呢款！ =============== 【主菜七選一：以下五款 / 玫瑰煙三文魚卡邦尼意粉 / 紅酒燴安格斯牛肋條配飯或意粉】 炭燒美國西冷扒 (8oz) 幾大塊幾厚肉，牛魔王應該會滿足～ 仲配咗薯蓉、烤雜菜！ 生熟程度啱啱好，唔會過韌～ 啖啖肉真係好開心～～～～ 玫瑰岩鹽燒石斑魚柳 配 原隻南瓜芝士意大利飯 有冇鍾意食南瓜嘅朋友？！必必必定要食埋啲南瓜肉啊～ 甜甜地，配芝士意大利飯一齊食好夾！ 魚柳好滑～～～ 不過重點係個飯！勁多芝士勁Creamy，小編表示輕鬆食晒！ 脆香軟殼蟹 蜆肉咸蛋黃意大利飯 […]
小編發現觀塘有間Cafe… 價錢唔算貴，食物選擇多、質素高！ 環境仲幾靚、幾舒服㗎～ =============== 悠然假期全日早餐 $98 (包飲品) (假日12-6pm供應) 黑松露炒蛋、薯波、牛油磨菇、烤蕃茄、牛油果、豬肉腸、沙律、蒜蓉牛油多士 呢個All day breakfast係小編大愛！ 最開心係有8款食物、咩都試到，仲要幾好食啵～～～ 重點推介：黑松露炒蛋、薯波！ 炒蛋好香滑，配埋黑松露真係一流～ 薯波外脆內軟，好正啊～～～ 蒜蓉牛油多士、滑蛋、牛油果、蘑菇… 一啖食晒爽呀！ =============== 香煎三文魚柳 配素芝士野茄沙律 $138 (包飲品) (每日晚餐時段供應) 鍾意食三文魚嘅朋友，呢個dinner set不能錯過！ 香噴噴嘅油脂、加上啖啖肉，配埋純素沙律，清新得嚟又好食～～～ 重點係！煎三文魚柳有小編手板咁長！ 仲要勁勁勁厚啊～ 呢個Size、呢個質素，真係極高CP值！ =============== 香草燒牛腹膜柳 配薯條、烤雜菜 (燒汁及茄汁) $138 (包飲品) (平日午市、假日12-6pm 供應) 召喚牛魔王！呢份牛腹膜柳，牛肉味都幾出～ 跟餐仲有一份薯條，係粗薯啊～～～～ 牛肉嘅生熟程度啱啱好，一啲都唔會韌～ 邊位仲微微烤過，食落幾有層次！ =============== 香蒜大蝦意粉 配頭盤沙律 $88 (包飲品) (平日午市供應) 呢個午餐算幾抵食～～ 沙律嘅份量同意粉係一樣！ 蒜味好突出，超級香～～～ 鍾意食蒜嘅朋友一定鍾意！ 大蝦質素都唔錯～ 沙律菜好新鮮！ 竟然仲配咗啲燕麥片、香蕉乾果片，都幾特別～ =============== 翩翩蝴蝶下午茶雀籠 (二人用) $210 (學生價$178) (平日下午茶時段、假日12-6pm供應) […]
想係旺角搵到間西餐… 價錢唔高、食物有質素、環境靚、坐得舒服？ 小編有好介紹！睇下有咩好食啦！ ===================== 火焰脆燒德國原隻鹹豬手 $165 嘩嘩嘩！火燒豬手啊！ 望住啲充滿油脂嘅豬皮，好吸引啊～ 豬手本身已經熟，上枱之後會有職員幫手點火加熱！ 等啲火熄晒就可以切嚟食喇～ 豬皮超級香脆！ 仲要啖啖肉，加埋少少肥膏一齊食真係一流～ （有配埋酸菜、芥末醬㗎） 小編冇呃你！豬手幾乎有我個頭咁大！ 切開係超級多肉，絕對抵食啊～ ===================== 香烤原隻波士頓龍蝦 $235 有龍蝦唔算特別，但呢隻係特別大！特別多肉！ 仲要配咗蕃薯蓉，唔係平時用薯蓉粉開出嚟嘅普通薯蓉～ 餐廳仲提供芫茜汁配龍蝦食，成件事Fresh好多！ 加埋一齊食好清新啊～ 真係啖啖肉，每一舊都好大件㗎！ ===================== 皇牌威寧頓牛柳 $245 呢個真係必點！呢到竟然有超考工夫嘅威寧頓牛柳！ 價錢唔算十分貴，但係好足料兼好味道啊～ 一上枱已經聞到好香牛油酥皮味！ 酥皮同牛扒之間，仲夾咗一層有黑椒嘅菇，令到牛扒更加好食啊～ 肉質嫩滑，好淋、好容易切開～ ===================== 和風蜜芥鹹牛脷熱脆包 $55 呢款小食一啲都唔小，同樣係好足料～ 三大件麵包，入面夾住厚厚嘅鹹牛脷、Wasabi醬，仲有菠蘿畀你解膩！ 麵包係超！級！脆！包控一定會好滿意～ 仲要每一件都有超碼三塊鹹牛脷，全部都好嫩滑，好淋好易入口！ ===================== 溫泉玉子菠菜大啡菇 $65 芝士！溫泉蛋！菠菜！大啡菇！ 呢個係比較清新嘅選擇～ 溫泉蛋流心！ 真係好大隻菇啊～～～ ===================== 冰球沙律 $85 其實沙律入面係有蟹肉、芒果、木瓜、牛油果，份量都唔算少～ 最特別係用咗真冰球裝住，啲沙律食極都可以keep住凍！ 呢個冰球食得又睇得，淨係影相都覺得好靚啊～ ===================== 原隻低脂蜜桃雪葩 $55 最後梗係要食甜品！呢到有好多款水果雪葩，全部都用真·果肉㗎～ […]
生蠔迷出動！小編發現荃灣有10蚊生蠔！ 雖然只係$10一隻，但質素超高～仲要可以無限任嗌食到夠！ 仲有美國斧頭扒呀，龍蝦呀，德國咸豬手… 全部都好食兼大份，CP值極高啊~~~ [facebook url=”https://www.facebook.com/openholidays/videos/1933017960244426/”][/facebook] =============== 新鮮生蠔 $10/隻 呢間餐廳主打生蠔，全部都超新鮮肥美！ 每日都會有一款特價，只係$10一隻咋～仲要無限任嗌，食到你滿足為止！ 有海水味，超大隻新鮮～絕對唔會將貨就價！ $10係超超超值！ =============== 精選刺身拼盤 $99 刺身都好抵食！一盤有齊赤貝刺身、三文魚刺身、左口魚裙邊、日本甜蝦刺身、加拿大翡翠螺～～ 加拿大翡翠螺好大粒！超新鮮啊～ 小編最推介係左口魚裙邊，超超超好食！ =============== 脆炸德國咸豬手配蜜糖芥末籽醬 $268 炸豬手好抵食，因為真係好大份啊～仲大過小編隻手！ 一定要配蜜糖芥末籽醬食，因為真係好夾好惹味～ 皮又脆又厚，充滿骨膠原！ 肉好嫩，而且啖啖肉，幾個人都未必食得晒！ =============== 火焰龍蝦 $188 龍蝦就食得多喇，上到枱先即燒嘅龍蝦你試過未？ 龍蝦肉唔會燒過火，好新鮮啊～～～～～ 加上微微燒過嘅蛋白，係意想不到咁配合！ 同龍蝦肉好夾，完全冇違和感～ =============== 美國斧頭扒 $1388up 呢塊牛扒真係好震撼… 好大塊好厚肉… 以為淨係sell大塊？錯喇～肉質超嫩超好味，真係幾飽都仲食得落！ 不過小編提提你，真係要同朋友開心Share啊～ 建議6位或以上先好order，因為份量好大，成40幾50安士㗎！ =============== 巨峰提子乳酸 $36 Somersby Cocktail Tickled pick $68 食咗咁多嘢，梗係要嗌返杯飲品！ 兩杯飲落去都好爽啊～～～清完味蕾又係時候繼續食～ Oyster Station 荃灣 […]
不得了！不得了! 想食靚牛扒？唔一定要喺高級食府先可以食到～ 嚟台北嘅Cook Beef試吓平價五星級水準嘅牛扒飯啦！ [instagram photo=”Bj31Oc_lOFY”][/instagram] 呢度嘅牛扒飯色、香、味俱全！ 睇見都想食呀！ [instagram photo=”BQP-ESlAf_y”][/instagram] 份量超多！ [instagram photo=”BkKNirAFtsp”][/instagram] 牛肉嘅熟度亦都係啱啱好～～ 肉汁鎖住，而且唔會有血水！ [instagram photo=”Bk7YLKsFecV”][/instagram] 牛扒飯仲有其他含豐富營養價值嘅配菜，例如西蘭花、蕃茄仔、洋葱條…… 食肉獸有時都要食番啲菜嘅～～飽哂！ [instagram photo=”Bl-NWGuHkyY”][/instagram] CookBeef 地址：台北市忠孝東路五段33號 營業時間：上午11:30至晚上9:00 交通：於捷運市府站1號出口左轉就到 =============== 放假去邊 更多好介紹: 快啲like我哋Facebook 同follow我哋Instagram啦!
