Open Tour
萬眾期待的聖誕新年將至，多間人氣商戶亦宣佈於北角海旁商場 – 北角匯開業落戶，提供更多元化的海濱購物+美食+消閒體驗 — 顧客可帶同心愛寵物在全新精緻餐廳開party，在狗公園旁更有新開工業風酒窖及酒吧，加上本地老字號新開港島區唯一門店重現近百年美食工藝、由誠品打造台灣零食手信專門店、全新引進的韓國人氣保健品牌等等，令男女老幼與寵物，均可締造開心難忘的冬日回憶！ 聖誕MENU： 聖誕及新年期間，餐廳將推出$388/位的四道菜節日套餐 – 香煎帶子配魚子醬、黑松露蘑菇湯、龍蝦汁海鮮拼盤配農夫包、法式羊架、澳洲煙燻肉眼扒、心太軟配雪糕等。 寵物餐牌方面，不單有毛孩全日早餐、牛肉漢堡、藍莓香蕉班戟等選擇。 寵物美食- 毛孩全日早餐。 寵物美食- 牛肉漢堡。 活LiTM 地址：北角匯1期G01、G02及G32 營業時間：11:30am – 10pm 訂座電話：2638 1777
各位大西北嘅朋友要注意啦！ 最近小編發現咗一間好味又有特色嘅咖啡店「Thre3 concept」 呢間小店位於屯門新墟村，位於舊村之中嘅小店有咖啡同西餐供應，勁有特色！ [instagram photo=”CEqtSK_DDfa”][/instagram] 咖啡店有午市套餐供應，價錢唔算貴，而且味道有驚喜！ 當中必試「大蝦卡邦尼意粉 」，足料又大碟 大蝦有輕微炸過夠香脆，可以連蝦頭都食埋，而且意粉有咬口，正！ 另外亦有多款全日早餐供應，早餐嘅多士勁好食，夠香脆而且牛油味香濃！ 除咗嘢食，連跟餐嘅Vienna Coffee都好好飲 啡味香濃又夠滑，外賣都好靚！ 而小店嘅人氣大熱飲品就係「狗狗飄浮Latte」 狗狗飄浮系列只設散叫，可以揀柴柴、法鬥、雪橇同柴Pat！ [instagram photo=”BihBov-FZtw”][/instagram] 咖啡好大杯，唔鍾意飲咖啡嘅你亦可以叫朱古力 [instagram photo=”CHWkaS3jgRm”][/instagram] 望住狗仔喺飲品入面彈彈吓真係幾開心，創意加分！ 下次一於約埋朋友去試下啦！ Thre3 concept 地址︰屯門新墟村2台33號地舖 / 屯門藍地大街35號地下 圖片來源︰raindylife、saisailove、codyyeungg、iamhungryah
買寵物用品除咗要睇產品嘅實用性，外觀都好重要！ 台灣NUKE Design就留意到呢一點，推出富士山造型嘅防蟻兩用碗、以及陶瓷電動飲水器，既實用又可愛！ 1. 富士山防蟻兩用碗 富士山造型寵物碗由陶瓷製成，飲水進食兩用！ 食物碗同水盤可以獨立使用～陶瓷材質唔容易卡垢，方便清潔！ 寵物碗最可愛的地方，就是水盤位置有一個迷你鳥居，勁可愛吖！ 2. 富士山電動飲水器 療癒嘅富士山造型飲水器，運用咗貓咪鐘意飲流動水嘅天性， 令水不斷內循環，吸引主子飲水！ 飲水器同樣以陶瓷製成，光滑表面唔易藏污納垢，方便清潔！ 貓奴仲可以額外買一個小太陽球，放喺富士山上面畀貓咪玩～ 富士山造型寵物用品 網址：NUKE Design
奧華南岸酒店（Ovolo Southside）推出「V.I.Pooch | Luxury Pet-Friendly Accommodation」住宿計劃， 一晚房價低至$1,573起，可以帶埋心愛毛孩同主人一齊度假！ 「V.I.Pooch | Luxury Pet-Friendly Accommodation」住宿計劃， 每晚只需$1,573起，可以帶2隻合共唔超過30kg嘅狗狗入住～ 酒店仲會特別為每隻入住嘅狗狗，準備好寵物床、食物碗、內含玩具同零食嘅Doggy Bag等等！ 有興趣嘅話，快啲搵酒店預訂喇！ 奧華南岸酒店 Ovolo Southside 地址：香港港島南區黃竹坑道64號 電話：3460 8100 網址：Ovolo Southside
常言道：「人生得一知己，死而無憾」，可以擁有一位了解你嘅好朋友，真係好難得～ 不過做朋友都好講求性格夾唔夾！憑直覺揀一隻你最鐘意嘅狗狗，測出咩類型或者性格嘅朋友值得你深交喇！ 1. 哥基犬 你嘅性格同哥基犬一樣直率可愛，對任何事都態度認真，而且鐘意同朋友一較高下～ 你認識朋友嘅方式係「不打不相識」，喺共同競爭進步嘅同時，你哋嘅友情亦會越來越深厚。 但有時候，你會忽略咗對方嘅感受～ 2. 小獵犬 你對朋友嘅態度係「君子之交淡如水」，你同朋友嘅關係總係保持謙恭禮讓，因為過份親密會令你覺得有壓力。 你鐘意朋友同你一齊追求新鮮事物，所以充滿好奇心嘅人最適合做你朋友。 3. 黑色獵腸犬 你嘅性格比較怕羞，唔係好識得表達自己，所以好少主動去同其他人做朋友，朋友亦唔多。 一旦你同某人成為朋友，你就會好重視呢份友誼，甚至希望同對方形影不離。 同樣重視友情嘅人，最適合同你做朋友，但要記著唔好過份依賴對方，否則會令朋友感到壓力。 4. 沙皮犬 你對人嘅喜惡非常分明，而且對朋友情深義重。 只要你同某人成為朋友，你就會全心全意對待對方，甚至會為好朋友兩肋插刀。 你最適合同本性誠實、善良嘅人做朋友，以誠相待先可以培育出最真摰嘅友誼！
屋企嘅毛孩就快生日，想帶佢出街慶祝？如果唔想係室外曬太陽，不如試吓去九龍灣嘅「Chill inn」啦！ 「Chill inn」係九龍灣嘅寵物友善餐廳，佔地4000呎，超大！ 「Chill inn」分咗餐廳同「寵物友善營地」兩區，餐廳以新派東南亞西菜式為主， 主要提供人嘅食物，貓狗唔入得～ 而「寵物友善營地」就可以俾毛孩放電同玩，加埋靚靚嘅環境，可以幫毛孩影返輯靚相 Chill inn設有個別房間同迷你表演台，店內佈置令你如置身露營區 呢個咁靚嘅場地幫毛孩搞生日會真係一流！ 佢哋亦有供應寵物餐，同多款寵物用品可供選購～ 客人只要喺店內消費，不論係購買食品定係寵物用品，就可以進入「寵物友善營地」 寵物營地會提供地拖、尿片、清潔消毒噴劑等等，主人需自行清理狗狗嘅大小便 佢哋亦有寄賣狗狗蛋糕，但去之前記得要預約，咁就唔怕去到無位啦 寵物營地只接受電話訂座，其他網上平台（如openrice、eatigo）訂座服務同優惠只係適用於餐廳區。 Chill Inn 地址：九龍灣展貿徑1號E-Max 國際展貿中心地下21-23號舖 訂座熱線：2849 8289 圖片來源：Chill Inn
夏天咁熱，唔少寵主帶毛孩去街時都會行到滿頭大汗，真係咪話唔辛苦 不過作為盡責嘅主人又點可以唔帶狗狗去放電，如果有個室內地方俾狗狗玩就好啦！ 今次小編會為大家介紹一間荔枝角嘅室內派對活動場地「Five by 5」 ，等你可以嘆住冷氣放狗 Five by 5 室內外超過四千呎，適合舉辦各種活動 佢哋會不定期同其他動物組織舉辦領養活動，同時場內亦會有籌款箱，希望可以幫助更多有需要嘅貓狗 每隻上去嘅毛孩都可以免費獲得一份零食，好貼心！ 主人仲可以借閱唔同嘅寵物書籍，增進寵物知識 場內有分室內同室外位置，室內有兩個活動室，提供咗寵物玩具俾狗狗玩， 而且仲有多個打卡位，幫狗狗影相呃like無難度！ 呢個狗狗波波池真係毛孩至愛，狗狗玩得好開心！ 室外更有一個狗狗泳池，夏天一定好消暑 Five by 5亦有多款寵物用品發售，主人可以慢慢選購 佢哋更設有BEMER療程，可以減低毛孩壓力、促進復原同肌肉再生 利用磁場治療儀放鬆狗狗嘅精神同肌肉 狗狗坐喺度就輕鬆嘆住冷氣做到療程，好方便呀！ Five By 5 地址︰荔枝角青山道702-704號合興工業大廈4樓G 電話︰6511 0550
台灣高雄「雪花殿」嘅櫻花荔枝雪花冰大家絕對要去試吓～ 棉花冰上嘅一朵朵櫻花其實係草莓牛奶冰～ 配搭埋超可愛嘅貓貓狗狗真係唔捨得食！ 而且狗狗雪花冰造型做得非常仔細，大家小心打卡打到溶咗啊！ [instagram photo=”BwzZf9ipW6m”][/instagram] 狗狗仔細到大家都有疑問到底可唔可以食～ [instagram photo=”B1wWJg_BvDr”][/instagram] 好大隻主子啊～ [instagram photo=”B0vihzzhlP_”][/instagram] 好可愛嘅貴賓狗！點捨得食啊！ [instagram photo=”Bv37UAtBNOp”][/instagram] 靚到藝術一樣～ [instagram photo=”BsDdoXEH3gb”][/instagram] 櫻花像真度都好高！ [instagram photo=”B540DorlMi0″][/instagram] 就算溶我都唔捨得食狗狗啊！ 雪花殿 地址：804高雄市鼓山區裕誠路1146-1號 時間：1500 – 0000 電話：0981 787 026
