Tag: 粥

有時返工仲要開埋OT真係幾辛苦~ 所以點都要食宵夜! 就當係慰勞一吓自己嘛! 元朗美食多就眾所周知~ 其中呢間發記腸粉粥品更加係愈夜愈旺添~ [instagram photo=”BQQG5JwhkwN”][/instagram] 呢碗蠔仔碎牛粥絕對係大推! [instagram photo=”Bh_wEwxD9Bj “][/instagram] 火喉啱啱好~ 粥底夠綿滑! 啲蠔仲係大大隻，味道好鮮甜呀~ [instagram photo=”BHpd1UDA_zi”][/instagram] 用瓦罉裝加哂分~ 食落特別有風味! [instagram photo=”BbXLfQHHOh8″][/instagram] 食宵夜梗係要食得豐富啲~ 識食一定會叫埋蝦米腸! [instagram photo=”BVclqXygJpM”][/instagram] 腸粉皮夠滑身，而且好足料~ 仲好多蔥呀❤! [instagram photo=”BJ2xFkAh4Wx”][/instagram] 有機會可以嚟試吓! 發記腸粉粥品 地址：元朗建業街67號   =============== 放假去邊 更多好介紹: 快啲like我哋Facebook 同follow我哋Instagram啦!

By Katie Lo

May 30, 2018August 5, 2022

茶餐廳係香港地道飲食文化，講求快、靚、正！ 落單要快，伙記有咩辦法？ 「一個夏蕙姨，加個肥妹！」 「再嚟汪阿姐！咪嘔住！」 到底講緊咩？ 文：嘉儀 1. 靚仔、靚女 聽到伙記嗌靚仔靚女，唔好開心住！ 原來「靚仔」等於「白飯」，「靚女」代表「白粥」，所以未必嗌緊你㗎～～ 2. 打爛 「打爛」就是「炒飯」！到底兩樣嘢有咩關係？小編不知道… 揚州炒飯係咪叫揚州打爛？小編也不知道… 3. 籮柚 將「菠蘿油」好快咁讀10次！ 係咪已經諗到點解「菠蘿油」會變咗「籮柚」呢～～ 4. 夏蕙姨 夏蕙姨大駕光臨茶記？ 如果你聽到伙記大叫「夏蕙姨」，其實係有人嗌咗件「西多士」咋～ 至於點解？聽聞同外表有少少關係…… 5. 咪嘔住 咪嘔住！牛治！咪嘔住！牛治！ 「鹹牛肉三文治」呀嘛？聽落都幾似啊～～ 6. 鬼佬肉 難道鬼佬肉係小鮮肉啲friend？ 原來「鬼佬肉」係解「咕嚕肉」，小編真是長知識了！ 7. 上池 上咗水嘅魚，就是「死魚」！ 所以如果聽到「上池」，小心條魚唔新鮮啊～～ 8. 肥妹 「肥妹」等於「熱朱古力」，係咪代表飲完會變肥？ 放心啦！聽到伙記叫肥妹，唔係嗌緊你啊～～ 係嗌緊你嘅將來啊！ 9. 汪阿姐 為你煮～熱咖啡～份外輕快些～～ 同你傾～同你飲～密密斟咖啡～～ 係咪有晒聲畫呢？仲唔係「熱咖啡」？ 10. 敗家仔 你個敗家仔！你個熱阿華田！ 到底有咩關係啊… 小編真係睇唔透……   =============== 放假去邊 更多好介紹: 快啲like我哋Facebook 同follow我哋Instagram啦!

By tiffany chong

April 1, 2017August 6, 2022