天后區又多個美食打卡新地標啦！ 「Park Aura 亨環‧天后」正式進駐天后食坊，將本地、異國等美食引進美食市集Food Loft 全新嘅美食市集會成為集合多國美食嘅新基地，由輕盈小食至精緻手作個性小食店都應有盡有！ Food Loft合共兩層，共有14間餐飲店舖，全部都以外賣為主 當中注目嘅人氣輕食專區不但提供輕盈小食同埋打卡美食， 另外仲有自家本地手作，主打無添加、即開即食嘅高質樽裝小食，喺出面真係好少見！ 而Park Aura亦自行研發咗一款手機應用程式，顧客可以更方便咁體驗佢哋嘅外賣自取點餐服務 小編推介必食嘅有韓國過江龍人氣街頭小食店「阿里郎熱狗棒」，佢哋嘅招牌邪惡芝士「拉絲」炸熱狗香腸勁吸引 加上多種口味醬汁配搭，100%還原韓國街頭小食滋味！ 咖啡控就要試吓「Caffé Kenon」，只提供少量座位，必試佢哋賣相精緻嘅意式咖啡同蛋糕 同場亦有人氣日式可麗餅、糯米糍、鐵觀音濃厚茶底王牌功夫奶霸、香草蛋白雪山班戟、日本直送焦糖年輪蛋糕同埋和風蕨餅等等 可以食到多國美食，好似去咗旅行一樣！ 除咗美食市集 Food Loft 會提供各款美食，二樓布設有百味市集Feast Market，提供一個平台畀大家選購本地、外國直送嘅優質食材 當中包括元朗鬼巴士滷味、日本手工拉麵、養生素湯包等等 店內更設有生酮飲食專櫃，亦有養生、有機綠色食品，可以滿足到唔同飲食習慣嘅朋友 好多即食食品都好適合生活忙碌嘅都市人，返屋企都可以享受到餐廳質素嘅美食 除咗有咁多嘢食之外，二十二樓更設有「 Chef Republic煮食共和」多用途廚房及宴會場地 呢個場所係一個獨立可租賃嘅場地，各位烹飪愛好者可以有機會大展身手，亦都可以舉辦唔同嘅美食烹飪、企業活動 食客亦可近距離觀賞主廚廚藝，絕對係一個多元煮食體驗地方！ Park Aura 地址︰香港天后電氣道54號
