Open Tour
鍾意東南亞菜嘅你，一定要試下呢間位於北角嘅「咖吔 Kaya」～ 餐廳主打新加坡菜，款款菜式都抵食又高質！ 一齊睇下有啲咩必食推薦啦～ 新加坡白胡椒肉骨茶 $82 肉骨茶胡椒味濃烈，而且香味十足！ 加$20仲可以配埋雞油香飯，肉骨茶配油飯係新加坡傳統食法，味道好夾！ 檳城街頭排骨山 $160 大大份嘅排骨山～ 真係見到都流哂口水！用咗豬頸脊加入香料熬煮，再加上特製酸辣汁，酸酸辣辣好清新！ 檳城蝦麵 $86 用咗蝦殼同辣椒熬煮嘅湯底，啖啖都係蝦嘅鮮味！蝦麵入面有豐富配料，超滿足～ 新加坡喇沙 $82 喇沙好足料，有齊傳統新加坡喇沙所需嘅材料～ 湯底濃稠入味，勁出色！ 新加坡鹹蛋黃魚皮 $68 勁邪惡嘅鹹蛋黃魚皮亦係必試之選！塊塊都脆卜卜仲沾滿鹹蛋黃碎，好惹味～ 馬來街頭椰子雪糕 $62 餐廳連甜品都好高質！雪糕口味可以揀榴槤、椰子或者拉茶～ 椰香味濃而且甜而不膩，絕對值得一試！ 款款都好食，CP值又高，快啲約埋朋友去試下啦！ 咖吔 Kaya 地址︰北角渣華道123號北角匯2期地下G09號舖
吃貨福音！「第18屆澳門美食節」終於到喇！有成超過150個美食攤位，果然係美食之都～ 今屆嘅主題係「百變心情好煮意、美食之都譽全球」，一共有5大主題街，同埋1條新加坡村！ 全球嘅美食，呢到都搵得到！點可以唔嚟掃晒佢？！ =============== 海鮮控注意！必掃歐陸美食街 鍾意食海鮮嘅朋友仔，Mark實呢條「歐陸美食街」喇～ 龍蝦、生蠔、帶子… 有！蒸、燒、煮、炸… 齊！ 小編大大大愛～ 仲長過小編塊面嘅「蒜蓉波士頓龍蝦」！ 新鮮惹味之餘，仲啖啖肉！ 鍾意食龍蝦嘅朋友仔，可以試埋其他款～ 激多芝士嘅又得，加咸蛋黃嘅亦得！兩款都好吸引啊～～～ 燒生蠔都係必食～ 望到成排蒜蓉燒生蠔已經流晒口水喇～～～ 芝士控就一定要揀芝士燒生蠔～ 芝士夠多、夠濃，生蠔燒完仲keep住大大隻！ 日韓台泰菜！亞洲美食街 亞洲咁大… 你今次真係咩都食得晒啊！ 日本菜、韓國菜、泰國菜、越南菜、台灣菜，應有盡有！總有一款啱你心水嘅～ 芝士鰻魚包 必必必食呀！ 厚切嘅燒汁鰻魚夠晒香、配埋芝士一齊食，沒有不好吃的理由！ 爆丼都係全場焦點～ 小編特別推介：原條鰻魚左口魚、三文魚子蟹肉，兩款CP值都好高！ 四式玉子燒都好抵食～ 一個價錢可以食晒四款！芝士、紫菜、沙律醬乜乜乜… 選擇困難症都唔洗怕！ 亞洲美食嚟講，點少得台灣菜？！ 台式肉燥飯好吸引啊～～～ 每一粒飯都吸盡肉燥嘅精華！ 仲有好正宗嘅台南蚵仔煎，台菜控不能錯過～～～ 韓國菜嘅代表：韓式五花肉！ 豬腩肉嘅脂肪勁香～ 肥肉層次好分明～～～ 竟然仲搵到韓式傳統魚糕，必必必食啊！ 必必必食！新加坡美食 今屆美食節有成條「新加坡村」！ 你講得出嘅新加坡美食，呢到全部齊！等小編話畀你知，邊幾款夠正宗、最值得食啦～～～ 不能不食嘅，梗係咸蛋乜乜乜！ 呢到有咸蛋黃炸雞扒、炸薯條… 行過已經聞到好香喇～～～ 真．來自新加坡嘅海南雞飯！ 無骨就基本啦～ 再配埋油飯一齊食… 啖啖新加坡傳統味！ 仲有好重麻油香嘅手撕雞～ 份量好足、啖啖肉，食肉獸是時候出動了！ 去飲茶喇喂！超多款中式點心 點心控！「中式酒樓街」一定係你心水喇～ 可以食到茶樓嘅點心，間間都好地道！除咗粵菜之外，仲有上海菜、汕頭菜等等… 食得到嘅傳統味啊～～～ 蒜蓉蒸帶子全部都大大粒～ 40蚊就食到3隻，幾抵喎！ 中式酒樓嘅生炒糯米飯、辣酒煮花螺，呢到都搵得到～ […]
