Open Tour
又到一年一度賞芒季節！講到賞芒，大東山大家耳熟能詳啦~ 一於約返行山友，一齊去感受秋日氣氛，親親大自然再打卡~ 攝影小Tips： 1.加大光圈，影出淺景深，顯得唯美。 2. 低炒近影芒草堆，對焦到被攝人物，芒草蒙蒙地，更有氛圍感。 3.盡量著白色/淺色衣物，影相效果會更好。 大家一齊參考下以下圖片影靚相啦~ 大東山都係欣賞日落好去處 大東山 建議路線：伯公坳沿鳳凰徑上山（攀升529米） 伯公坳-大東山-爛頭營-雙東坳-南山 需時：大約3小時 去伯公坳巴士： 3M巴士：東涌-梅窩（落車站：伯公坳） 11號巴士：東涌-大澳（落車站：伯公坳） 23號巴士：東涌-昂坪（落車站：伯公坳） 注意事項： -大東山係香港第三高峰，唔係新手路線，全程行山路對新手而言會比較困難，大家記得量力而行~ -打卡時記得要注意安全 -記得自己垃圾自己帶走，唔好污染環境呀~ -爛頭營石屋日久失修，切勿攀爬石屋，以免發生危險 -大東山芒草每年10月尾至11月頭先會出現 圖片來源：@b_cman、@henrywmho、@__the.memories.__、@huizicandyce
秋天嚟到，除咗天氣轉涼之外，都代表著芒草季節嘅來臨！ 最近喺台灣嘅一個芒草園更加人氣大增！ [instagram photo=”CFa80udjqH4″][/instagram] 位於南投嘅「和平快樂田園」內種滿芒草，但與別不同嘅係， 芒草全部都係粉紅色㗎，形成一大片粉紅色海洋，超唯美！ [instagram photo=”CGBzZsAniVY”][/instagram] [instagram photo=”CFw_MltBQaQ”][/instagram] 作為全台唯一嘅粉紅色芒草園，田園內一半嘅佔地都係粉黛亂子草， 望落非常壯觀~ [instagram photo=”CGFfG1Mn5ap”][/instagram] [instagram photo=”CGFVuyrHIZe”][/instagram] 無論係近影、遠影，大片嘅芒草都顯得人非常渺少， 粉嫩粉嫩嘅芒草背景望落真係勁夢幻… 就好似入咗世外桃園一樣 [instagram photo=”CF6lvAFji6w”][/instagram] [instagram photo=”CGGNVw4Jm9H”][/instagram] 其實粉黛亂子草又叫做毛芒亂子草，花期為九月中到十一月中， 現時正係開得茂盛之時~ [instagram photo=”CFzimI4FG0g”][/instagram] 夕陽照耀下，芒草折射出金黃嘅顏色，影落都勁有feel！ 不過因為全球氣候問題，花期都唔太準，大家記得把握時間去啦~ 和平快樂田園 地址：南投縣集集鎮成功路 (集集大樟樹北側)
韓國仁川機場附近一到10月就有超壯麗嘅波斯菊加紫芒花海。 望住一大片粉紅色嘅花海再加上有飛機不停喺頭頂飛過， 真係好夢幻啊！而且花開嘅時間真係好短！大家想睇真係要盡快～ [instagram photo=”CGcj85cD8YC”][/instagram] 哇！好大片嘅粉紅色花海啊！ [instagram photo=”B34rg5DpKY9″][/instagram] 一眼都望唔盡～ [instagram photo=”B339IkggQiW”][/instagram] 仲可以影到飛機低飛嘅畫面！ [instagram photo=”CGcL-zaJs-M”][/instagram] 喺度打卡真係好靚！ [instagram photo=”B31qkogA0LM”][/instagram] 仲有好高嘅芒草～ [instagram photo=”CS3Wyk1h9Dd”][/instagram] 一年一次咖咋！ 인천공항 하늘정원(仁川機場 空中花園) 地址: 2848-6 Unseo-dong, Jung-gu, Incheon, 南韓 인천광역시 중구 운서동 2848-6 期間限定：大約每年9月下旬至11月上旬 開放時間：每日 09:30 至 17:30
每年10至11月係首爾看芒草的黃金時期，而喺漢江旁邊嘅天空公園(하늘공원)更係加當地熱爆觀賞點之一。公園裏面種咗一大片紫芒草田，應該係滿山都係，真係除咗芒草就係芒草。接近黃昏嘅時候，加埋微風輕吹，畫面實在非常震撼。身為芒草控嘅你更加唔能夠錯過呢! 「天空公園」係和平公園、蘭芝川公園、蘭芝漢江公園及彩霞公園等世界盃公園中，最高同埋最接近天空嘅公園，遊客要征服咗291級樓梯先能夠到達，但其實都可以俾錢搭接駁車上山，費用大概3000W。 園內有一個黑色嘅碗型觀景台，可以話係呢度最大嘅特色標誌。喺觀景台望到嘅首爾市全景更加係一覽無遺。 天空公園每年十月都會舉行「紫芒節」，平時夜晚唔准出入嘅天空公園特別喺活動期間夜晚開放，到時園裏面嘅燈光令到紫芒花田好似染咗唔同顏色咁，等遊客可以欣賞到七彩嘅芒草加埋首爾璀璨夜色嘅靚景。 2018首爾紫芒節 日期: 2019.10.18 ~ 2019.10.24 公演時間: 至22:00為止 費用: 免費 地址： 首爾特別市麻浦區天空公園路95 (上岩洞) 서울특별시 마포구 하늘공원로 95 (상암동) 交通方法 : [地鐵] 首爾地鐵6號線世界盃體育場站1號出口(至天空公園需步行約20~30分鐘) [公車] 世界盃競技場南側/ 麻浦農水產物市場 綠色小巴: 麻浦08 藍色公車: 171、271、571 綠色公車: 7011、7013、7714、7715 活動期間因人潮眾多，請盡量利用大眾交通工具 開放時間： 天空公園全年開放但禁止夜間使用(依日落時間而定) 因舉辦活動會調整開放時間 by 大文
鹿頸至谷埔，係極易行嘅郊遊徑！ 如果你都好似小編咁平時冇行開山，呢條路線就啱哂你喇，幾乎全程都係平路～爽！ 周圍有山、有水、有紅樹林、重點係有蘆葦草!! 點影都勁靚～打卡無難度！ [youtube youtubeurl=”r7jQZVkHoYw” ][/youtube] 文 : Jaime (IG: @ jaimehomusic) －－－－－－－－－－ 嚟到鹿頸，當然要試食BB開心茶座~ 金牌鹽焗雞麵 英式全日早餐 經新娘潭路，沿海邊步行。望到發記士多茶座就轉左繼續前行 成條路都係沿住海邊行，風景勁靚！小編都係一路行一路影～ 係紅樹林呀！ 其實紅樹林除咗靚，對大自然非常有用，包括維持海洋生態系平衡、鞏固海岸、過濾污水。除咗影相，順便認識下生態都唔錯架！ 真係隨便一個景都好靚！(心心眼) 企上岸邊嘅大石，又有另一番風味～ 其實有啲似濟州島嘅龍頭海岸，令小編勾起去濟州島嘅回憶啊！ 到咗谷埔喇，真係好靚呀～ 期待已久嘅蘆葦田出現了！ 必影T10碼頭！ 其實前面路段都有一個T11碼頭㗎，不過果時太多人小編就無影。 冇影碼頭就唔算嚟過谷埔！ 小編當日三點幾、四點先開始行，實在係太遲起行⋯ 5:45pm回程時天已經黑哂，沿途冇燈，靠電話開燈先睇到路。 高速出返鹿頸小巴站果度，6:30pm有成100個人排緊小巴條隊，天啊！！！！ 小巴司機落嚟數人數，話會安排小巴俾我地，但都係等超耐架，因為本身56K就係10-30分鐘一班。 結果，小編等到8pm先上到車⋯⋯⋯ 所以，大家一定要早啲去，同要帶定電筒傍身呀！ 鹿頸 地址：船灣新娘潭路鹿頸路 前往方法：港鐵粉嶺站C出口乘搭56K小巴，於總站下車 郊遊路線：由鹿頸村至鳳坑村至谷埔村的一段吊燈籠徑 路程：慢慢行影相的話，路程來回三個小時左右 – – – – – – – – – – – – – – – – […]
11月又到了，是時候去賞芒草～ 講起芒草，好多人都會即刻想起大東山～ 不過大東山比較難行，對新手來說可能有點吃力 … 又想睇芒草、順便影幾張女神相呃Like，但又不想太辛苦？ 馬鞍山昂平幫到你！ 文: 嘉儀 (IG: @ chongkkayee) 由馬鞍山郊野公園燒烤場出發，沿路一直向上行就必定找到昂平平原！ 途中有不少路牌，不怕迷路之餘，更告訴你剩餘路程的長度及大概所需的步行時間！ 沿途景色不錯！同時可以親親大自然，欣賞樹木、各種花朵！蒲公英好靚啊～～ 意外發現！動物腳印！到底是何方神聖？ 邊行邊影相，好快就終點在望！ 有如仙景一樣的山頂啊～～ 小編作為行山新手，到達昂平平原也只是花了大約1小時15分鐘！ 平原不單是多人，更好多牛牛！要小心～ 切勿誤踩地雷！ 事不宜遲！即刻賞景、賞芒草，兼瘋狂影相吧！ 還會拍到幾個好小的滑翔傘～ 全盛時期可以看到天上同時出現6個滑翔傘！ 其實芒草不算多、不至於滿地皆是～ 不過只要選對位置，仿如置身芒草海無難度！（看起來超誇張哈哈哈！） 山頂比較大風，如果想野餐、甚至露營過夜的話，記得要帶多件外套！ 重點是超級大風十分影響女生們拍攝哈哈哈～ 小編就是失敗的例子 …… 平原中有棵小樹，所以顯得相當突出！ 難得遇到一棵極容易攀的小樹，頑皮小孩馬上出動～ 旁邊還有大金鐘，行山高手可以一戰！ 小編自問無能為力…… 所以影完相就準備落山了～ 新手建議原路下山，沿路更可以望到夕陽！ 路線：馬鞍山郊野公園 到 昂平營地（平原） 時間：約1.5小時 活動：行山、野餐、露營、滑翔傘 交通： 1. 步行：馬鐵恆安站出發，到馬鞍山郊野公園，需時約1小時 2. 的士：馬鐵恆安站出發，乘的士到馬鞍山郊野公園，需時約10分鐘（車費約$30） 3. 村巴NR84號：馬鐵馬鞍山站（新港城）出發，乘村巴NR84號，於郊野公園站下車 ＊村巴班次較疏！需預先查清楚村巴上山、下山的班次時間表 – – – – – – – – […]
