位於中環SHÈ舍聯乘gülsha推出主題下午茶，玫瑰粉紅色主題勁少女心，仲可以揀海景位～打卡超正 由即日起至2021年5月22日享用「大馬士革玫瑰花園下午茶」即送晨露純玫瑰精華油同埋潔面粉。 香檳金蝦餃，軟嫩的外皮混入紅菜頭汁，製作成粉紅色嘅蝦餃皮，入面仲釀有三隻蝦，表皮加上食用金萡，格外奢華高貴。 上湯玫瑰金魚餃，入面有優質蝦肉、帶子、甘筍同西芹，餃子外形製作成好可愛嘅金魚外形。 雜菌手袋酥，手袋嘅造型獨特，外表酥脆，用料包括甘筍、西芹、冬菇、磨菇、雞脾菇同沙葛，清新爽口。 花之戀，口感酥脆可口，以精緻嘅花朵造型春卷加上蟹籽，內餡仲有鮮蝦，陣陣飄香鮮味。 玫瑰燕窩蛋撻，招牌點心之一，選用天然玫瑰水調味，燕窩味道清甜可口，滋潤養顏。大廚每天新鮮製作蛋撻皮，酥脆可口。 紫薯玫瑰水晶糕，以清甜的冰糖製成的玫瑰型水晶糕，晶瑩剔透，加上粒粒沖繩番薯，為每一口都增添多重口感。 莓莓檸檬蘇打（圖：左起）養生玫瑰花茶（圖：右起）。 大馬士革玫瑰花園下午茶 地址：中環國際金融中心商場 3 樓 3025-3026 & 3031-3066 號舖 營業時間： 星期一至日15:00- 18:00 供應日期︰即日起至2021年5月23日 價錢：$398/2位
