Open Tour
近日長沙灣新開一間好特別嘅咖啡店，呢間Cafe以韓式復古風格澡堂為主題，喺裝潢上都特別花心思。即刻睇睇有咩先！ 餐廳內部設有一個澡堂位置比大家坐喺度影相打卡，用上湖水綠瓷磚配上白色墻壁，再棟埋幾個漢文字寫住澡堂，真係幾有feel~ 而食物方面就梗係食韓國嘢喇，不過呢度都設有一個IGable嘅甜品套餐，賣相很精緻，仲有多款鹹甜點俾大家選擇。 韓式牛角酥窩夫！ 炸雞就一定唔少得，有蒜蓉醬油味同韓式甜辣口味，雞肉鮮嫩多汁。 呢個辣牛肉湯都幾正喔，熱辣辣！ 仲有多款韓式拌飯，包括韓式牛肉拌飯、泡菜豬肉拌飯、牛肉拌飯等等。 推介藍柑橘白桃梳打特飲同埋玫瑰梳打特飲。 入面仲有一大幅燒酒牆俾人打卡，唔飲得都睇得！ 新沙洞澡堂 Sinsa dong bathhouse 地址：長沙灣福榮街508號地下（長沙灣C2出口步行約6分鐘） 營業時間：09:00-18:00 電話：2666 6881 圖片來源：@15_yomi_15、sohyeon_sharing
尖沙咀人氣爆餡三文治推出全新Menu，店舖主打創新配搭同埋滿滿餡料嘅三文治，將驚喜嘅食材組合以鐵板烹調方式注入三文治。除咗三文治之外，仲有多款小食同飲品提供，今次小編重點推介五款鐵板三文治，包括叉燒鐵板三文治、紅白藍鐵板三文治、OPPA炸雞鐵板三文治、吉列豬扒鐵板三文治、法國飛甩鴨毛腿鐵板三文治，多款三文治均混合多國元素，每口都猶如周遊列國嘅感覺，鐘意食三文治嘅你即刻嚟試下喇！ 買大嚿叉燒鐵板三文治，食落超級邪惡，蜜汁叉燒、越式扎肉同埋法式肝醬，仲有醋漬蘿蔔絲、火箭菜、同芫荽。 OPPA炸雞鐵板三文治，係用咗韓式特製甜辣炸雞，甜甜辣辣超過癮。 法國飛甩鴨毛腿鐵板三文治，油封鴨腿肉配上焦糖洋蔥蛋黃醬、意大利黑醋醬芥末籽蛋黃醬，一啲臊味都冇，仲好好食。 HK紅白藍鐵板三文治，用咗安格斯牛肉漢堡、炸洋蔥圈、番茄、流心芝士，再落埋藍芝士醬，咁高級三文治都係第一次試，大家都快啲嚟試下喇！ A貨吉列豬扒鐵板三文治，酥脆嘅吉列豬扒和牛油果醬非常夾。 HAND3AG鐵板三文治專門店 地址 : 尖沙咀河內道18號K11購物藝術館B2樓B226-B227A號舖 電話 : 3907 0188 營業時間 : 星期一至六 07:45-21:30 星期日及公眾假期 9:00- 21:30
人氣韓式炸雞店NeNe Chicken Hong Kong再次推出炸雞放題！今次放題只限旺角分店，大家可以$99起任食90分鐘炸雞，仲有超過10款口味，鐘意食炸雞放題嘅你唔好錯過喇！ 有兩款價錢俾大家選擇嘅，大家可以揀1款口味炸雞同薯條就人均$99，小童(1.2米以下) $58。 而揀呢個11款口味炸雞放題，價錢就人均$158，小童(1.2米以下) $78。有超多款口味俾大家揀，包括招牌炸雞、甜辣洋釀炸雞、初雪起士炸雞、醬燒洋釀炸雞、勁辣洋釀炸雞、檸檬洋蔥炸雞。 「4人同行」仲會送一客指定主食: 芝士火鍋、芝士蛋伴泡菜炒飯、芝士炒年糕伴拉麵。 NeNe Chicken Hong Kong（旺角店） 優惠期：即日起（逢星期三） 價錢：$158/全日供應 價錢：$99/12:00 n.n-18:00 pm（限定供應） 電話：3583 2933 地址：旺角朗豪坊11樓30號舖 圖片來源：@nenechickenhk
韓國過江龍炸雞店NeNe Chicken，大家冇聽過都可能記得係劉在石做代言人！ 小編發現餐廳最近推出秋季限定，係用橘子做主題！ 仲推出咗二人套餐，咁就咩款都可以試少少啦～ 小編：嘉儀（FB page: 嘉儀 / IG: chongkkayee） ==================== 二人套餐($358/2人用) 三層架設計，好有high tea嘅感覺啊～～ 份量都幾多，有四款食物+兩杯飲品，兩個人食絕對夠飽！ 最頂層係限定口味嘅橘子蜜炸雞，仲有芝士龍蝦！ 熱辣辣食炸雞，皮脆得嚟、肉好嫩啊～～ 橘子蜜好好食！酸酸甜甜夠開胃！ 芝士龍蝦調味不錯，仲啖啖肉～勁快食晒！ 第2層係卡邦尼意粉，雖然有加橘子醬，不過小編就唔係好食得出～ 意粉味道不錯，不過略嫌有啲乾～ 最特別係有年糕，都幾煙韌！ 最底就係沙律喇～ 除咗有特別梨子汁之外，仲有橙、藍莓等水果，冇咁單調亦好fresh~~~~ 套餐仲包咗兩杯橘子特飲，小編就覺得沙冰的確唔錯！ 食飽之後可以解下膩！ 唔想由頭橘到尾？ 飲品可以免費轉其他無酒精飲品，賣相同味道都幾唔錯啊～ ==================== 全份橘子蜜炸雞 (有骨$168/無骨$178) 炸雞一碟起碼有15隻，真係好好好好夠食！ 小編真係好鍾意隻橘子汁啊 T_T 配炸雞真係食極唔膩！ 濟州嘅橘子出名就係人都知，用佢嚟整嘅橘子醬果然唔簡單！ 呢隻橘子秘製醬汁，韓國暫時都未有得再賣，所以今次真係終極限量喇～ *葵芳同元朗分店，仲有揀半份無骨炸雞～($85) NeNe Chicken Hong Kong 旺角朗豪坊11樓30號舖 葵芳新都會廣場185號舖 元朗形點商場一期1026號舖 ==================== 放假去邊 更多好介紹: 快啲like我哋Facebook 同follow我哋Instagram啦!
