位於北海道小樽市運河附近嘅 Hello Kitty主題Cafe， 已經喺2019年2月正式開幕～ 各位Hello Kitty迷又係時候要去朝聖喇！ Cafe嘅1樓係售賣當地雜貨嘅小樽しゃぼん堂～ 至於2樓就係 Hello Kitty Cafe 喇！ 裝飾充滿 Hello Kitty Style～好可愛啊！ 打開餐牌仲有驚喜啊！呢款三層鬆餅絕對係必食～ 一層蜂蜜＋奶油，再用咗Hello Kitty蝴蝶結朱古力做裝飾～ 配埋新鮮雜莓醬，好食啊！ 除咗甜品之外，仲有其他熟食～～ 唔單止啊～Cafe內仲放置咗由日本Sanrio發行嘅「いちご新聞」～ 每期都有豐富情報！ 同時亦展出咗過去嘅Hello Kitty周邊商品添，真係大開眼界！ 記得去埋Hello Kitty專屬打卡牆！ 超多Hello Kitty啊！粉絲們親眼見到一定會好瘋狂！ 仲有Kitty＋Daniel主題牆，情侶放閃好機會啊～ 各位Hello Kitty迷，下次嚟北海道記得要過嚟朝聖喇！ Otaru Cafe X Hello Kitty 地址：北海道小樽市入船1丁目2-32 營業時間：早上9:30至下午5:30 交通：由JR南小樽站步行約6分鐘就到 otarucafehellokitty.com [map url=”https://www.google.com/maps/embed?pb=!1m18!1m12!1m3!1d2908.9107179061098!2d141.00521951519192!3d43.190384179139954!2m3!1f0!2f0!3f0!3m2!1i1024!2i768!4f13.1!3m3!1m2!1s0x0%3A0x88d6af045acc0c0f!2sOTARU+CAFE!5e0!3m2!1szh-TW!2shk!4v1550659202353″][/map] =============== 放假去邊 更多好介紹: 快啲like我哋Facebook 同follow我哋Instagram啦!
