Open Tour
想知香港有咩好食、好去處？等小編介紹你睇「深度美食遊」啦！ 「深度美食遊」係一個介紹香港美食同埋景點俾食客嘅美食項目～仲不時會有大量嘅現金購物券、美酒、酒店住宿券，送俾各位食客！ 例如去吓石澳～有好多嘅特色嘅建築物，最啱鍾意影相打卡嘅大家！特別係情人橋呀！ 而「深度美食遊」嘅創辦人仲試過着韓服遊南丫島！既可以影相又有特色，沿途仲有好多人搵佢哋影相添！ 南丫島仲有間叫富記嘅餐廳，海鮮大餐又豐富又抵食！必食推介啊～ 「深度美食遊」仲接受過叱咤903朱薰你好嘢嘅訪問！ 想聽重播，又或者想知更多好玩好食嘅地方？去佢哋Facebook或者Instagram睇睇啦！ Facebook：https://www.facebook.com/HKWDE60 Instagram : https://www.instagram.com/hkwde60/
香港迪士尼樂園推出春日復活節優惠活動！ 由即日起至4月29日起，Duffy帶領一眾好友準備咗「食、玩、買、住」春日復活節小旅行體驗，內容好豐富 香港迪士尼更專為香港居民推出全新限定「奇妙同慶」團票優惠，提供3人同行75折同埋4人同行7折嘅優惠畀大家 團票可以於即日起至2021年6月30日期間入園，大家可以入園慶祝復活節，同時參觀全新「奇妙夢想城堡」！ 今個復活節， Duffy、ShellieMay、Gelatoni、StellaLou、CookieAnn同埋新朋友’Olu Mel將會現身美國小鎮大街， 而且而全新復活節打扮同大家見面，各位粉絲記得唔好錯過啦！ 同時亦會推出限定「Spring into Dance」系列，共超過30款商品，粉絲一定心心眼 香港迪士尼更推出咗Duffy與好友主題美食，大街餐廳會有Coca-Cola呈獻嘅「小籠包造型甜品點心配花茶」， 小籠包充滿柚子芒果同埋椰汁班蘭味，味道好特別而且仲有Duffy同埋ShellieMay造型朱古力，吸晴度極高 另外亦有提供「Duffy與好友全日早餐造型甜品配奇異音樂家」，會就將六位Duffy同埋好友造型嘅甜品一次過送上， 食物豐富又可愛，粉絲一定會心心眼！ 香港迪士尼主題酒店嘅華特餐廳就會推出全新「華特甜品車」， 當中必試「芊彩茶點鬆一鬆 – Duffy與好友」下午茶，可以同好姊妹嘆齊Duffy可愛造型甜品，夠哂Chill 另外，食客於復活節期間去雲龍軒或芊彩餐廳享用指定菜式，更可以為小賓客加購參加朱古力復活蛋製作班，又有得食又有得玩！ 酒店特設「Duffy與好友之旅」主題房間佈置，等大家感受到濃濃復活節氣氛，過一個小假期 小賓客更可參加多個以Duffy與好友為主題手工藝工作坊，或一家大小升級體驗翠樂庭餐廳嘅「Duffy 與ShellieMay 便當製作連晚餐」，好難得！ 萬眾期待嘅「米奇搗蛋復活節」將於4月2日至6日再度回歸，小賓客可參加多個戶外遊戲 包括於「星級駕駛體驗」變身小小電動車司機、去「彈跳樂園」大玩各項大型充氣遊戲、參與手工藝班等等 咁多嘢玩，各位迪士尼粉絲記得唔好錯過啦！
日本嘅甜品一向都好受香港人歡迎！ 今次大阪殿堂級蛋糕甜品品牌Mon cher嘅期間限定店終於登陸香港 Mon cher分店遍佈日本重點城市，繼開設銅鑼灣崇光百貨蛋糕專櫃後，今次會喺旺角朗豪坊開設期間限定店， 各位日本甜品迷記得唔好錯過啦！ 佢哋嘅招牌名物「堂島卷」一向都享負盛名，由蛋糕同埋秘製忌廉製成， 造型雖然簡單但味道就非常好味，曾經創下每年售出超過100萬卷嘅佳績！ 「堂島卷」使用北海道農場空運直送嘅牛乳自家製成專屬Mon cher嘅生忌廉， 奶味香濃又唔會太膩，蛋糕滿滿蛋香，簡直係天堂級嘅享受 除咗呢款主打名物，Mon cher朗豪坊限定店更特別推出春日限定「櫻花堂島卷」， 由櫻花醬所製嘅海綿蛋糕呈現淡淡粉紅色，令人少女心爆發！ 「櫻花堂島卷」夾心係櫻花醬豆泥慕思，再加入櫻花醬同埋馬斯卡彭芝士，好吸引 Mon cher仲有各款唔同口味嘅蛋糕同甜點齊集旺角店，好多選擇！ Mon cher即將會喺四月上旬同埋中旬分別喺尖沙咀海港城City’Super同埋沙田新城市廣場City’Super開幕 各位蛋糕迷記得密切留意啦！ Mon cher分店 旺角期間限定店 （新店）：旺角亞皆老街8號朗豪坊4樓K402號舖（限定店） 銅鑼灣崇光百貨店：銅鑼灣軒尼詩道555號崇光百貨B2樓25號舖
香港四季酒店推出「行政酒廊禮遇限時優惠」 二人同行只需$3488起就可以入住豪華山景客房一晚，仲包埋行政酒廊自助早餐、下午茶同埋晚餐小食 而且仲有得免費享用特選酒水，勁抵！ 「行政酒廊禮遇限時優惠」禮遇︰ 入住豪華山景客房一晚 免費使用行政酒廊（時段：07:00am – 11:00am） 雙人自助早餐（時段：07:00am – 11:00am） 雙人下午茶（時段：3pm – 5pm） 黃昏晚餐小食（時段：5:30pm – 8pm ) 免費享用特選酒水（時段：3:00pm – 8:00pm） 在The Lounge 或 龍景軒享用晚餐 或 客房送餐服務可享八折優惠 享受水療護理八折優惠 提供免費過夜泊車服務 HKD 200 Sweaty Betty leggings 代用券 如每間房有第三人入住，可額外於酒店現場加購（價錢已包括每間房加單人床1張或嬰兒床1張） 0-11歲小童 – 每人HKD$250 + 10% 12-17歲小童 – 每人HKD$500 + 10% 18歲或以上成人 – 每人HKD$1100 + 10% 如果想升級住宿亦可以加HK$450升級豪華海景客房 星期一至日劃一假期發售，復活節假期山房只需加HK$400，海房需加HK$450 咁抵嘅套票，大家快啲搶購啦！ 四季酒店 […]
鍾意「玩」嘅你要留意啦！ 香港設計中心主辦及香港特別行政區政府「創意香港」贊助嘅「設計光譜」會舉辦全新展覽「好玩日日」， 由即日至4月30日期間於灣仔茂蘿街7號免費開放 大家可以透過展覽認識唔同嘅玩樂設計概念，從而感受正能量，投入遊樂世界 今次展覽由「玩樂專家」PolyPlay Lab創辦人Rémi Leclerc，同埋 Ｍilk Design 創辦人及設計總監利志榮先生聯合策展 為忙碌嘅香港人帶來玩樂新體驗！ 展覽以玩樂設計為主軸，精選來自香港、日本、韓國、美國等地嘅好玩設計項目 玩家可以透過八組遊戲互動裝置，以感覺／運動、想像、認知等等方式去親身體驗八種遊戲類型 完成後玩家將置身玩樂遊記，到訪四個室內特定場景 當中包括︰「影像遊樂」、「物件遊樂」、「身體遊樂」、「空間遊樂」 參展嘅好玩設計項目當中有七組較大型嘅「不尋常」 遊樂性作品，讓人理解唔同議題上嘅價值 參觀者更可以喺「玩具製作工房 Toymaking Playbench」入面嘅扭蛋機扭出由Beets3d.com 贊助嘅3D打印物料，製作專屬玩具！ 今次策展人更邀請咗本地社會設計及研究團隊「樂在製造」參與展覽 喺茂蘿街7號地下中庭製作委約作品「敢動換－歇腳遊玩場」，並於3月31日至4月11日期間免費開放 歇腳遊玩場由管形展區、波浪裝置同埋「角落換物」分享區組成，玩家可以身體力行去參與設計，好玩又有意義！ 「設計光譜」亦會喺今次展覽期間舉辦一系列免費玩作坊及導賞團等活動， 當中包括︰創作你的光影裝置玩作坊、「禁忌之果」玩作坊同埋玩具製作工坊等等，歡迎大眾報名免費參與 咁多嘢玩，真係好吸引，詳情可以去返佢哋網頁睇下！ 「好玩日日」展覽︰ 日期︰2021年2月23日至4月30日 時間：上午10時至晚上7時（星期一至日） 地點︰灣仔茂蘿街7號3樓
各位《Pokémon》粉絲有福啦！ 本地卡通口罩品牌H-PLUS即將會推出全新《Pokémon》系列口罩，多個精靈角色分別伴隨共6盒嘅精美口罩盒登場 於3月12日晚上8時起就會喺網上開放預售，大家記得留意啦！ 《Pokémon》系列嘅成人口罩於香港製造，兼備ASTM Level 3同埋BFE+ PFE+VFE > 99%超高防規格， 全新系列亦獨家採用升級超聲壓印技術，印壓出特大公仔款式，可以更清楚望到卡通造型！ 口罩採用PET不織布，做到親膚而唔悶熱嘅效果，啱哂香港嘅天氣 而且設計上亦非常貼心，配上專為亞洲人而設嘅3.5mm空心扁耳繩， 而且已通過瑞士OEKO-TEX Standard 100要求同埋歐盟REACH驗證， 口罩不含偶氮染料、致癌物及螢光劑等有害物質，大家可以安心使用！ 除咗品質好，今次主打嘅Pokémon設計亦非常注目 當中以極受歡迎嘅比卡超、小火龍、噴火龍、耿鬼、夢夢、超夢夢為設計角色，款款都夢幻又可愛！ 而人氣大熱角色伊貝亦會以9款唔同屬性同顏色登場，大家易於配襯唔同嘅穿搭 另外亦有彩色比卡超Face Art Pattern款式口罩，款式勁吸晴！ 今次《Pokémon》系列口罩只係第1彈，而第2彈將於4月中旬公佈詳情，好令人期待！ 依家凡購買6款全集合套裝，即送1套5款獨家口罩收納夾，限量換領，送完即止 大家快啲Bookmark定時間上網買啦！ 《H-PLUS x Pokémon》系列口罩 預售時間︰於3月12日晚上8時起 預售網址︰https://hplushk.com/
大家咁耐無得去旅行，今次小編會介紹一間位於大嶼山沿海嘅餐廳畀大家 等大家喺香港都可能感受到滿滿異國風情！ Bathers位於大嶼山長沙泳灘，處於泳灘海岸線上，坐擁極大海景 餐廳主打新鮮美食，提供特色海灘菜式同埋精選飲品，打造一個海景配美食嘅環境，大家好似置身外國一樣 Bathers景觀開揚環境優美，最多可容納120位客人，好多人搞家庭聚會、派對、小型婚禮都會選擇呢度！ 既然有個咁靚嘅海景，Bathers特意設計出海灘菜式 提供多元滋味選擇畀食客，例如沙律、前菜、扒類、海鮮等等，全部都好豐富！ 當中必試烤帶子配椰菜花及煙燻紅椒粉Paprika牛油、酥脆啤酒梭子魚、和牛芝士漢堡配煙燻蕃茄醬及炸薯條、烤春雞配烤蔬菜及墨西哥辣椒蛋黃醬 另外亦有提供小童餐單或者共享嘅家庭套餐，啱哂一家大細嚟食返餐好嘅！ Bathers每逢周末同埋公眾假期都會提供散點早餐，好多選擇 飲品方面，必試一系列透心涼飲品， 當中有精選雞尾酒、精釀啤酒、果酒，仲有多款佐酒小食，好似海鮮熟食拼盤同埋其他熱食等等 呢間咁靚又咁多美食嘅餐廳真係好吸引，大家快啲去試下啦 Bathers 地址︰南大嶼山下長沙泳灘32號 查詢或訂座︰ (852) 2504 4788
香港夜景一向都享負盛名，外國遊客每次到港，夜景都係指定欣賞項目 擁有超過6年拍攝經驗嘅Natalie Lau 擅長拍攝香港夜景，更曾榮獲香港霓虹燈拍攝比賽冠軍 佢嘅作品主要圍繞香港街頭，不論係街道窄巷定係繁華商區都係佢嘅題材 Natalie 由2020年開始使用社交平台發放作品，到現時已吸納超過6,000位粉絲，可見非常受歡迎！ 今次佢將會喺3月6日至3月19日於FabCafe HK 舉辦首個個人攝影展「黑夜 • 光芒 Glow in the Dark 」 展覽將展示17款作品，而且每款作品都有藴藏嘅訊息，讀者可以慢慢欣賞觀察 展出嘅相片一貫Natalie 往日作風，佢擅長利用 Cyberpunk 作為主題標誌色調 再套入香港城市夜景中，並用 Photoshop 後製出一系列攝影作品，每款都好吸引！ 今次展覽更推出咗4 款唔同嘅CyberPunk Lightroom Present ， 以QR code 形式匿藏喺展覽唔同位置，大家有機會搵到獨家調色 展覽角落亦有設置打卡位，大家可以於地板上印有從深水埗唐樓天台俯瞰街頭嘅角度 等大家有機會以第一身角度彷如置身高處打卡，互動性非常高！ Natalie 更特意邀請咗皮革設計師 OYTY studio 主理人Oscar 設計出限量鱈魚油牛皮相機帶 鱈魚油牛皮比一般牛皮耐用，而且柔軟度適中 相機帶共推出2款顏色，包括深啡色同深藍色，非常百搭 FabCafe HK 更會提供個人化的刻字服務，自用定送禮都好適合！ 不過相機帶係限量發售，數量有限，售完即止，大家記得唔好錯過 同時展覽會發售香港夜景為題嘅明信片， 每套有10款，收藏價值極高 亦會推出限量平面印刷，令獨有嘅作品從網絡上走到現實生活，更加人性化 咁特別嘅展覽，大家記得唔好錯過啦！ 【黑夜 • 光芒 Glow in the […]
香港大部分人都鍾意打卡影相，因為影相除咗可以記錄人生之外，仲可以留低一個美好回憶 今次，喺韓國擁有超高人氣嘅「人生照相館」展覽終於登陸香港啦 呢個「人生照相館」展覽會於2021年4月1日至6月9日將首次巡演至海外，香港更係展覽嘅首站 人氣歌手姜濤更將擔任展覽開幕嘉賓，相信一定會非常熱鬧 「人生照相館香港站」將攝影同與韓式時尚美相結合，打造出五大精緻造景 當中主題包括︰有趣活潑、情感洋溢、可愛生動、活潑互動、獨一無二 同與一般展覽嘅單向式觀賞體驗唔同，「人生照相館」提供「自助式攝影空間」概念 引入咗影樓式專業照明同埋燈光，觀眾可以喺無壓力嘅環境下， 用手機影相，既可以同展品互動體驗，亦可以留下美好回憶 展覽團隊特意設計咗特別嘅燈光、色彩、音樂等多方面元素，入場觀眾可以拍下人生照之外，仲可以親身體驗同欣賞韓國的藝術文化 「人生照相館香港站」將展出合共30個拍攝造景，再結合香港獨有嘅文化，詮釋全新風格 依家仲有早鳥優惠，大家記得唔好錯過啦！ 「人生照相館香港站」： 日期：2021 年 4 月 1 日 – 2021 年 6 月 9 日 （4 月 12、26 日；5 月 10、24 日；6 月 7 日休館） 時間：星期一至日 11:00-20:30 地址：PORTAL 6311 九龍灣常悅道 18 號 1/F （宏遠街入口） 售票日期： 早鳥八五折優惠：2021 年 2 月 26 日早上 10 時 – […]
千禧新世界香港酒店推出快閃28折優惠！ 只需$858起就可以有五星級住宿連自助早餐、精緻小點、傍晚雞尾酒，夠哂抵 「聚賢薈「家」之悠閒住宿」套餐優惠︰ 1晚入住聚賢薈樓層客房 (最多可2大2小入住) 享用聚賢薈尊尚禮遇 (全落地玻璃海景)：包括雙人自助早餐、全天候供應之美點及傍晚雞尾酒 入住送迎賓水果、精選美酒1枝 免費享用客房迷你酒吧內的非酒精飲品 免費享用房內自選電影服務 生日入住可享驚喜禮遇 提早至 13:00 入住，延遲至15:00 退房（視乎房間供應情況而定） 最多可攜同2名(3-11歲)的小童一同入住，可於Cafe East免費享用早餐 (僅限聚賢薈城景客房及聚賢薈海景客房，可安排加床一張） 咁平嘅價錢竟然包咁多嘢，真係好平！ 而首30單預訂聚賢薈海景客房嘅客人更可享免費房內汽球佈置，同朋友/另一伴慶祝一流 同時亦享加購優惠「香港樂高®️探索中心入場門票連樂高®️積木刻字鎖匙扣」，優惠更低至HK$225/張 (原價HK$324) 今次嘅套票開放至6月入住，復活節假期亦開放預訂，大家記得唔好錯過啦 千禧新世界香港酒店︰ 銷售日期：2021年2月25日 (22:00 p.m.) 至2021年3月3日 (23:59 p.m.) 入住日期：2021年3月1日至2021年6月30日 酒店地點：香港九龍尖沙咀東部麼地道72號 價錢︰ 豪華客房只需$858/晚+（可2大1小） 豪華城景客房$968/晚+ （可2大2小） 豪華海景客房$1089/晚+ （可2大2小） 訂購網址︰ 立即訂購
