Tag: 香港

喺商業大廈林立嘅灣仔區，想搵一個遠離石屎森林、呼吸到新鮮空氣嘅地方，從來都不容易～不過，隨著灣仔碼頭附近嘅海濱長廊開放，呢個唔再係一個遙不可及嘅願望喇！ 海濱長廊劃分成兩大主題區，分別為「水上運動及康樂主題區」及「渡輪碼頭畔主題區」。兩個主題區都係24小時開放！無論你想晨運、享受日光浴、跑步，又或者假日想搵個地方享受家庭樂、親親香港海濱，呢到都絕對係一個好去處！ 灣仔碼頭海濱長廊，為市民喺鬧市中提供一個公共休憩空間～ 「渡輪碼頭畔主題區」粉紅通道 浪漫滿海濱 由尖沙咀坐渡輪去灣仔，落船出碼頭就係「渡輪碼頭畔主題區」！以粉紅色為主色調嘅圍欄同圍板、碼頭出口走道嘅樑柱亦以粉紅玫塊花飾點綴，為海濱帶嚟綺麗氣息～「渡輪碼頭畔主題區」右邊係灣仔會議展覽中心、左邊就係向碼頭方向延展～ 「渡輪碼頭畔主題區」嘅圍欄、圍板以粉紅色為主色調，為海濱帶嚟綺麗氣息！ 越過碼頭，會經過一條「粉紅通道」～通道兩側係畫咗粉紅玫塊花紋嘅圍板，而地上就鋪咗粉紅色地氈！配埋兩側嘅粉紅玫瑰裝置，浪漫滿佈，絕對係情侶打卡熱點！ 「粉紅通道」為海濱長廊增添浪漫氣氛～ 「水上運動及康樂主題區」Chocolate Rain 藝術裝置 文青打卡熱點 沿著「粉紅通道」向前行，會經過臨時巴士總站～ 細心啲睇，會發現巴士站旁嘅圍板，綴有一朵朵粉紅玫瑰花裝飾！沿著裝飾行多大約3分鐘，就會發現海濱再次近在眼前㗎喇！ 穿過粉紅通道之後，跟著沿路隔板上嘅玫瑰花向前行，就會到達海濱長廊！ 雖然同樣位處灣仔海濱，但「水上運動及康樂主題區」嘅規劃及設計，同綺麗浪漫嘅「渡輪碼頭畔主題區」截然不同！場地佈滿了以Chocolate Rain為題嘅卡通創作及指示牌，令海濱變成活潑繽紛嘅奇幻世界！ 除咗地上有多幅大型Chocolate Rain插畫之外，長廊嘅欄杆及臨時擋板牆上，亦掛滿Chocolate Rain嘅作品！細心欣賞，你會發現每幅作品主題都唔同㗎！除咗有招牌嘅蘑菇森林童話世界，仲有以香港美食為主題嘅創作！點心、煲仔飯、盆菜一應俱全！行到長廊盡頭，仲有一組大型吹氣裝置，而當中嘅渡海小輪設計更特別配合維港及海濱長廊嘅環境，勁有心思！ 沿海欄杆仲特燈用咗鋼絲欄杆設計～遊客無論企喺邊個角落，都可以欣賞到維多利亞港嘅迷人景致！鋼絲欄杆嘅設計亦令釣魚愛好者更接近海港，所以一開放已經吸引咗好多人去釣魚喇～ 正門入口處嘅Chocolate Rain塗鴉，以海水藍為主調～背後係一覽無遺嘅維多利亞港，絕對係打卡嘅好地方！ 長廊設有多幅大型Chocolate Rain插畫作品，全部都富有香港特色！ 繽紛嘅Chocolate Rain作品，為長廊增添不少色彩！ 海濱長廊嘅小斜坡！吸引好多小朋友帶埋滑板車嚟玩㗎～ 鋼絲欄杆嘅設計令釣魚愛好者更接近海港，所以一開放已經吸引好多人嚟享受垂釣樂趣～ 體驗「海濱公共傢俬設計比賽」作品 行到攰嘅話，可以喺長廊上嘅長櫈休息吓～呢到嘅長櫈唔單止有玻璃上蓋，每張長櫈前仲好細心咁配置一張小木枱！無論好天定落雨，都可以自備茶點，嚟呢到享受一個180度海景下午茶！想同一家大細或者三五知己嚟野餐，仲可以去長廊盡處使用長戶外桌椅！迎著海風、聽著海浪，一邊享受日光浴，一邊品嚐美食～ 每張長櫈都配置咗一張小木枱！無論好天落雨，都可以自備食物，嚟呢到享受一個180度海景下午茶～ 海濱長廊盡處設有多套戶外餐椅，方便市民喺呢到用餐～ 「水上運動及康樂主題區」及「渡輪碼頭畔主題區」亦展出多組海濱公共傢俬設計比賽嘅得獎作品，遊客可以到場親身體驗～率先展出嘅「The Weave Chair．織聚」參考咗成人、長者及小童嘅坐姿，利用外型線條承托脊椎、大腿！設計利用兩代身形差異，交織出海浪形態，同維港嘅景色互相呼應！ 「織聚」更寓意匯聚老少世代，創造青銀共融空間～ 「點石．城．今」將形狀各異、大小不一嘅鵝卵石散佈喺海濱～無論大人或小朋友，都可以搵到適合自己嘅座位！ 「點石．城．今」 除咗以上呢啲傢俬，其他得獎作品亦將會陸續展出！名為「六十維港」嘅作品，透過剪影手法呈現唐樓嘅立面，讓身處海濱嘅市民好似坐咗喺60年代嘅唐樓窗邊，欣賞現今維港！營造時空穿越嘅體驗～ 「奇文異視」就喺藝術、科技、大自然出發！以循環再用嘅塑膠纖維、木材，加上擴增實境技術，創造既具未來感又互動嘅座椅，帶出休閒公園及創意藝術嘅協同效應！ 「Aqua Cube」就以冰粒狀嘅設計散佈長廊；「Dialogue at Distance」設有四張高櫈，每張方向都唔同，可以傾計之餘又不忘社交距離；「VH Puzzled」嘅粉彩色英文字母，分開可以係獨立成椅，堆埋一齊又可以砌成一張「Victoria Harbour」長椅… 款款傢俬都靚到令人選擇困難！真係想每款都去試坐、影相打卡啊！ 「VH Puzzled」 維港最長的海濱跑步徑 隨著呢兩段海濱長廊開放，位處港島北、維港最長嘅海濱長廊，已經進一步延長至5.5公里！係維港最長嘅海濱跑步徑！鍾意跑步嘅市民可以由灣仔北，沿海濱跑到石塘咀～一邊跑步，一邊有維港美景相伴、海浪聲做配樂，真係好Chill啊～ 由灣仔北跑到石塘咀西區副食品批發市場，全長5.5公里～係維港最長嘅海濱跑步徑！  

By tiffany chong

February 11, 2021August 5, 2022

卡通藍精靈係唔少香港人嘅童年回憶 位於尖沙咀嘅「海港城・美術館」喺今個月開始舉行「Together We’re Happy」藍精靈藝術展 大家記得唔好錯過啦！ 將藍精靈化身成獨一無二嘅「99+1」系列藝術裝置首度亮相 99隻藍精靈會同埋美芝化身成手辦模型同大家見面 每隻「99+1」系列藍精靈手辦模型都係全球獨有，每隻都擁有自己名字、顏色、配件、編號同證書， 而且由全人手上色，非常珍貴 你可以親眼見到造工細緻嘅手辦模型，真係機會難得！ 同場仲推出咗多款香港特色限量藝術精品， 當中特別挑選十幅原稿印畫展出「藍精靈藝術印畫」，同藝術家合作創作十幅展覽限定全新印畫 印畫融入香港情懷、Pop Art、氰版藍曬法（Cyanotype）等藝術元素，而且限量二十張，極具收藏價值 而五款「流金歲月」藍精靈收藏手辦模型亦係必睇之作 由藍精靈帶你欣賞香港嘅獨特文化，濃濃香港情懷嘅作品，一定會勾起你嘅兒時回憶 而且到時仲可以見到全球首套由香港郵政發行嘅「The Smurfs × Love Hong Kong」郵票 真係好吸引！   「Together We’re Happy 」藍精靈藝術展 地點：「海港城・美術館」尖沙咀海港城海洋中心二階207號舖 日期：2020年12月4日至2021年1月3日

By staff5

December 9, 2020August 5, 2022

好多人冬至都會想同屋企人一齊食盆菜！ 今個冬天，麻辣風雲就推出咗老少咸宜嘅傅統盆菜， 盆菜份量十足，分別有4-6人份量同埋10-12份量兩個選擇 一齊睇下有咩食啦！ 冬至盆菜 （4-6人） 價錢︰$888 (原價$1288) 食材︰鮑魚、花膠、海參、黃金帶子、茄汁蝦、白切雞、蘿蔔、蓮藕、芋頭、西蘭花、素魚翅、花菇、腩肉、枝竹、豬皮、魚蛋、蠔豉、豬手、髮菜 額外附送︰特色QQ粉 一包 (原價$48)、盆菜精美煲連蓋(原價$199)、價值超過$300麻辣風雲堂食優惠券 冬至盆菜 （10-12人） 價錢︰$1288 (原價$1788) 食材︰鮑魚、花膠、海參、黃金帶子、茄汁蝦、白切雞、蘿蔔、蓮藕、芋頭、西蘭花、素魚翅、花菇、腩肉、枝竹、豬皮、魚蛋、蠔豉、豬手、髮菜 額外附上︰特色QQ粉 一包 (原價$48)、盆菜精美煲連蓋 (原價$199)、價值超過$300麻辣風雲堂食優惠券    每款盆菜除咗好足料之外，仲有優惠券送返 一個價錢可以又食又拎真係好抵！ 如果想買咁正嘅盆菜，記得要3日前預訂啦！ 冬至盆菜供應日期： 2020年12月11日至12月27日 盆菜可以選擇送貨/自取，記得留意返以下細則︰ 送貨時間： 12月11 – 19日：下午1時至晚上6時 12月20 – 21日：不設送貨 12月22 – 27日 : 下午1時至晚上6時 額外送貨費用︰(12月20-21日不設送貨) 新界 / 九龍  –  $150 香港島 –  $250 東涌 –  $350 (不包括離島) *由於疫情關係，送貨服務只限地下交收 貼心照顧港九新界街坊們～疫情之下唔駛出遠門避免人多擠迫 […]

By staff5

December 3, 2020August 5, 2022