Open Tour
各位扭蛋迷要注意啦！ 時代廣場同BANDAI GASHAPON 合作推出嘅《Capsule Lab》即將登場啦 入面有過百部扭蛋機，係限定期間場內仲會為大家帶嚟唔同款式嘅限定扭蛋， 有多款更係香港首次推出，極珍貴！ 除咗有大熱動畫扭蛋之外，Capsule Lab 會定期為大家換上唔同嘅扭蛋系列，確保大家每次嚟到都有驚喜 場內共有四大區域，分別係動物專區、動漫專區、可愛專區同埋兒童專區 你可以根據你嘅心水而揀返自己鍾意嘅專區，減低搵扭蛋嘅時間 當中仲有好多大熱之選，好似鬼滅之刃、高達、鐵甲萬能俠、蠟筆小新、寵物小精靈、迪士尼等等嘅扭蛋系列 快啲約埋朋友去行下啦！ 時代廣場《Pop-up Capsule Lab》 日期 ： 2020年11月21日（星期六）至2021年1月3日（星期日） 時間 ： 早上10時 至 晚上10時 地點 ： 香港銅鑼灣時代廣場5樓517-519號舖 交易方法 ： 只接受八達通交易
DON DON DONKI 又有新分店啦！ 今次嘅新店選址山頂廣場，同以往嘅分店好唔同，全新店舖模式以日本屋台文化為主題，帶咗好多日式美食畀大家 呢間「情熱笑店 山頂廣場」將於 12 月 18 日隆重開幕，大家記得留意！ 作為首間「情熱笑店」，以日本祭典節慶常見嘅「屋台」市集為概念， 集合好多日本風味嘅小食攤，好似壽司、關東煮等等美食應有盡有 真係好似去咗日本祭典一樣！ 「情熱笑店 山頂廣場」嘅菜單會定期更新，新店仲有獨家美食供應 DON DON DONKI 亦將於 2020 年 12 月 18 日推出 DONKI 特別版八達通卡， 當中情熱笑店仲有獨家販售嘅款式，收藏價值極高！ 黑色款式：全線 DON DON DONKI 門市發售 山頂款式：情熱笑店 山頂廣場獨家發售 「情熱笑店 山頂廣場」 營業時間 : 上午 10 時至晚上 10 時 地址 : 香港山頂山頂道 118 號山頂廣場 1 樓 112-113 號舖
鍾意食大閘蟹嘅你要留意啦！ 位於銅鑼灣嘅「不串不散」推出咗勁吸引嘅「大閘蟹+串燒放題」，有得任食大閘蟹+接近30款串燒、炸物、小食！ 如果喺網站預先訂位，仲會每位減$20！ 最平就可以揀「足秤3兩至3兩半大閘蟹」套餐，食足90分鐘都只係$368/位！ 另外仲有任食「足秤4兩至4兩半大閘蟹」套餐選擇，都只係$468/位！呢兩個套餐都已經包晒串燒+熟食，抵到爛！ 兩款大閘蟹都勁多膏，一定可以滿足到大閘蟹Fans！ 唔想食大閘蟹？可以揀「法國生蠔+串燒放題」！任食90分鐘只係$338/位～ 生蠔肥美又新鮮，一定可以食到回本！ 同時佢地任食嘅串燒都好高質，肉類、丸類等等，多達接近30款！ 食串燒當然唔少得蔬菜啦～ 小編最推介燒韭菜、茄子、粟米！ 而炸物選擇都好多，例如炸帶子、炸芝士年糕等等～ 聽到都流哂口水！ 小食首選一定係椒鹽炸燒賣！勁勁勁香脆、惹味！呢到任食唔嬲啊～ 仲有食串燒必叫嘅雞泡魚乾～如果有啤酒就爽喇～～ 咁抵食！快啲搵埋朋友一齊去試下啦～ 「不串不散90分鐘回本放題」 – 任食足秤3兩至3兩半大閘蟹+任飲任食串燒放題 原價：$368/網站優先訂購特價$348 訂購網站：https://lexbuytogether.boutir.com/i/TsoPFIgAA – 任食足秤4兩至4兩半大閘蟹+任飲任食串燒放題 原價：$468/網站優先訂購特價$448 訂購網站：https://lexbuytogether.boutir.com/i/TsoPFIgAA ·兌換期限：2020年11月18日至12月31日止 ·使用期限：2020年11月18日至12月31日止 不串不散 餐廳資料： 使用時間：星期一至日 18:00 – 24:00（最後入座時間為22:30；請留意店鋪休息日） 地址：銅鑼灣駱克道491-499號京都廣場9樓（港鐵銅鑼灣站 C 出口） 請於購買時清楚列明「預訂之日子/時間/人數」 座位有限，訂購後不設更改日子以及作出任何退換，敬請留意！ ·此優惠不可與餐廳其他折扣優惠同時使用 ·此優惠不可兌換現金或找續 ·只能作一次性使用 ·星期五、六、日公眾假期及前夕，任何時段每位另收$28附加費，餐廳會於現場收取 ·餐廳會於現場收取原價加一服務費
香港7-Eleven 聯同Sanrio 推出限定嘅Sanrio characters「隨身Ｍini Pouch」 一共有8款人氣角色齊齊化身做可愛實用嘅「隨身Mini Pouch」，色彩繽紛勁得意，11月25日早上7點起就可以去7-Eleven換購！ 8款人氣Sanrio characters 包括咗Hello Kitty、My Melody、Pompompurin布甸狗 、Kerokerokeroppi、Little Twin Stars、AP鴨、XO 同埋Cinnamoroll 玉桂狗 佢哋推出咗一套8款矽膠物料嘅「隨身Mini Pouch」 矽膠質地柔軟，容易清潔，又靚又實用 今次呢個系列仲用咗夢幻糖果配色，真係令人少女心爆發 「隨身Mini Pouch」高約12厘米 x 闊約8.5厘米，背面設有拉鍊，方便大家收納唔同小物，好似鎖匙、耳筒、零錢等等 而且仲附有掛帶連啪鈕，可以勾喺手腕/手袋上，勁方便！ 而且呢一系列Mini Pouch 係香港限定款式，粉絲一定要收藏！ Sanrio characters「隨身Mini Pouch」換購詳情︰ 推廣日期：由2020年11月25日早上7時起至2021年1月5日 顧客於7-Eleven分店*購物滿$20#即可享印花1張，其後每$10可獲多1張印花，如此類推 推廣日期：由2020年11月25日早上7時起至2021年1月8日， 儲齊8張印花加$65，即可隨機換購「隨身Mini Pouch」2個；或儲齊5張印花加$38，即可隨機換購「隨身Mini Pouch」1個。 yuu 獎賞計劃會員專享優惠 -以7,000 yuu積分加$1，隨機換購「隨身Mini Pouch」 1個。 推廣日期：由2020年11月25日早上7時起至2021年1月5日止 獎賞有效期：由2020年11月25日早上7時起至2021年1月8日止。
旺角商場 T.O.P This is Our Place 即將與本地人氣漫畫「賤人新世紀」合作，喺今個聖誕打造主題活動！ 今次人氣角色大麻成將會以「A-Lad-Lin」Lin 神造型爆笑登場，同埋「賤人新世紀」多個角色同你過聖誕 個個角色都勁搞笑又得意，一定要去打卡 商場除咗會有一系列打卡熱點，仲會喺線上推出 IG 遊戲、獨家 WhatsApp 貼圖，勁吸引 連呀婆都換咗聖誕造型同大家見面 而且 T.O.P This is Our Place 仲會推出一系列消費換領精品 當中有全港獨家嘅 Cheap Century Figure 公仔、大麻成藍白間條 boxer 同埋 Cheap Century 紙牌遊戲等，好想帶哂返屋企 T.O.P x Cheap Century 呈獻「大麻成『燈』陸 T.O.P」 日期：2020 年 11 月 27 日至 2021 年 1 月 31 日 地址：旺角彌敦道 700 號 T.O.P […]
人見人愛嘅「蛋黃哥」gudetama 梳乎蛋會喺今個聖誕節登陸置富Malls 由11月14日開始，梳乎蛋將會懶洋洋咁分別現身置富Malls旗下三大商場， 包括馬鞍山廣場聖「蛋」派對部屋、+WOO嘉湖聖「蛋」滋味廚房同埋置富都會懶洋洋聖「蛋」睡房 現場會有3.5米高嘅梳乎蛋充氣裝置公仔，同埋好多放大版食物，一定要去打卡！ 商場仲推出限定版gudetama環保袋連立體造型匙扣，同埋gudetama珪藻土吸水地墊，Fans記得換領收藏！ 馬鞍山廣場嘅聖「蛋」派對部屋 馬鞍山廣場有放大版雞蛋盒，大家可以行入盒中扮成雞蛋，勁搞笑 當中一定唔可以錯過同3.5米高嘅充氣梳乎蛋影相！ 日期：2020年11月14日至2021年1月6日 地點：馬鞍山廣場L2天幕廣場（港鐵馬鞍山站A出口） +WOO嘉湖 聖「蛋」滋味廚房 天水圍嘉湖嘅梳乎蛋化身大廚，攤喺香腸上發白日夢，超級hea 日期：2020年11月14日至2021年1月6日 地點：+WOO嘉湖1期地下大堂（輕鐵銀座站，港鐵天水圍站轉車） 置富都會懶洋洋聖「蛋」睡房 紅磡置富都會梳乎蛋會喺睡房訓住等大家！ 用咗加大版麵包做睡床，仲有由餅乾砌成嘅衣櫃同梳化，勁得意 日期：2020年11月14日至2021年1月6日 地點：紅磡置富都會L7大堂（港鐵紅磡站C出口） 由11月21日起，凡於置富Malls累積消費滿指定金額，仲可以可換領聖誕限定gudetama珪藻土吸水地墊 而於12月15日起於置富Malls累積消費滿指定金額就可以換領gudetama環保袋連立體造型匙扣 大家記得留意啦
放假緊係要訓到自然醒，再出去食好西！ 今次小編集合咗五間特式午餐/下午茶餐廳，中西日式都有 快啲約埋朋友一齊去試下！ 1.中環大館茶藝館 中環大館一向都係打卡好地方，特別係餐廳嘅露天茶座， 望到哂大館嘅靚靚建築，一邊食嘢一邊望美景，真係好CHILL 除咗室外環境靚，室內都唔錯 依家喺KKDAY買佢哋嘅二人午膳套餐只需HKD $238 就有咁多嘢食，真係好抵！ 中環大館茶藝館 用餐時段：11am – 2:30pm 最晚入場時間：2pm 訂購網址︰二人午膳套餐 地址：中環荷李活道10號(舊中區警署)大館總部大樓地下01-G07號舖 立即訂購 ========== 2.Club East洞天 : Angel & Devil 玩味西餐廳及酒吧Angel & Devil 推出人氣打卡下午茶 呢款「 留住「莓」一刻 The Berries Moment Tea Set 」以士多啤梨做主打，酸酸甜甜勁吸引 只需HK$295 就可以兩人享用多達十款酥點，而且款款都好靚 約埋好姊妹去傾計同打卡就啱啦 餐廳仲有露天室外位，環境都唔錯 Club East洞天 營業時間：星期一至日12:00nn – 22:00pm 下午茶時段: 3:00pm – 5:30pm 訂購網址︰留住「莓」一刻 The Berries Moment Tea […]
荃灣出晒名多好嘢食，今次小編就試咗兩間東南亞菜！ 食物價錢抵，而且質素幾高，絕對試得過！ 第一間係專食新加坡菜+馬來西亞菜嘅餐廳「馬六」！ 新加坡喇沙摻摻 呢個喇沙最正係用咗油麵+米粉，彈牙、掛湯，又夠正宗！ 湯底超濃郁，豆卜吸晒啲味勁好食！仲有鮮蝦、蜆肉等海鮮～ 馬六無骨海南雞飯 拼巴生肉骨茶 鍾意食海南雞飯嘅朋友仔，呢間真心推！無論係份量、味道、質素都係一流！ 嫩滑雞肉配油飯，再加秘製醬汁，夾到爆～ 重點係巴生肉骨茶！勁足料已經好濃郁，可以翻兜！ 巴東牛肉飯 如果想食啲濃味嘅飯餐，呢個就絕對適合喇！巴東牛肉微辣得嚟勁惹味，個醬汁撈飯一流！ 牛肉份量好多，而且夠晒淋，肉質唔鞋～ 檳城蝦麵 蝦麵都係星馬菜必食之一，呢間做得幾唔錯！湯底真‧好濃蝦味，但飲晒都唔會口渴～ 而且用料、份量十足，食極都仲有，勁高CP值！ 南洋咖央多士 (斑蘭) 點可以唔試埋咖央多士？ 厚切牛油+香濃斑蘭醬，再加香脆多士！小編保證，呢個會食唔停口！ 芒果冰 飲品方面，小編就最推介芒果冰！因為真係有半個芒果喺隔離！ 飲完濃郁嘅芒果冰之後，仲可以食埋香甜嘅芒果，爽！ 馬六 地址：荃灣眾安街68號荃灣千色匯1樓1023A號舖 而另一間食越南菜嘅餐廳就叫「越北牛肉粉」，就喺正「馬六」隔離！ 一場嚟到，梗係要試埋佢啦～ 越北綜合牛肉湯粉 食越南菜，首先梗係試佢嘅生牛河！ 呢碗牛肉粉除咗有生牛肉之外，仲有牛腩片、牛丸等等，啱晒一眾牛魔王啊～ 順化香茅牛肉撈檬 小編當日仲試咗撈檬！檬粉彈牙，配合秘製酸汁都幾開胃～ 不過重點係牛肉！真係好嫩滑好好味！ 法式蒜蓉牛油雞翼 小食方面，小編首推係蒜蓉牛油雞翼！ 雞翼size勁大，而且外皮炸得香脆，配埋蒜蓉牛油，點會唔好食？ 鮮蝦米紙卷 米紙卷都幾唔錯，清清地～ 配埋其他濃味嘅主菜一齊食，都幾夾！ 越北牛肉粉 地址：荃灣眾安街68號荃灣千色匯1期1樓1023號舖
