Open Tour
荔枝角D2 Place又有一個新嘅室內好去處啦！ PowerPlay Arena係一個全新室內遊樂基地，入面有好多唔同嘅遊樂設施 大人細路都會鍾意！ PowerPlay Arena嘅飄移車場係主打遊戲之一 用咗粉紅色迷你水馬砌成嘅車道有多個彎位，仲有提供大人同小朋友專用嘅兩款飄移車 同埋一系列裝備好似頭盔、護肘、頸箍等等 場內仲有多款經典遊戲機，可以一邊玩一邊做運動 各位爸爸媽媽一定要帶埋小朋友去專為小朋友而設嘅「FUN FUN ZONE」 入面有迷你籃球機、保齡球機、射擊遊戲、夾糖機 真係聽到都想去呀 玩到肚餓仲可以去隔離嘅熱狗店 LineUp Hotdog 佢哋有獨創嘅「頑皮熱狗系列」、「Shake Shake 薯條」同「點止冰冰 Slushy」等多款小食同飲品 PowerPlay Arena 地址︰D2 Place 二期 2 樓
鐘意夾公仔嘅你有福啦！ NAMCO第9間分店會喺聽日登陸德福廣場，佔地8,600呎嘅新店以「運動」為主題， 適合大人同小朋友一齊玩，真係聽到都開心！ ‘ 新店會喺開幕期間將發售NAMCO限定景品，鐘意嘅朋友記得留意啦！ 店內仲特別添加咗多部夾公仔機同運動主題嘅遊戲機， 可以玩到「Street Basketball Jr.」籃球機同「Boxing Champion」拳擊遊戲機， 玩遊戲同時做到運動！ 有好多全新景品！ 新店將會喺10月推出運動遊樂競技場 「SPORTAINMENT ARENA」， 競技場內將設9個運動園區，帶俾大家一個全新體驗！ NAMCO德福廣場店 開幕日期：2020年9月11日 (星期五) 地址：九龍灣德福廣場2期5樓501A舖 營業時間：11:00~22:00 SPORTAINMENT ARENA運動遊樂競技場 營業時間：11:00~21:00 *最後入場時間為20:30 開幕日期：2020年10月內
蛋撻一定要新鮮出爐先好食！ 今次一齊跟「My Mommy Cooking」學整香港人氣小食蛋撻啦 撻皮：麵粉145g、糖1湯匙、蛋黃1個、蛋白½個、牛油75g 蛋汁：蛋2隻、砂糖70g、熱水140g、牛奶125ml、雲呢拿香油1茶匙、鹽少許 做法： 1.先製作撻皮：混合牛油、蛋黃、蛋白、糖 2.麵粉過篩，加入牛油混合物拌勻 3.揉麵團約2分鐘 4.包上保鮮紙並放在冰箱中放置約15分鐘 5.從冰箱中取出，把麵團放入蛋模按壓成撻皮 6.放進冰箱冷藏15分鐘 7.開始製作蛋汁：將糖溶於熱水，之後放涼 8.用牛奶、雲呢拿香油和少許鹽打雞蛋 9.加入糖水，攪拌均勻 10.把雞蛋混合物過篩2-3次以除去氣泡 11.從冰箱中取出撻皮，將雞蛋混合物倒入撻皮中 12.將蛋撻在190攝氏度的預熱烤箱中烘烤約25分鐘 影片來源︰蛋撻食譜
好多人都鍾意趁週末去愉景灣行下、HEA下同住返晚 依家愉景灣酒店就有大優惠 喺Klook訂購只需$1318起就可以入住山景客房＋海景早餐＋兩杯迎賓飲品，好抵呀 最平嘅$1318套餐費用包括︰( 只適用於星期日至星期五 ) 山景客房×1晚 海景自助早餐×2 下午茶連餐飲×2 D.I.Y.風箏製作套裝×1 如果想升級半自助晚餐只需HK$ 1,417就可以，套票$1417包咗︰ ( 只適用於星期日至星期五 ) 山景客房×1 海景自助早餐×2 半自助晚餐連兩杯起泡酒/特選葡萄酒/啤酒/汽水×2 D.I.Y.風箏製作套裝×1 而星期六亦都係只需$1637就包哂︰ 山景客房×1 海景自助早餐×2 半自助晚餐連兩杯起泡酒/特選葡萄酒/啤酒/汽水×2 D.I.Y.風箏製作套裝×1 香港愉景灣酒店「渡假住宿優惠」 價錢︰二人港幣$1318起 訂座網址︰KLOOK獨家優惠 地址: 香港大嶼山愉景灣海澄湖畔路88號 立即訂購
電競遊戲係世界各地愈來愈流行，唔少地方都開始有電競館嘅出現 而全港首個電競館終於要登陸香港啦！ 由亞洲體育電競（AME）全力打造嘅《AME運動電競館》（AME Stadium）將於9月下旬喺尖沙咀正式開幕， 場地有成3,400呎，大家可以大玩特玩 「AME運動電競館」係本地首個融合「運動」同「電競」嘅主題館 體驗館內會提供多個考驗體能、耐力、速度、經驗同團隊合作等的自家研發運動電競設施，等你試下做專業運動員嘅滋味 參加者喺會場中需創造出個人化嘅虛擬Avatar角色同體能分析，之後要戴上運動偵測手環於場內挑戰5大運動電競項目 例如模擬沙田馬場嘅實景賽道，參加猶如真實的2,200米競速賽事，俾你親身體驗賽馬嘅滋味 模擬灣仔至中環單車公路賽的「E-Cycling」亦係主打目之一，可以「安全」咁試下玩公路賽 而且仲有美國國家滑雪隊嘅同款訓練設備「E-Skiing」，喺香港都有機會體驗專業級訓練 電競館仲會提供有過千枚感應器智能沙袋嘅拳擊運動「E-Boxing」，幫大家訓練大家速度、敏捷度、爆炸力同反應度 運動成果於「AME Platform」雲端平台中，參加者可累積經驗值由「見習運動員」等級晉升至最高「職業運動員」等級，更可以燃燒卡路里賺取GG Coin，換領豐富獎品！ 亞洲體育電競《AME運動電競館》 地點：九龍尖沙咀中間道15號H Zentre UG層2號舖 (港鐵尖沙咀站L1或K出口) 開放日期：2020年9月下旬至2021年6月30日 開放時間：上午11時至晚上11時 收費詳情請到官網查詢
想喺屋企整吓又好食又健康嘅美食？ 呢款「燕麥雞肉丸」簡易而整又好食，可以用嚟配意粉或者當小食都OK 一齊跟「 The Cooking Foodie」學整啦！ 燕麥雞肉丸 ( 約24粒 ) 食材︰ 免治雞肉675g、紅蘿蔔1條 (切碎)、洋蔥1個 (切碎)、蒜適量、生薑醬1湯匙、醬油2湯匙、速溶燕麥70g、雞蛋1個、鹽適量、胡椒粉適量、小茴香半茶匙、辣椒粉1茶匙、番茜1/4束(切碎)、橄欖油 做法︰ 1.將免治雞肉放在一個大碗裡，加入切碎的洋蔥、香菜、胡蘿蔔粒、大蒜、姜醬、醬油、雞蛋、燕麥同香料 2.混合 3.搓成小球 4.喺煎鍋中，用中火加熱橄欖油， 將雞肉丸子各邊煮4-5分鐘，直到金黃色並煮熟 5.唔鍾意煎嘅你亦有第二種選擇：將烤箱預熱至350F（175C），用食用油噴灑每個肉丸， 烘烤25分鐘，直到變成金黃色 6.完成 影片來源： The Cooking Foodie
鍾意同好姊妹食下午茶嘅你要留意啦！ 香港康得思酒店推出kkday獨家優惠，二人同行只需$1438就歎到「夏日下午茶住宿套餐」 可以住高級客房＋雙人早餐＋雙人東方下午茶，超值 酒店位於旺角，樓高42層，設有665間全新裝潢嘅客房同套房 購買「夏日下午茶住宿套餐」嘅客人可以入住高級客房 客房有落地玻璃窗可眺望市景，加上特大浴室同特色Dream Bed，又大又舒服 你可以於Alibi享用雙人東方下午茶，以中式點心為主嘅下午茶好特別！ 夏日下午茶住宿套餐︰ 一晚住宿 Superior Room 保證提早於中午12時登記入住 保證延遲退房至下午4時 於The Place享用雙人早餐 於Alibi享用雙人東方下午茶 酒店餐廳及酒吧7折優惠 每房港幣300元水療消費額 香港康得思酒店「夏日下午茶住宿套餐」 銷售日期：即日至12月28日 入住日期：即日至12月30日 價錢︰港幣$1438/2人 訂購電話︰訂購網址 地址: 香港九龍旺角上海街555號 立即訂購
香港迪士尼樂園酒店嘅住宿一向都唔算平 今次佢哋推出特別優惠，二人入住樂園嘅標準客房都只係$1510起 每間客房仲包埋港幣$400元餐飲消費金額，可以喺入住期間中午12點後喺晶荷軒 (Crystal Lotus) 使用，勁抵！ 雖然係普通標準客房，但都好有迪士尼特式 同一般酒店好唔同，可以打卡打返夠本！ 每房至多可接受 4 位成人或 2 位成人加上 2 位 12歲以下兒童入住 第 3 位、第 4 位成人需個別另收取 HKD 200 酒店外內都咁靚，只平嘅價錢除開只係每人$755就住到，真係好少見迪士尼嘅酒店咁平 晶荷軒雖然係中式餐廳，但環境優美，加埋外面嘅英式庭園，大大加分 而且食物賣相都用咗迪士尼卡通做主題，得意又好食 大人細路都鍾意！ 香港迪士尼樂園酒店 – 住宿餐飲體驗套票 銷售日期：9月1日至11月30日 入住日期：9月4日至12月18日 價錢︰港幣$1510起 訂座網址︰住宿餐飲體驗套票 地址: 香港大嶼山香港迪士尼樂園度假區香港迪士尼樂園酒店 立即訂購
正所謂「一日之計在於晨」，一份飽肚又好味嘅早餐係好重要㗎！ 今次小編就為大家集合咗五個簡易早餐食譜，一齊學吓點整啦 Berry Bowl ( 2人份量 ) 材料︰芒果適量切粒、香蕉適量切片、奇異果1個切片、火龍果半個切粒、藍莓適量、早餐麥片適量、核桃適量 奶昔底︰凍藍莓一大匙、紅桑子一大匙、香蕉半條、乳酪50cc 做法︰ 1.先將想放上嘅水果洗好後切片或切粒處理好，放旁邊備用 2.將凍莓果、香蕉，乳酪一齊用果汁機或調理棒打碎 3.倒入盤中，灑上早餐麥片 4.鋪上水果、堅果即成 煙肉蛋捲餅 ( 2人份 ) 材料︰蛋餅皮2塊、煙肉2塊、雞蛋2隻、蕃茄2個、生菜適量 做法︰ 1.蕃茄切片，生菜洗淨後備用 2.將煙肉煎熟，雞蛋打散煎成蛋皮，備用 3.將蛋餅皮兩面煎至金黃 4.拎一張蛋餅皮，分別放上蛋皮、蕃茄片、生菜，捲成捲餅 5.第二張蛋餅皮，分別放上蛋皮、煙肉、蕃茄片、生菜，捲成捲餅 班尼迪蛋 (1人份量) 材料︰英式鬆餅1 個、火腿 1 塊、生菜 1 個、蕃茄 1 塊 水波蛋材料︰雞蛋 1 隻、熱水 、醋 1 大匙 荷蘭醬材料︰牛油 25-30 g、蛋黃 1 個、檸檬汁 1 匙、黑胡椒 適量、鹽適量 做法︰ 1.先做荷蘭醬：煮一盤熱水，隔水加熱，融化牛油備用 2.開小火，隔水加熱，將蛋黃攪拌成濃稠狀 3.分次加入融化嘅牛油到蛋黃醬攪拌 4.再加入黑胡椒、鹽、檸檬汁攪拌均勻 5.荷蘭醬隔水保溫備用 6.再做水波蛋：煮一盤熱水，加一大匙醋 7.開細火，用筷子或湯匙喺鍋內旋轉水、形成漩渦 8.將放蛋嘅杯半放進水，等雞蛋慢慢滑入漩渦處 9.細火煮4分鐘左右，舀出半熟蛋放喺紙巾上吸乾水份 10.平底煎鍋放入橄欖油、牛油，煎熟火腿，麵包兩面煎焦香 11.麵包上擺上生菜、火腿、蕃茄、半熟蛋，淋上荷蘭醬即成 PIZZA厚吐司 (1人份量) 材料︰厚吐司1塊、栗米粒適量、沙律醬適量、芝士粒適量、黑胡椒粉適量、芝士粉適量、菠蘿罐頭適量 […]
