• Tue. Jun 2nd, 2026
    • '
    Home香港 (Page 31)

    Tag: 香港

    IKEA推出黑糖珍珠奶茶新地！全新夏日海鮮滋味美食登場 ｜香港美食｜放假去邊

    香港IKEA嘅餐廳同小食一向都好受歡迎，今次仲有黑糖珍珠奶茶新地登場！ IKEA美食站推出多款夏日小食，甜品方面有再度回歸嘅大吉嶺紅茶新地筒 同時新推出期間限定新品黑糖珍珠奶茶新地， 供應期由2020年6月26日至7月23日，各位珍奶控萬勿錯過！ 為咗推廣「環保」，IKEA精選多款清新食材， 好似羽衣甘藍配瑞典凍蝦、牛油果配上帆立貝同車厘茄配上鱈魚等 當中嘅食材都係海洋管理委員會（MSC）同水產養殖委員會（ASC）認證嘅環保海鮮， 以可持續的準則捕撈或養殖，令你食嘅時候都可以為環保出一分力，確保漁獲嘅可持續性 由6月26日至7月9日期間，凡購買任何急凍食品3件滿 $180或以上， 即可以優惠價$3換購 FRAKTA保溫袋一個，咁就唔洗怕因為室外高溫而令食材變壞啦！ IKEA分店： 九龍灣分店：九龍灣MegaBox L4 ( 設有IKEA餐廳、瑞典美食廊及美食站 ) 銅鑼灣分店：銅鑼灣柏寧酒店地庫 ( 設有瑞典美食廊及美食站 ) 沙田分店：沙田HomeSquare L6 ( 設有IKEA餐廳、瑞典美食廊及美食站 ) 荃灣分店：荃灣青山公路 388 號 8咪半 3 樓 ( 設有IKEA餐廳、瑞典美食廊及美食站 ) 港島東提貨中心：筲箕灣耀興道興東邨興東商場地下11號舖( 不設食品部 )

    author

    【荃灣旭逸酒店】史上最平 – $200有齊住宿+豪華半自助餐！｜香港旅遊｜放假去邊

    平時去酒店食個Lunch連埋加一都要成$200位，但荃灣旭逸酒店就推出「食．住．嘆住宿禮遇」， 二人同行只需$400就可以入住雙人客房＋雙人半自助午餐，除返開只係$200/1位， 半自助午餐仲可以食成兩個半鍾，真係平到震！ 雙人客房設計簡約舒服，無論係約好姊妹定同伴侶嚟住都係唔錯嘅選擇 每人$200真係平到笑！ 購買「食．住．嘆住宿禮遇」嘅住客仲可以喺Eat@ease餐廳享用「半自助午餐」 可以揀一款主菜同任食自助沙律吧嘅美食，仲有精選甜品同飲品一杯 食物款式都好吸引～ 餐廳環境舒適，人均$200包食包住真係無得輸！ 荃灣旭逸酒店 「食．住．嘆住宿禮遇」 預訂日期：即日起至2020年7月31日 價錢︰港幣$400/2人 訂座電話︰39588368/ 訂座網址 *需於兩日之前預定 地址: 香港葵涌圳邊街15-19號

    author

    IPSA 極仙氣包裝！好似藝術品一樣嘅「流金水」｜香港購物｜放假去邊

    平日長時間喺冷氣房工作，皮膚喺長期缺水嘅情況下，好容易形成暗粒痘痘～ IPSA推出咗皇牌TTR Aqua 生肌水源素 「流金水」，唔止可以做到保濕抗氧、平衡水油同柔滑膚質嘅效果， 而且包裝仲靚到好似藝術品一樣！ 「流金水」共有三個包裝，除咗最普通嘅透明版之外，亦推出咗兩個幻彩系列 有藍色為主嘅「湛藍幻彩版」，亦有以粉、紫、藍、靛等幻彩色調層層交疊嘅「粉藍幻彩版」！ 「粉藍幻彩版」嘅顏色好夢幻，超級仙氣～ 呢枝「流金水」可以為肌底滲透1000兆超微細保濕分子，解決多種肌膚問題！ 而且好易吸收，超級水潤 控油又保濕嘅「流金水」真係好吸引，仲可以做到抗痘效果， 加埋好似藝術品咁靚嘅包裝，好想入手！

    author

    【尖沙咀美麗華酒店】$1,388「味歷住宿之旅」！城景客房＋任食海鮮自助餐｜香港旅遊｜放假去邊

    位於尖沙咀嘅美麗華酒店再度延長咗「味歷住宿之旅」住宿優惠， 每晚只需HK$1,388起就可以二人入住城景客房 ，入住期間更專享HK$800酒店消費額， 酒店消費額可以用喺酒店內嘅餐廳上，又或者用嚟去MiraSpa做個水療又得，呢個價錢住到尖沙咀嘅五星級酒店，真係好難得！ 城景客房有290平方呎，提供特大雙人床或2張雙人床，環境舒適 客房仲有唔同顏色主題，好有時尚感！ 套餐專享嘅$800酒店消費額可以用喺酒店嘅餐廳上，鍾意食海鮮嘅你可以補返差價試吓個自助餐！ 有多款空運海觧、即開生蠔、波士頓龍蝦等，真係好Yummy 如果你鍾意食中菜，亦可以加多$100可以喺國金軒專享二人晚餐 呢個咁別緻嘅用餐環境由著名設計師 Charles Allem 設計，打卡一流 你亦可以選擇喺米芝蓮推薦食府WHISK食晚餐 WHISK係一間以日本食材融入法式烹調概念嘅餐廳，平時去食一餐都要成千蚊， 依家購買「味歷住宿之旅」嘅客人只需加$100就食到，真係好抵！ 另外入住期間可享所有餐廳同酒吧餐飲8折優惠、MiraSpa自選水療療程65折優惠， 仲可以用酒店嘅泳池、健身室等設施，好嘆呀！ 尖沙咀美麗華酒店 「味歷住宿之旅」 預訂日期：即日起至2020年7月31日 價錢︰ 每晚港幣$1388 *所有價目另加10%服務費 訂座電話︰2315 5605 / 訂座網址 地址: 香港九龍尖沙咀彌敦道118-130號 Mira Place

    author

    【二人同行優惠】韓國半永久霧眉$1980/人！專業眉型設計＋補色｜香港美容｜放假去邊

    大部份女仔化妝嘅時候，都好注重條眉！ 每次出門前都會花好多時間喺畫眉上，如果一唔小心畫錯仲要重新嚟過… 真係頭都痛埋… 唔想成日都因為畫眉而趕頭趕命？咁不如考慮吓去霧眉～ 呢排出街都會戴口罩，所以好多女仔都會淨係化眼妝+眉妝～ 如果條眉畫得靚，可以令你五官望落更立體，視覺上仲有瘦臉效果！ 而霧眉有種好似上咗眉粉嘅效果，所以效果好自然㗎～ Beauty Secret霧眉嘅顏色原料，全部都係韓國製嘅德國天然色料，大家可以放心～ 佢哋仲自家調配咗「獨家色」，可以做到最自然、最好睇嘅效果！ 霧眉師好專業！佢哋會配合個別客人嘅臉型同喜好，幫佢設計眉型～ 過程中會幫客人敷上紓緩膏，大約1小時就完成喇～ 霧眉後成個眉型出返嚟，效果仲keep到一年左右～ 而且防水防油，連游水都唔洗再補妝！ Beauty Secret喺觀塘，位置好方便～ 店內環境舒適，仲有養生茶飲～ 原價$3200嘅「韓國素顏少女妝感霧眉」依家仲有優惠！ 任何OpenHolidays嘅讀者，只需喺Facebook post度留言「Bs妝感霧眉」， 即享獨家霧眉優惠「二人同行，每人只需$1980」！快啲留言拎Coupon啦！ Beauty Secret 電話查詢：5932 5531 或 5112 4952 預約療程：https://wa.me/85259325531 店舖地址：觀塘開源道50號利寶時中心1003室（觀塘站B出口直行）

    author

    DON DON DONKI！銅鑼灣4層新店開幕！首次設$5、$10精選特賣區｜香港購物｜放假去邊

    超受歡迎嘅DON DON DONKI最新銅鑼灣分店，喺2020年7月7日正式開幕！ 有成4層嘅 「DON DON DONKI名珠城店」係香港第三間分店，會全天候24小時營業！ 大家可以大買特買喇～ 新店會提供各式各樣嘅日本新鮮食材，包括水果、海鮮、壽司、肉類同熟食等～ 望到都流晒口水！ 大拖羅油脂分怖平均！ 而且引入咗更多嘅美妝同生活百貨商品種類，好吸引！ 「DON DON DONKI名珠城店」以「叢林中的尋寶」為主要店舖概念， 首次加設精選特賣區， 以$5和$10價格發售一系列特選商品，精選特賣區嘅商品會不斷更新，包你有新鮮感！ 另外仲有新店開幕特賣零食區！ 同埋禮品專區，搜羅咗好多嚟自日本唔同地區嘅頂級商品，作為手信或者禮物都非常適合！ 仲有Donki公仔添吖！ DON DON DONKI 名珠城店 營業時間：24小時 地址：銅鑼灣百德新街22-36號名珠城1-4樓 銷售樓層面積：2,571平方米 1/F：零食、雪糕及急凍甜品、收銀處 2/F：奶類及急凍食品、海產、熟食、禮品區、糧酒雜貨及飲品、酒類 3/F：個人護理、生活百貨、蔬菜及水果、鮮肉、零食、壽司、糧酒雜貨 4/F：藥妝、生活百貨、藥妝專用收銀處

    author

    【大角咀覓食】平價高質！一個商場有齊多國美食！｜香港美食｜放假去邊

    天氣咁熱，行街、食飯通常都想匿喺商場，嘆冷氣食好嘢！但全港咁多商場，花多眼亂唔知點揀好？ 識飲識食嘅小編最近去開大角咀，發現附近嘅「港灣豪庭廣場」幾有驚喜喎！價錢唔貴之餘，仲有齊港式茶記、中式小炒、西餐、台式風味、越南菜等等！色香味俱全、份量夠，絕對係極高CP值之選～ 1. 越南滋味 – 樂越 鍾意食越南菜嘅朋友，呢間就啱晒你喇！人氣限定推介生牛肉湯河竟然係用西班牙安格斯牛肉！牛味濃郁、油花均勻，食落勁嫩滑！食過翻尋味～ 仲有 香辣蕃茄大頭蝦湯檬 都真心正！大頭蝦好新鮮，厚肉多膏！配埋蕃茄湯底，味道又鮮又濃啊～ 讀者獨家優惠：凡四人起惠顧消費，即 送牛油雞翼一客 及 九折優惠！即日起去到7月23日都有效㗎！ 樂越 地址：香港九龍福利街8號港灣豪庭廣場G07A號舖 營業時間：星期一至日 11:30 – 21:30 2. 台式風味 – 一葉小廚 私心推薦台式風味！必試 鹽酥雞扒配香菇肉燥飯，雞扒大細同塊臉一樣大，外皮炸得超酥脆，咬落去勁juicy～ 同台灣夜市嘅雞扒可以一拼高下！香菇肉燥飯濃郁，而且份量十足～ 仲有超香濃嘅 秘製紅燒牛肉湯麵，牛肉大件又夠嫩！呢度午市$42起、晚市$50起咋～ 一葉小廚 地址：香港九龍福利街8號港灣豪庭廣場G05號舖 營業時間：星期一至日 08:00 – 21:30 3. 西式派對必選 – 必勝客 商場入面仲有Pizza Hut⋯ 咦？好似又有新款Pizza？ 原來係強勢回歸嘅 芝士輪盤扭扭批！鍾意食芝心批嘅朋友仔，呢個不能錯過！扭扭批邊入面有香濃芝士，其中兩粒扭扭批仲有黑松露蘑菇醬！而批面就有帆立貝、多款海鮮、芝士、Pizza配料等等，真‧啖啖都係芝味啊～ 必勝客 地址：香港九龍福利街8號港灣豪庭廣場G02號舖 營業時間：星期一至日 11:00 – 23:00 4. 中式小炒 – 翠苑餐廳小廚 想食中式小炒，但又想要有驚喜？呢間絕對超值！避風塘龍蝦 係勁好食！新鮮龍蝦啖啖肉，避風塘超惹味～ 見到人哋嗌 火焰醉雞煲 上枱嗰陣真係著晒火，幾特別所以又試埋！醉雞勁入味，肉質好嫩滑～ 讀者獨家優惠：任何消費即享九折優惠！優惠期去到9月30日㗎～ 翠苑餐廳小廚 地址：香港九龍福利街8號港灣豪庭廣場G09號舖 營業時間：星期一至日 07:00 […]

    author

    【旺角帝京酒店】節慶住宿計劃！豪華客房＋雙人自助晚餐＋免費紅酒｜香港旅遊｜放假去邊

    想同另一半慶祝紀念日？旺角帝京酒店嘅「節慶住宿計劃」就啱哂你！ 只需一個價錢，就可以入住豪華客房一晚＋雙人自助晚餐＋免費紅酒＋精美朱古力， 仲可以喺客房內免費觀賞任何收費電影頻道，真係好嘆～ 帝京酒店係五星級酒店，酒店一出就係新世紀廣場同旺角東港鐵站，超方便 每房最多兩大一細入住，4 歲或以下小童一齊入住唔會有額外收費，仲可以免費食埋自助晚餐 但如果大過5歲，就要加多$500先可以食埋自助餐 每間房都會有浴缸，可以浸浴relax吓～ 住客仲可以去酒店餐廳「花月庭」食自助晚餐，「花月庭」依家做緊「瀛」脆」樂滿FUN自助晚餐」 平時成人一位都要$600幾蚊，今次優惠包咗二人自助晚餐，真係好抵 可以任食即開生蠔，食多幾隻就可以回本！ 仲有各款時令海鮮，食材新鮮吸引 好多KitKat做主題嘅甜品，可以滿足一眾甜品控 食飽之後仲可以去酒店泳池游吓水，真係夠哂chill～ 旺角帝京酒店 「節慶住宿計劃」 價錢︰ 星期日至四入住每晚港幣$1195；星期五、六入住每晚港幣$1,237 *所有價目另加10%服務費 訂座電話︰2928 8822/ 訂座網址 地址: 九龍太子道西193號

    author

    【尖沙咀帝苑酒店】五星級情侶之選！$1,080入住豪華客房＋浪漫二人套餐｜香港旅遊｜放假去邊

    好多情侶都鍾意週未去住吓酒店，可以渡假之餘亦好似去咗個小旅行咁～ 帝苑酒店推出咗個超抵嘅「優悠住宿餐飲計劃」，二人同行只需$1,050就可以入住入住豪華客房一晚， 價錢仲包埋酒店嘅浪漫二人套餐，每人$500幾蚊就可以嘆到五星級酒店嘅服務，真係超值！ 帝苑酒店豪華客房嘅面積30平方米，擁有城市景觀 每間房都有獨立浴室同洗手間，設備齊全 客人仲可以喺J’s Bar Bistro享用浪漫二人套餐，環境好靚 呢個餐原價兩位都要$716，而家只需$1,050仲要包埋住宿，真係好抵 天氣好嘅話，仲可以上去酒店嘅露天泳池游水 或者去健身室做吓運動都唔錯！ 入住「優悠住宿餐飲計劃」嘅客人仲可以有 75 折水療優惠，快啲約埋另一半嚟個五星級渡假之旅啦 帝苑酒店 「優悠住宿餐飲計劃」 預訂日期：2020年5月11日至2020年9月30日 價錢︰ 每晚港幣$1080 *所有價目另加10%服務費 訂座電話︰2721 5215/ 訂座網址 地址: 香港九龍尖沙咀東部麽地道69號

    author

    【寵物天堂】荔枝角室內狗公園 嘆住冷氣放狗！｜香港旅遊｜放假去邊

    夏天咁熱，唔少寵主帶毛孩去街時都會行到滿頭大汗，真係咪話唔辛苦 不過作為盡責嘅主人又點可以唔帶狗狗去放電，如果有個室內地方俾狗狗玩就好啦！ 今次小編會為大家介紹一間荔枝角嘅室內派對活動場地「Five by 5」 ，等你可以嘆住冷氣放狗 Five by 5 室內外超過四千呎，適合舉辦各種活動 佢哋會不定期同其他動物組織舉辦領養活動，同時場內亦會有籌款箱，希望可以幫助更多有需要嘅貓狗 每隻上去嘅毛孩都可以免費獲得一份零食，好貼心！ 主人仲可以借閱唔同嘅寵物書籍，增進寵物知識 場內有分室內同室外位置，室內有兩個活動室，提供咗寵物玩具俾狗狗玩， 而且仲有多個打卡位，幫狗狗影相呃like無難度！ 呢個狗狗波波池真係毛孩至愛，狗狗玩得好開心！ 室外更有一個狗狗泳池，夏天一定好消暑 Five by 5亦有多款寵物用品發售，主人可以慢慢選購 佢哋更設有BEMER療程，可以減低毛孩壓力、促進復原同肌肉再生 利用磁場治療儀放鬆狗狗嘅精神同肌肉 狗狗坐喺度就輕鬆嘆住冷氣做到療程，好方便呀！ Five By 5 地址︰荔枝角青山道702-704號合興工業大廈4樓G 電話︰6511 0550

    author