有咩開心得過食？就係瘋狂食喇！ 掃街最緊要係咩？美食都係其次，最重要係個胃夠大！ 為食小編大胃已開，跟住嚟掃食啦！ 小編：嘉儀（IG: chongkkayee） [youtube youtubeurl=”okoyf17gCCo” ][/youtube] ==================== 1. 烤焗工房 食物好多款，仲要款款都邪惡到爆！ 選擇困難症嘅小編好辛苦先揀到其中兩樣… 香辣肉丁芝士飛碟 $25 淨係睇圖就知道芝士有幾足料！ 再加埋肉丁餡，少少辣、多多脆～～ 小編啖啖都拉到絲～ 好邪惡但係好好好好食！ 轟炸大大大魷魚 $25 果然冇改錯名，真係大大大！ 魷魚好易咬開唔痴牙，紫菜粉仲好香！ 咁大塊食完竟然想encore～～ 地址：旺角中心2樓AS26A號舖 ==================== 2. Nun Asia 特濃紫薯窩夫 $32（細份） 勁多紫薯蓉！好香好滑好好食～ 凍凍地嘅Cream加埋熱辣辣窩夫，一個字：正！ 地址：旺角中心1樓F84號舖 ==================== 3. CC炒雪糕 綠魔（綠茶雪糕、紅豆、可可粉、爆爆珠）$28 小編見到綠茶味已經心心眼，再加埋脆窩夫杯，簡直無法抗拒～～ 足料紅豆放入雪糕一齊炒～ 啖啖紅豆再加炒過嘅Creamy雪糕，推介！ 地址：旺角中心一期2樓SA28A ==================== 4. 手卷駅 加拿大海膽手卷 $45 成板海膽多到滿瀉！仲要一啲腥味都冇～ 厚燒玉子 $12 即叫即整熱辣辣，冬天食超級幸福～ 好香蛋味而且微甜，必試！ 地址：旺角中心一期2樓SA30A舖 ==================== […]
