平時出街買杯飲品，都起碼要$20-$30起跳！ 其實要喺屋企整呢啲飲品，一啲都唔難！ 今次就等韓國料理頻道「yedy101」，教大家喺屋企簡易製作漸層抹茶拿鐵喇！ 漸層抹茶拿鐵 材料：抹茶粉25克、熱水65毫升、雲呢拿糖漿60毫升、牛奶200毫升、冰塊適量 1. 取出抹茶粉，加入熱水攪拌 2. 將冰塊倒滿杯子，加入雲呢拿糖漿及牛奶 3. 最後加入抹茶基底就完成 影片來源：yedy101
呢間喺西九6樓嘅日式軟雪糕店，主打用北海道8.0牛乳軟雪糕!! 奶味極~濃~~ 雪糕上面撒滿山政小山園嘅抹茶粉，再加埋兩條抹茶Kitkat~ 睇見都幻想到有幾濃抹茶味啊!! [instagram photo=BPC9KjgBINc][/instagram] 好治癒嘅抹茶綠~~ [instagram photo=BOHyjocgbfG][/instagram] 抹茶粉多到呢… (心心眼) [instagram photo=BQSTMUOh0ax][/instagram] [instagram photo=BQvLyIggoW1][/instagram] 除咗招牌抹茶雪糕， 仲有黑朱古力味軟雪糕! [instagram photo=BQUk4L3D6d7][/instagram] 隱藏menu，焙茶味軟雪糕 [instagram photo=BKui5zkBL_2][/instagram] 春季限定櫻花味軟雪糕 [instagram photo=BQXcD9zFxHV][/instagram] 華 Hana Soft Cream 深水埗欽州街37號西九龍中心6樓628A號舖 =============== 放假去邊 更多好介紹: 快啲like我哋Facebook 同follow我哋Instagram啦!
抹茶抹茶全部都係抹茶…… 各位抹茶控，想食高質嘅抹茶甜品，唔一定要去日本，近近地飛去台灣就可以喇~ 廣受好評嘅平安京茶事，大部分食材都係由日本進口，店家更加採用宇治丸久小山園抹茶粉，真係唔馬虎嫁! [instagram photo=”BQkI_jXlgjr”][/instagram] 極力向大家推薦食呢個超濃郁嘅抹茶蛋糕卷!! [instagram photo=”Bdk7PSDn4zV”][/instagram] 太邪惡! 一壓就爆曬D漿出嚟!!! [instagram photo=”BQj16PFANjs”][/instagram] 好治癒啊…XD [instagram photo=”BeP-v1Fjrmv”][/instagram] 抹茶奶油完美地中和番茶嘅一點苦澀~ 食落仲唔會覺得好膩添~ [instagram photo=”BO9KN4NBvf6″][/instagram] 下次嚟台灣都不妨試下!!! 平安京茶事 地址：台北市師大路165號 營業時間：中午12:30至晚上9:30 (每月第一個週一休息) 交通：於捷運台電站5號出口步行2分鐘即達 =============== 放假去邊 更多好介紹: 快啲like我哋Facebook 同follow我哋Instagram啦!
去日本點可以唔食抹茶潮聖？無論係抹茶店集中地京都、抑或係東京，都有好多歷史悠久嘅抹茶老店！ 小編今次係云云眾多選擇入面，幫大家揀咗10間！ 甜品胃Ready好未？快啲Mark低，衝去日本食個夠啦！ 文：嘉儀 1. 中村藤吉 抹茶迷點會冇聽過「中村藤吉」呢個大名？ 人氣宇治百年老舖，有機會去到日本，梗係要拜訪總店！（其實係日本都仲有幾間分店㗎～～） 蕨餅係一定一定要食啊！ 總店地址：京都府宇治市宇治壹番十番地 營業時間：茗茶賣場 10:00-17:30、茶室 11:00-17:30 (最後點餐時間：17:00) 2. 京都 宇治茶 伊藤久右衛門 有400幾年歷史嘅高品質抹茶，產品可以話應有盡有，普通雪糕、朱古力、蛋卷？有！ 和菓子、羊羹、脆餅？都有！就連出名嘅營養麥麵都有得食～～ 總店地址：〒611-0013京都府宇治市莵道荒槇19-3 營業時間：10:00-18:30 3. 宇治の丸久小山園 茶房元庵 抹茶蛋卷一定一定要食！抹茶餡好香滑，而且完全唔膩～～ 紅豆蓉夠綿亦唔甜，食多幾件都無有怕！ 總店地址：京都府京都市中京区西洞院通御池下ル西側 營業時間：09:30-18:00 4. 茶寮都路里 除咗本店之外，就連東京都有分店㗎！ 「白玉あんみつ」最多好評，小編試過的確唔錯！ 總店地址：東山区四条通祇園町南側 573-3 營業時間：10:00-22:00 (最後點餐時間：平日 21:00 / 週末、假期 20:30) 5. 京煎堂 京煎堂嘅成功秘訣在於控制甜味，所以抹茶甜品有甘苦味之餘，亦唔過甜！ 必試最高人氣嘅100%宇治抹茶製造 抹茶芭菲！ 總店地址：京都市東山区四条通花見小路東入 祇園町南側565-1 營業時間：京菓子販賣 10:00-20:00、茶房 10:30-20:00 6. 甘味処 月ヶ瀬 呢間老店賣點係自家製嘅和菓子餡蜜，所以抹茶奶油餡絕對係名物～ 至於刨冰亦係必試，震撼程度打卡一流！ […]
