辣炒年糕就聽得多，但卡邦尼炒年糕你又食過未？ 專為唔食得辣嘅朋友而設 一齊跟韓國美食達人學整卡邦尼炒年糕！ 食材︰年糕208克、牛奶600毫升，車打芝士2塊、西蘭花6塊、煙肉2塊、蘑菇3個、切碎大蒜半湯匙、胡椒適量 做法︰ 1.將蘑菇、煙肉切成差唔多大細 2.將煙肉放入鍋中，加入切碎嘅大蒜一齊炒 3.大蒜煮熟後倒入600m牛奶 4.當牛奶煮沸時，加入車打芝士 5.車打芝士融化後，順序添加年糕、西蘭花同蘑菇 6.攪拌煮熟，加少許胡椒粉 影片來源：매일맛나 delicious day
最近都多咗留喺屋企，不如試吓整呢款卡邦尼意粉 超簡單就整到餐廳級質素嘅卡邦尼意粉，一齊跟「따라쿡 ddaracook」學整啦！ 食材︰ 意粉100g、火腿60g、洋蔥100g、蒜25g、蘑菇80g、水100ml、橄欖油、蛋黃、燕麥片、芫荽 卡邦尼醬︰ 鮮忌廉200ml、牛奶100ml、帕瑪森芝士1Ts、胡椒粉 做法︰ 1.將意粉煮8至10分鐘，然後加入橄欖油 2.切好配料（洋蔥，大蒜，蘑菇，火腿） 3.將橄欖油放在鍋中，然後將大蒜，洋蔥，火腿和蘑菇炒熟。 5.煮熟後，加入意粉和油一起炸熟。 6.順序用鮮忌廉、牛奶、帕瑪森芝士同胡椒煮熟。 7.加入意粉並將其與醬汁混合均勻。 8.將意粉放入碗中，加入蛋黃並攪拌均勻。 影片來源︰따라쿡 ddaracook
韓國過江龍炸雞店NeNe Chicken，大家冇聽過都可能記得係劉在石做代言人！ 小編發現餐廳最近推出秋季限定，係用橘子做主題！ 仲推出咗二人套餐，咁就咩款都可以試少少啦～ 小編：嘉儀（FB page: 嘉儀 / IG: chongkkayee） ==================== 二人套餐($358/2人用) 三層架設計，好有high tea嘅感覺啊～～ 份量都幾多，有四款食物+兩杯飲品，兩個人食絕對夠飽！ 最頂層係限定口味嘅橘子蜜炸雞，仲有芝士龍蝦！ 熱辣辣食炸雞，皮脆得嚟、肉好嫩啊～～ 橘子蜜好好食！酸酸甜甜夠開胃！ 芝士龍蝦調味不錯，仲啖啖肉～勁快食晒！ 第2層係卡邦尼意粉，雖然有加橘子醬，不過小編就唔係好食得出～ 意粉味道不錯，不過略嫌有啲乾～ 最特別係有年糕，都幾煙韌！ 最底就係沙律喇～ 除咗有特別梨子汁之外，仲有橙、藍莓等水果，冇咁單調亦好fresh~~~~ 套餐仲包咗兩杯橘子特飲，小編就覺得沙冰的確唔錯！ 食飽之後可以解下膩！ 唔想由頭橘到尾？ 飲品可以免費轉其他無酒精飲品，賣相同味道都幾唔錯啊～ ==================== 全份橘子蜜炸雞 (有骨$168/無骨$178) 炸雞一碟起碼有15隻，真係好好好好夠食！ 小編真係好鍾意隻橘子汁啊 T_T 配炸雞真係食極唔膩！ 濟州嘅橘子出名就係人都知，用佢嚟整嘅橘子醬果然唔簡單！ 呢隻橘子秘製醬汁，韓國暫時都未有得再賣，所以今次真係終極限量喇～ *葵芳同元朗分店，仲有揀半份無骨炸雞～($85) NeNe Chicken Hong Kong 旺角朗豪坊11樓30號舖 葵芳新都會廣場185號舖 元朗形點商場一期1026號舖 ==================== 放假去邊 更多好介紹: 快啲like我哋Facebook 同follow我哋Instagram啦!
