Open Tour
車仔麵其中一樣吸引人嘅地方就係可以揀唔同嘅車仔麵拌餸！ 特別係滷水牛肚、雞翼尖，整得入味嘅話真係好好食 依家香港嘅車仔麵檔愈來愈少，鍾意食車仔麵嘅你不如喺屋企試吓整啦～ 本文影片＋食譜由「CookPattern戀上味覺」授權轉發 材料︰金錢肚1磅、雞翼尖1磅 、薑蔥適量 滷水料︰李錦記五香滷水 1枝、水約1公升、小粒冰糖3-4粒 做法︰ 1. 先將金錢肚及雞翼尖，用少許白醋及酒汆水，備用 2. 電飯煲內加入薑蔥，再放入金錢肚及雞翼尖 3. 將滷水料加入電飯煲內，按「開始」按鈕 4. 當完成第一次烹煮模式後，將雞翼尖取出 5. 關蓋，將金錢肚焗30分鐘，之後再按「開始」按鈕，進行第二次烹煮模式。 6. 完成後，不要開蓋，再焗30分鐘至1小時即可。 影片來源︰CookPattern戀上味覺
最近馬鞍山恆安… 有條新食街！ 有超多款熟食，台式、日式、港式乜都有，價錢仲要好親民～ 最重要係，大部份熟食檔都開到凌晨兩點！ 去食宵夜啱晒啦～ =============== 舌尖回味 主打日式菜式，最特別係6pm後就會有超多款串燒！ 全部即叫即燒，小編最推介牛舌～ 仲有原條燒八爪魚 ($38) 啊～ 真係超級大條！ 另一必食：蒲燒原條鰻魚 ($75)！ 長過小編手臂！食完已經飽晒～ 所有炸物都係即炸，主打係薯餅～ 小編試咗紫薯餅 ($10)、咖喱餅 ($8)，聽講仲有吉列牛薯餅㗎～ 日式墨魚滑紫菜湯 $20 大大碗好抵食！推介墨魚滑～ =============== 三寶皇 呢間魚肉燒賣必食！即包即製，用蒸籠蒸，超新鮮～ 幾分鐘就賣晒㗎喇！ 魚肉燒賣 $12/8粒 好香魚肉味～仲要質感好軟，唔會死實！ =============== 皇后餃子 餃子即叫即製，皮超薄！ 有7款餡揀，仲可以揀煎/炸/蒸/湯/配麵！ 傳統韮菜豬肉、冬菇豬肉有，新穎芝士栗米、泡菜都有！ 餃子 $10/3粒 超足料，粒粒爆晒餡！加埋菜脯會更加好食～ =============== 正一麵 呢間車仔麵店，最正係咖喱汁湯底！ 好多配料揀～全部水準都幾好！ 最推薦就係秘製牛腩～ 好香！牛腩好淋！ =============== 燒洒一族 主打西式、酒醉小食，超多款揀啊！ 特大德國燒豬手 $88/1隻 超級大隻、超級多肉！ 用啤酒浸過，所以皮脆肉嫩～ 酒醉小食都好多款，全部都係用十幾種香料烚熟，再加杞子、花雕酒、鹵糟浸泡！ 酒醉熏蹄 $48 48蚊已經有好大兜，超抵食～ […]
